რას გვირჩევენ ვარსკვლავები 8 დეკემბრისთვის ჯანმრთელობის, ბიზნესის და სიყვარულის მიმართულებით?
ვერძი
ამ დღეს ბევრ ვერძს რომანტიკული შეხვედრა ელოდება. ახლა ყველაფერი თქვენს ინიციატივაზეა დამოკიდებული. დაოჯახებულ ვერძებს მოთმინების გამოჩენა მართებთ. შესაძლოა, კონფლიქტური სიტუაცია შეიქმნას, რომლის მოგვარებაც მხოლოდ მშვიდობიანი გზით იქნება შესაძლებელი.
შეადგინეთ დღის, კვირის ან თვის განრიგი, ძირითადი საქმეებისა და პრიორიტეტების ჩათვლით. დანიშნეთ კონკრეტული დრო თითოეული დავალების შესასრულებლად. ეს სამუშაოს ორგანიზებაში დაგეხმარებათ. არ არის გამორიცხული შეცდომა, რომელმაც შეიძლება ფინანსური ზარალი ან ავტორიტეტის შელახვა გამოიწვიოს.
დღეს ძალებისა და თავდაჯერებულობის შესამჩნევ ზრდას იგრძნობთ. გამოიყენეთ ეს ხელსაყრელი შანსი დაბრკოლებების გადასალახად.
კურო
პლანეტების მიმდინარე განლაგება თქვენს ურთიერთობებში ბევრ სიახლეს მოიტანს. ეს შეიძლება ორმხრივი გრძნობის იმედი ან შესაძლო განშორების შიში იყოს.
დაოჯახებულ კუროებს დღის მეორე ნახევარში სასიამოვნო სიურპრიზი ელოდებათ. ეცადეთ, საკუთარ ვალდებულებებს მაქსიმალური პასუხისმგებლობით მოეკიდოთ, თავშეკავება და მონდომება გამოიჩინოთ.
დღეს თქვენი შორსმჭვრეტელობა, პრაქტიკულობა და რეალიზმი იზრდება – არსებობს შანსი, რომ მნიშვნელოვან წინსვლას მიაღწიოთ. ნებისმიერი კონფლიქტი, რომელიც ამ დღეს მოხდება, ენერგეტიკულად გამოგფიტავთ, ამიტომ ეცადეთ სიმშვიდე შეინარჩუნოთ.
ტყუპები
ამ დღეს თქვენში ექსპერიმენტების მოყვარული მეოცნებე გაიღვიძებს. ნუ შეგეშინდებათ, რომ სხვების თვალში უცნაური გამოჩნდებით – მათი აზრი არაფერს ნიშნავს. შესაძლოა, ნაკლებად სასიამოვნო საქმეების კეთება მოგიწიოთ, მაგალითად, მღრღნელებთან ან პარაზიტებთან ბრძოლა.
დროა, ახალი პროფესიული ჰორიზონტები აღმოაჩინოთ! თუ ახლანდელ სამსახურში კარიერული ზრდის ნაკლები შანსი გაქვთ, შეგიძლიათ სამსახურის შეცვლაზე იფიქროთ. ამ პერიოდში ფინანსური ინვესტიციების ჩადებას უნდა მოერიდოთ — ციური სხეულების უარყოფითმა განლაგებამ შესაძლოა სხვადასხვა სახის პრობლემები გამოიწვიოს.
ეცადეთ, სუფთა ჰაერზე უფრო ხშირად იყოთ და მეტი იმოძრაოთ, განსაკუთრებით, თუ მჯდომარე სამუშაო გაქვთ. წინააღმდეგ შემთხვევაში, შეიძლება თავი ჯანმრთელობის პრობლემებმა იჩინოს.
კირჩხიბი
ახალი გატაცება ან მსუბუქი ფლირტი გელით. ვარსკვლავები გაფრთხილებენ, რომ თქვენთვის დამახასიათებელმა თავშეკავებამ შესაძლოა საშუალება არ მოგცეთ, რომ თაყვანისმცემლის ნაკლი და ღირსებები სწორად შეაფასოთ.
შუადღის შემდეგ რამდენიმე ამბავს გაიგებთ და მათგან ყველა სასიამოვნო არ იქნება. საქმე, რომელსაც ხელმძღვანელი ამ დღეს დაგავალებთ, თქვენს ერთ-ერთ მთავარ პრიორიტეტად უნდა იქცეს – შესაძლოა, თქვენი კარიერული ზრდა სწორედ ამაზე იყოს დამოკიდებული. თქვენი შრომისუნარიანობა შესაძლოა გაორმაგდეს, რაც ფინანსურ კეთილდღეობაზე დადებითად აისახება.
მოერიდეთ ფიზიკურ დატვირთვას და სპორტულ ვარჯიშებს – არსებობს ტრავმის რისკი, რომელიც ხანგრძლივ მკურნალობას მოითხოვს.
ლომი
ეცადეთ გრძნობებში, იდეებსა და მოქმედებებში წონასწორობა დაიცვათ. იღბლის იმედად ნუ იქნებით. თუ საყვარელი ადამიანის ქცევაში რამე არ მოგწონთ, ბრალდებების წამოყენებას ნუ იჩქარებთ. უმჯობესია, გულწრფელად ესაუბროთ და შექმნილი ვითარებიდან გამოსავალი იპოვოთ.
ერიდეთ მატყუარა ადამიანებს და მიღებული ინფორმაცია საგულდაგულოდ გადაამოწმეთ. ეს დღე სიფრთხილესა და დაკვირვებას მოითხოვს. ზედმეტმა აქტიურობამ შეიძლება მხოლოდ გადაღლა გამოიწვიოს. საკუთარი თავისგან შეუძლებელს ნუ მოითხოვთ. სასიცოცხლო ენერგიის დიდი მარაგი გაქვთ, მაგრამ პერიოდულად, სრულფასოვანი დასვენებით მისი შევსება აუცილებელია.
საღამოს ეცადეთ, ზედმეტი საკვების მიღებისგან თავი შეიკავოთ და უცნობი კერძები არ დააგემოვნოთ.
ქალწული
ამ დღეს საყვარელი ადამიანისგან უამრავ დადებით ემოციას მიიღებთ. თუ საყვარელი ადამიანი ჯერ კიდევ ვერ იპოვეთ, იმედს ნუ დაკარგავთ – ეს მალე მოხდება!
ამ დღეს გადაუჭრელი პრობლემები მუდმივად თავს შეგახსენებთ. მოსალოდნელია დანაკარგები, რომლებიც თქვენს ბედზე აისახება. გამორიცხული არაა, რომ გარეშე ადამიანებს უფრო მეტ დროს უთმობთ, ვიდრე მშობლიურებს, რის გამოც ოჯახის წევრების საყვედურების მოსმენა გიწევთ.
ეცადეთ, თქვენი სურვილები შესაძლებლობებს შეუსაბამოთ. ვარსკვლავები ვარაუდობენ, რომ ამ დღეს თქვენი ყველა საქმე ფულთან იქნება დაკავშირებული. ფინანსური დანაკარგის თავიდან ასაცილებლად, ნუ აჩქარდებით და დაუფიქრებელი გადაწყვეტილება არ მიიღოთ.
ვარსკვლავები გაფრთხილებენ, რომ აქტიური სპორტული აქტივობებისგან თავი შეიკავოთ – არსებობს ტრავმის მიღების რისკი.
სასწორი
სავარაუდოდ, სამსახურებრივი რომანი გელით, თუმცა ასეთი კავშირები უმეტესად ხანმოკლეა და უსიამოვნო შედეგებს იწვევს. იყავით უფრო მომთმენი და თავაზიანი ურთიერთობაში, თორემ მეზობლებთან ან ნათესავებთან დაპირისპირებას ვერ ასცდებით.
არავის მისცეთ უფლება, რომ გმართოთ. სჯობს საკუთარი შეცდომები დაუშვათ, ვიდრე მთელი ცხოვრება სხვისი მითითებით იმოქმედოთ.
თქვენი დაბნეულობა და ფარული შიშები უსაფუძვლოა — ამჟამად იღბალი თქვენს მხარესაა, ამიტომ თამამად იარეთ არჩეული მიმართულებით.
გირჩევთ მოზღვავებული ენერგია სპორტდარბაზში დახარჯოთ — დღეს ეს თქვენთვის, როგორც არასდროს, ისე სასარგებლო იქნება.
მორიელი
შესანიშნავი დღეა ოდესღაც გაფუჭებული ურთიერთობების აღდგენისა და შერიგებისთვის. გამოიყენეთ შანსი, აღადგინოთ ურთიერთობა ადამიანთან, რომლის წინაშეც თავს დამნაშავედ გრძნობთ. მთავარია, რომ სწორი სიტყვები მოძებნოთ!
გააანალიზეთ, რა გიშლით ხელს სამუშაო მოვალეობების შესრულებაში. ეცადეთ, აქტიურად იმოქმედოთ და ახალ პროექტების დაწყებაზე დათანხმდეთ, თუნდაც ეს საქმე თავიდან უიმედოდ მოგეჩვენოთ.
ერიდეთ ორპირ ქარს და ცივ წყალს —უახლოეს პერიოდში დაუცველია ყელი და ხმის იოგები. თქვენი განწყობა მთლიანად თქვენზეა დამოკიდებული, ამიტომ მოიშორეთ ცუდი ფიქრები და სასიამოვნო მოვლენებზე იფიქრეთ.
მშვილდოსანი
თუ ამჟამინდელი სასიყვარულო ურთიერთობის გაგრძელებით დაინტერესებული ხართ, მაშინ ეცადეთ, ინიციატივა ხელში აიღოთ.
დღის მეორე ნახევარში სხვადასხვა სახის საზრუნავი გელით, მათ შორის, საყოფაცხოვრებო. გირჩევთ, დახმარებისთვის ოჯახის წევრებს მიმართოთ – ასე საქმეს ბევრად უფრო სწრაფად დაასრულებთ.
სამსახურში კოლეგებს შორის მოსალოდნელია კონფლიქტები და შესაძლოა, ვიღაცამ თქვენი მასში ჩათრევა სცადოს. კოლეგების თვალსაზრისს ნუ უგულებელყოფთ, მაგრამ ამავდროულად საკუთარი პოზიციები დაიცავით! ეცადეთ, მეგობრულ და საქმიან ურთიერთობებს შორის მკაფიო ზღვარი გაავლოთ.
ამ დღეს ფულის გასესხებას მოერიდეთ, თორემ შეიძლება ვეღარ დაიბრუნოთ. შესაძლოა, ჭარბი წონა არ გაქვთ, მაგრამ მაინც ეცადეთ ჯანსაღი საკვები მიირთვათ და ცხიმიან საკვებს მოერიდოთ.
თხის რქა
თუ ამ საღამოს რომანტიკულ შეხვედრას გეგმავთ, იცოდეთ, რომ ის ბრწყინვალედ ჩაივლის!
ზოგი თხის რქის ოჯახის წევრებს უძრავ ქონებასთან დაკავშირებული საზრუნავი ელით. ადამიანები, რომლებიც ადრე თქვენი საქმეებით არ ინტერესდებოდნენ, ახლა დახმარების სურვილს გამოთქვამენ.
სამსახურებრივ საქმიანობაში წარმატების მიღწევას შეძლებთ, რაშიც ოპტიმიზმი და შესანიშნავი განწყობა დაგეხმარებათ. ვარსკვლავები ფინანსური კეთილდღეობის გაზრდის შანსს გაჩუქებენ – ახლა თქვენზეა დამოკიდებული, მის გამოყენებას შეძლებთ თუ არა.
სატურნის გავლენით, ზოგიერთ თხის რქას სახსრების ტკივილი შეაწუხებს. თუ უსიამოვნო სიმპტომებს იგრძნობთ, ეცადეთ ფიზიკური აქტივობით არ გადაიტვირთოთ.
მერწყული
თქვენი ნიჭის გამოსავლენად საუკეთესო დრო შუადღე და საღამოა. დღის მეორე ნახევარი მოვლენებით დატვირთული იქნება.
თუ უცხო ადამიანებთან საერთო ენის პოვნა გიჭირთ და მათი ქარაგმები გაღიზიანებთ, ამ სიტუაციაში მხოლოდ იუმორის გრძნობა დაგეხმარებათ.
თუ კომპიუტერთან დიდ დროს ატარებთ, თქვენს სხეულს ფიზიკური დატვირთვა სჭირდება, ამიტომ სპორტულ დარბაზში სიარული ჩვევად უნდა აქციოთ. სავსებით შესაძლებელია, რომ უახლოეს ხანში სოციალური სტატუსის და ფინანსური მდგომარეობის გაუმჯობესება შეძლოთ. ვინმეს დახმარების სურვილმა შეიძლება შეცდომა დაგაშვებინოთ, რომელიც თავს დიდხანს შეგახსენებთ.
თევზები
შესანიშნავი დროა სიყვარულისა და რომანტიკული შეხვედრებისთვის. საყვარელ ადამიანთან ურთიერთობა შესანიშნავად აეწყობა და ეცადეთ, დაუფიქრებელი საქციელით ყველაფერი არ გააფუჭოთ.
სავარაუდოდ, დამატებითი ფულის გამომუშავების შესაძლებლობა მოგეცემათ და ხელიდან არ უნდა გაუშვათ. რა თქმა უნდა, არც ძირითადი სამუშაო უნდა დაივიწყოთ. მოერიდეთ ფულის სესხებას, მით უმეტეს, რომ ამის განსაკუთრებული საჭიროება არ არსებობს.
user