რას გვირჩევენ ვარსკვლავები 24 ოქტომბრისთვის ჯანმრთელობის, ბიზნესის და სიყვარულის მიმართულებით?
ვერძი
მალე ახალი, თავბრუდამხვევი სასიყვარულო თავგადასავალი გელით. თუ ამ რომანის გაგრძელებით დაინტერესებული ხართ, სხვა თაყვანისმცემლებთან ურთიერთობა უნდა შეზღუდოთ. ეცადეთ ოჯახის წევრების სამართლიან შენიშვნებს და პრეტენზიებს ნაკლები აგრესიით უპასუხოთ და დაპირისპირება თავიდან აიცილოთ. დარჩით თქვენს პოზიციაზე იმ შემთხვევაშიც, თუ გარშემომყოფები საწინააღმდეგოს გიმტკიცებენ. ცრუ ავტორიტეტებს ნუ აჰყვებით და საკუთარი გამოცდილებით იხელმძღვანელეთ!
ყველაფერი იღონეთ, რომ სამსახური არ დაკარგოთ. ამ პერიოდში ხელმძღვანელობასთან უთანხმოება თითქმის გარდაუვალია, თუმცა დიპლომატიური უნარები დაგეხმარებათ, რომ კონფლიქტს თავი ოსტატურად არიდოთ. ჯანმრთელობა ხელს შეგიწყობთ, რომ ყველა დაგეგმილი საქმე ბოლომდე მიიყვანოთ, თუმცა გულძმარვის თავიდან ასაცილებლად მწარე და მჟავე საკვებს უნდა მოერიდოთ.
კურო
რომანტიკულ პაემნებსა თუ მეგობრულ შეხვედრებს ნუ დაგეგმავთ — ჯობია ეს დღე სიმშვიდეში, მარტომ გაატარო და სამუშაო ოთახში წესრიგი დაამყაროთ. რუტინულ საქმეებს რომ მორჩებით, ყურადღებას ბევრად უფრო მნიშვნელოვან მიზნებზე ადვილად გადაიტანთ. ვარსკვლავები გირჩევენ, ვარდისფერი სათვალე მოიხსნათ და ოჯახურ ურთიერთობებს ახლებურად შეხედოთ. თუ მეორე ნახევართან პრეტენზიები დაგიგროვდათ, ახლაა მათი გაჟღერების დროა.
სამსახურის რომანტიკულ გატაცებებთან შეთავსებას ნუ შეეცდებით — ეს მხოლოდ კოლეგების გაკიცხვას და ნერვიულობას მოგიტანთ. ახალი შესაძლებლობების მიმართ რაც უფრო ღია იქნებით, მით უფრო მეტ გზას იპოვით შემოსავლის გასაზრდელად. სიახლეების ნუ შეგეშინდებათ! ჯანმრთელობის მხრივ პრობლემები არ გელით, თუმცა ხელების ჰიგიენას, განსაკუთრებით ხალხმრავალ ადგილებში, განსაკუთრებული ყურადღება უნდა დაუთმოთ.
ტყუპები
პაემანი შესაძლოა დაუვიწყარი აღმოჩნდეს, მით უმეტეს, რომ ვარსკვლავები სიახლეებისკენ გიბიძგებენ. თუ ურთიერთობებში უთანხმოება გაჩნდა, გულახდილი საუბარი ხიდების აღდგენასა და ჰარმონიის დაბრუნებაში დაგეხმარებათ. ჯერჯერობით დამატებითი ვალდებულებების აღებას მოერიდეთ — ხანდახან უმოქმედობა გაცილებით უკეთესი გამოსავალია, ვიდრე გადაჭარბებული აქტიურობა.
გირჩევთ ძვირად ღირებული ნივთების შეძენისას ოჯახის წევრების აზრი და საკუთარი ბიუჯეტის შესაძლებლობები გაითვალისწინოთ. შესაძლოა, დღის რეჟიმის შეცვლის სურვილი გაგიჩნდეთ და ეს იმპულსი აუცილებლად გამოიყენეთ! კვებასა თუ ფიზიკურ აქტივობაში ექსპერიმენტები განწყობას საგრძნობლად გამოგიკეთებთ.
კირჩხიბი
ამ ნიშნის მარტოხელა წარმომადგენლებს ვარსკვლავები ისეთ შეხვედრას ჰპირდებიან, რომელიც შეიძლება ლამაზი რომანის დასაწყისად იქცეს. ეცადეთ, საყვარელი ადამიანის თავმოყვარეობას გაუფრთხილდეთ და მის კრიტიკასა და უსაფუძვლო შენიშვნებს მოერიდოთ.
თავდაუზოგავი შრომა და პლანეტების კეთილგანწყობა კარიერულ წინსვლასა და ოცნების ასრულებაში დაგეხმარებათ. ყურადღება მიაქციეთ ფინანსურ ვალდებულებებს — შესაძლოა, პირობების გადახედვა აუცილებელი გახდეს. შესანიშნავი დღეა კრედიტორებთან დიალოგის დასაწყებად, რაც შეეხება ჯანმრთელობას, ცომეულისა და ტკბილეულის გადაჭარბებული მიღება არა მხოლოდ ფიგურაზე აისახება, არამედ შეიძლება უფრო მნიშვნელოვანი გართულებებიც გამოიწვიოს.
ლომი
თუ ცალმხრივი სიყვარულით იტანჯებით, ამ დღეს იგრძნობთ, რომ თქვენი დრო დადგა. დაოჯახებულო ლომებო, სიმშვიდე შეინარჩუნეთ —თუ მეორე ნახევარმა კამათში ჩაგითრიათ, თქვენი ურთიერთობისგან აღარაფერი დარჩება.
სამსახურში მოსალოდნელია უთანხმოება როგორც უფროსობასთან, ისე კოლეგებთან, ამიტომ საკუთარ ამბიციებსა და სამართლიანობას შორის არჩევანის გაკეთება მოგიწევთ. სამაგიეროდ, შეგიძლიათ მეგობრების მორალური და ფინანსური მხარდაჭერის იმედი გქონდეთ. ფინანსურად შედარებით არასტაბილური პერიოდია, რაც გაუთვალისწინებელ ხარჯებთან და გადახდების შეფერხებასთანაა დაკავშირებული. მშვენიერი დროა ექსპრეს-დიეტისთვის, თუმცა საკვებზე სრულად უარის თქმა არ ღირს.
ქალწული
დროა, საყოფაცხოვრებო და ფინანსური საზრუნავი ცოტა ხნით გვერდზე გადადოთ და ყურადღება პირად ცხოვრებაზე გადაიტანოთ. ეს პირველ რიგში მათ ეხებათ, ვისაც მეორე ნახევარი ჯერ არ უპოვია.
ახლობელ ადამიანებთან ურთიერთობა სრულ კომფორტსა და სიმშვიდეს მოგიტანთ. უახლოეს მომავალში ყველაზე შთამბეჭდავ წარმატებას ის ქალწულები მიაღწევენ, ვისი საქმიანობაც შემოქმედებას უკავშირდება — როგორც იქნა, თქვენი შრომა დამსახურებულ აღიარებას მოიპოვებს. ახლა ინვესტიციებისა და მსხვილი ფინანსური გარიგებებისთვის არახელსაყრელი დროა — არსებობს თანხის დაკარგვის მაღალი რისკი. მოერიდეთ გულ-სისხლძარღვთა სისტემის გადატვირთვას. თუ თავს შეუძლოდ იგრძნობთ, სამკურნალო მასაჟი და წყლის პროცედურები ძალიან დაგეხმარებათ.
სასწორი
ეცადეთ საყვარელ ადამიანთან ურთიერთობაში ფანტაზია და საზრიანობა გამოავლინოთ — ეს თქვენს კავშირს ახალ ფერებს შემატებს. ოჯახურ ცხოვრებაში მოსალოდნელია მცირე კონფლიქტები, რისი მთავარი მიზეზიც სტრესია. ამ უსიამოვნების აცილება ადვილად შეიძლება, თუ ნერვულ სისტემას გაუფრთხილდებით და კომპრომისების პოვნას ისწავლით.
მოერიდეთ უპასუხისმგებლო ადამიანებთან ერთად საქმის დაწყებას და თავი შეიკავეთ უსამართლო გადაწყვეტილების მიღებისგან, რითაც შეიძლება გარშემო მყოფებს გული ატკინოთ. დაძაბული და ფუსფუსით სავსე დღის მიუხედავად, ხელსაყრელ შანსს ხელიდან არ გაუშვებთ და უფროსობისგან სრულ მხარდაჭერას მიიღებთ. საღამოს საათებში აქტიურობას მოერიდეთ; უმჯობესია, მშვიდად დაისვენოთ, ისეირნოთ და ბუნებით ისიამოვნოთ.
მორიელი
როგორც საქმიან, ისე პირად ცხოვრებაში ცდუნებებით სავსე დღეა. კარგად დაფიქრდით, ავანტიურებში ჩაბმა ღირს თუ არა — შესაძლოა, მცირედის მიღებით გაცილებით მეტი დაკარგოთ. მეორე ნახევარს გადაჭარბებულ მოთხოვნებს ნუ წაუყენებთ. იქნებ თქვენი პრეტენზიები არც ისე საფუძვლიანია, როგორც გეჩვენებათ?
რაც უნდა გეგმავდნენ არაკეთილმოსურნეები თქვენს ზურგსუკან, ნებისმიერი სიტუაციიდან გამარჯვებული გამოხვალთ. ეს დღე ხელსაყრელია შემოსავლის დამატებითი წყაროების მოსაძებნად — შესაძლოა, საინტერესო პროექტი აღმოაჩინოთ. ყველაფერი იღონეთ ფსიქოლოგიური წონასწორობის შესანარჩუნებლად — ეცადეთ წვრილმანი უსიამოვნებები გულთან ახლოს არ მიიტანოთ და მხოლოდ სასიამოვნო ინფორმაციას უსმინოთ.
მშვილდოსანი
ინიციატივის ხელში აღებას ნუ მოერიდებით! თქვენმა წინადადებებმა შეიძლება საყვარელი ადამიანი სასიამოვნოდ გაოცებული დატოვოს. შეგიძლიათ ახლობლების მხარდაჭერის იმედი გქონდეთ, ამიტომ უახლოეს გარემოცვას ემოციებსა და გრძნობებს ნუ დაუმალავთ.
ეს დღე ახალი ინფორმაციის მოძიებას ხელს უწყობს. გახსოვდეთ, რომ ცხოვრებაში ფულზე ბევრად მნიშვნელოვანი საკითხებიც არსებობს და თუ ამას უარყოფთ, შეიძლება ახლობლებთან ურთიერთობა გაიფუჭოთ. დღეს გონებრივ ამოცანებს მშვენივრად გაუმკლავდებით, თუმცა ფიზიკური გამძლეობა ცოტათი გიმტყუნებთ. დასვენება და საკუთარ ჯანმრთელობაზე ზრუნვა ისაა, რაც ახლა ყველაზე მეტად გჭირდებათ.
თხის რქა
ყურადღების ცენტრში ხართ — ბევრი შეხვედრა და ურთიერთობა გელით, თუმცა იმ ადამიანისპოვნის შანსი, ვინც სინამდვილეში გჭირდებათ, ძალიან დაბალია. შესაძლოა, ამ დღეს თქვენმა ემოციებმა განსაკუთრებული სიმძაფრე შეიძინოს. დაძაბულობის მოხსნას საყვარელი საქმიანობით შეძლებთ, საყოფაცხოვრებო საქმეები კი ჯობს დღის მეორე ნახევრისთვის გადადოთ.
სასიამოვნო დღეა კოლეგებთან თუ ხელმძღვანელობასთან ურთიერთობისთვის. ახლა თქვენს ცხოვრებაში ბევრი რამ ხდება —ბრწყინვალე იდეები და მათი რეალიზების კარგი შესაძლებლობები გაგიჩნდებათ! ეცადეთ, ტოქსიკურ და წუწუნა ადამიანებთან ურთიერთობისგან თავი შეიკავოთ — ეს წესი სოციალურ ქსელებსაც ეხება.
მერწყული
ამ დღეს შეიძლება ერთი ნახვით შეყვარება გამოცადოთ! ასე რომ, მომენტით ისიამოვნეთ და საკუთარ ემოციებს ჩაუღრმავდით. გულახდილი საუბარი დაგეხმარებათ, რომ ოპონენტის პოზიცია უკეთ გაიგოთ და კომპრომისის პოვნა შეძლოთ.
სამსახურში საკმარისი ენერგია გაქვთ, რომ ნებისმიერი დაბრკოლება გადალახოთ და ენერგიულად შრომობთ, როცა სხვები ჯერ კიდევ ფიქრობენ! იღბალი რომ შეინარჩუნოთ, საკუთარი გამარჯვებების საზღვრები დააწესეთ და წვრილმანებს ყურადღებას ნუ მიაქცევთ. გამორიცხული არ არის, რომ მოულოდნელმა ნაბიჯმა ყველაზე ამბიციური მიზნების მიღწევაში ხელი შეგიწყოთ. ხელსაყრელი დღეა საყიდლებისთვის (სამკაულებისა და ქვის ნაკეთობების გარდა). საღამოს შეიძლება თავი შეუძლოდ იგრძნოთ, თუმცა თბილი ჩაი და წყარი მუსიკა განწყობას გაგიუმჯიბესებთ.
თევზები
ხელსაყრელი დღეა, განსაკუთრებით მამაკაცებისთვის — საყოფაცხოვრებო საკითხები იოლად, ზედმეტი ხარჯების გარეშე მოგვარდება და დრო პირადი სიამოვნებისთვისაც დაგრჩებათ. ამასთან, ქალბატონების მოხიბვლას და გრძნობების გამოვლენას ადვილად შეძლებთ.
სამსახურში სასურველ შედეგის მისაღწევად ბოლომდე უნდა დაიხარჯოთ — თქვენი უშუალო მონაწილეობის გარეშე არაფერი გამოვა. პარტნიორულ ურთიერთობებში ტყუილი, ილუზიები და ეჭვიანობა შეიძლება დაუფიქრებელი ნაბიჯების მიზეზი გახდეს. მოუწყვეთ საკუთარ თავს დადებითი ემოციების დღე — რეალობის სიხარულით აღქმა თვითშეფასებას აგიმაღლებთ, კარგი განწყობა კი არა მხოლოდ უსიამოვნო ფიქრებს გაფანტავს, არამედ ენერგიითაც აგავსებთ.
admin 