ცნობილი ინფლუენსერი 25 წლის მარია კატიანე გომეს და სილვა, ქმარმა, 40 წლის ალექს ლეანდრო ბისპო დოს სანტოსმა, ბრაზილიაში, სან-პაულოში, საცხოვრებელი კორპუსის მე-10 სართულის აივნიდან გადმოაგდო.
შედეგად ახალგაზრდა ქალი გარდაიცვალა.
გავრცელებული ინფორმაციით, მკვლელობა წყვილს შორის კამათს მოჰყვა. სანტოსმა პოლიციას განუცხადა, რომ ქალმა თავი მოიკლა, თუმცა, პოლიციის თქმით, ვიდეოთვალთვალის ჩანაწერები ამ ვერსიას ეწინააღმდეგება.
- გამომძიებლები აცხადებენ, რომ კადრებში სილვას გარდაცვალებამდე რამდენიმე წუთით ადრე მომხდარი ფიზიკური ძალადობის სერიაა ასახული. კადრში ჩანს, თუ როგორ ურტყამს ბრალდებული ცოლს ავტოსადგომზე. აგრესიული ქცევა ლიფტშიც გრძელდება.
სანტოსი მკვლელობის ბრალდებით მკვლელობიდან 9 დღის შემდეგ დააკავეს.
მარია წარმოშობით სეარას შტატიდან იყო და ცოტა ხნის წინ, სან-პაულოში გადავიდა საცხოვრებლად. მას წინა ურთიერთობიდან ერთი ქალიშვილი დარჩა.
admin