რას გვირჩევენ ვარსკვლავები 29 ნოემბრისთვის ჯანმრთელობის, ბიზნესის და სიყვარულის მიმართულებით?
ვერძი
თუ ჯერ მარტო ხართ, შეიძლება ამ დღის ასტროლოგიურმა ენერგიამ მონათესავე სულის ადამიანი გაპოვნინოთ. თავშეკავება გამოიჩინეთ და სცადეთ, მოვლენები ობიექტურად შეაფასოთ — ვერძის ერთ-ერთი დადებითი თვისება ხომ საღი განსჯაა.
ეს დღე ხელსაყრელია საქმიანი მოლაპარაკებებისთვის, ახალი ხელშეკრულებების დადებისა და ხელმძღვანელობასთან დაკავშირებისთვის. ვარსკვლავების მხარდაჭერით თქვენი მატერიალური მდგომარეობა გაუმჯობესდება, თუმცა ეცადეთ, ფული ეკონომიურად ხარჯოთ.
დროა ფიზიკურად გააქტიურდეთ, თუმცა გადაჭარბებულ დატვირთვას მოერიდეთ — გადაღლა თქვენს განწყობაზე უარყოფითად იმოქმედებს.
კურო
პირად ცხოვრებაში მოსალოდნელია როგორც სერიოზულად სასიამოვნო ცვლილებები, ისე პრობლემები.
ახლობელი ადამიანების მოთმინებას ნუ გამოცდით, თორემ შეიძლება მათი რისხვა დაგატყდეთ. ვარსკვლავები გირჩევენ, ოჯახის წევრებთან მეტი დრო გაატაროთ. თქვენი მოუცლელობა ხშირად კამათის და დაძაბულობის მიზეზი ხდება.
ამ დღეს ნებისმიერი წამოწყება წარმატებას მოგიტანთ, ამიტომ ყველაზე მნიშვნელოვანი საქმეები სწორედ ახლა უნდა შეასრულოთ. ინტელექტი და გამჭრიახობა არ გაკლიათ, მაგრამ ეს საკმარისი არ არის — პროფესიული უნარების განვითარებაც საჭიროა.
მოერიდეთ ზედმეტ ფიზიკურ დატვირთვას და სტრესულ სიტუაციებს. იოგა, მედიტაცია და სუნთქვითი ვარჯიშები დაძაბულობის შემცირებაში და მდგომარეობის გაუმჯობესებაში დაგეხმარებათ.
ტყუპები
მარტოხელა ტყუპებს მნიშვნელოვანი შეხვედრა ელით, რომელმაც შეიძლება დაუვიწყარი შთაბეჭდილებები აჩუქოს. ზედმეტად ხმაურიან დაპირებებს მოერიდეთ, რათა უხერხულ მდგომარეობაში არ აღმოჩნდეთ.
არ არის გამორიცხული კონფლიქტი მშობლებთან ან სხვა უფროს ნათესავებთან. ის რომ თქვენი არჩევანი არ მოსწონთ, არ ნიშნავს, რომ უკან უნდა დაიხიოთ. შესაძლოა, თავით გადაშვება მოგიწიოთ საქმეებში, რომლებიც სასწრაფო გადაწყვეტას მოითხოვს.
ხელსაყრელი დღეა საბუთების ხელმოწერისა და ფინანსურ საკითხებთან დაკავშირებული მოქმედებისთვის. საყოფაცხოვრებო საქმეებში შესაძლოა სირთულეები და შეფერხებები გაჩნდეს.
თუ ჰიპერტენზიისკენ მიდრეკილი ხართ, თავი შეიკავეთ ყავის სმისგან, რომ წნევის მომატება თავიდან აარიდოთ.
კირჩხიბი
შეყვარებული წყვილებისთვის სახიფათო დღეა. სანამ გაცხარდებით და პრეტენზიებს წამოაყენებთ, გაითვალისწინეთ, რომ ეს შეიძლება ურთიერთობის გაწყვეტით დასრულდეს. დღეს ბევრი საერთო გაქვთ, რამაც შეიძლება დაგაახლოვოთ და გაგაერთიანოთ. მალე გაუგებრობები და დაძაბულობა წარსულში დარჩება და პოზიტიურ აზრებზე გადართვას შეძლებთ.
ეს დღე ხელსაყრელია მიზნების ჩამოყალიბებისა და მომავლის დაგეგმვისთვის. ფრთხილად იმოქმედეთ, განსაკუთრებით ფინანსურ საკითხებში. მოერიდეთ დიდ შესყიდვებს ან საეჭვო ინვესტიციებში ფულის ჩადებას.
ლომი
ამ დღეს ვენერა თქვენი ნიშნის გონიერ წარმომადგენლებზე უჩვეულო გავლენას მოახდენს და მეგობრული სიმპათიები შეიძლება ვნებამ შეცვალოს. ეცადეთ, თავი არ დაკარგოთ, რათა მერე ნაჩქარევი ქმედებები არ ინანოთ.
მეგობრის სტუმრობა ან საყვარელი ადამიანის საჩუქარი დაგამშვიდებთ და ძალებს დაგიბრუნებთ. ამ დღეს უხეშობისა და აგრესიისა გამოხატვა უკიდურესად არასასურველია — ირგვლივ მყოფები ამას მტრულად აღიქვამენ, ამიტომ ჯობია კომპრომისი მონახოთ.
ფინანსური მდგომარეობა შესანიშნავია, თუმცა ეს ფულის ფანტვის უფლებას არ გაძლევთ.
მშვენიერი დროა მავნე ჩვევებთან საბრძოლველად. დღის რეჟიმი ისე დაგეგმეთ-ხოლმე, რომ დროულად დაიძინოთ.
ქალწული
ეს დღე ახალი სასიყვარულო ურთიერთობისთვის არახელსაყრელია. ნუ გასცემთ დაპირებებს, რომლის შესრულება არ შეგიძლიათ და ზედმეტი ვალდებულებებით თავს ნუ დაიტვირთავთ. სიტყვებსა და ქმედებაში სიფრთხილე გმართებთ.
მოსალოდნელია ცუდი წინათგრძნობა და დაძაბულობა ეჭვიანობის ნიადაგზე. თუ საკუთარ პასუხისმგებლობებს სერიოზულად მოეკიდებით, თავს საჭირო და სასარგებლოდ ადამიანად იგრძნობთ.
თუ საქმე არ გამოგდით და ყველაფერი ხელიდან გივარდებათ, სუფთა ჰაერზე გაისეირნეთ, დაისვენეთ და დაწყებულ საქმეს დაუბრუნდით. თუ ალერგიული ხართ, კვებას სიფრთხილით მოეკიდეთ და საჭირო მედიკამენტები თან იქონიეთ.
სასწორი
ეცადეთ, წარსული შეცდომები არ გაიმეოროთ – განსაკუთრებით, თუ გამოცდილება უსიამოვნო იყო. ექსპერიმენტების არ შეგეშინდეთ – ზოგჯერ ეს ახალი გამოცდილების მიღებაში გვეხმარება. დღეს ურთიერთობებში მეტი მოთმინება და შემწყნარებლობა უნდა გამოიჩინოთ. ოჯახის წევრებთან სითბოს, სიყვარულისა და მადლიერების გამოხატვა არ დაიზაროთ.
კარგი იქნება, თუ სამსახურში კოლეგების აზრს გაითვალისწინებთ, სწორი რჩევა დაწყებული საქმის მალე დასრულებაში დაგეხმარებათ.
შოპინგისთვის არახელსაყრელი დღეა — მაღაზიებში სიარული მხოლოდ დროს დაგაკარგვინებთ და განწყობასაც გაგიფუჭებთ.
მორიელი
სასიყვარულო ურთიერთობა დღეს გახსნილ და თავისუფალ ქცევას მოითხოვს, თუმცა საკუთარი რეპუტაციაც არ დაივიწყოთ. ეცადეთ, ყურადღება პრიორიტეტულ საკითხებზე გაამახვილოთ და მეორეხარისხოვან დავალებებზე დრო არ დაკარგოთ.
ყურადღება მიაქციეთ შესაძლებლობებს, რომლებმაც შეიძლება დამატებითი შემოსავალი მოგიტანოთ, მაგრამ დიდი ინვესტიციებისგან უმჯობესია თავს შეიკავოთ. დააკვირდით მინიშნებებს და ყველაფერს, რაც თქვენ გარშემო ხდება. ეცადეთ მიხვდეთ, რისი თქმა სურთ თქვენთვის ვარსკვლავებს.
მშვილდოსანი
დროა, საკუთარ ცხოვრებაში ცვლილებები შეიტანოთ – დამღლელ სამსახურს თავი დაანებოთ ან დაასრულოთ ურთიერთობა, რომელსაც მომავალი არ აქვს. თუ მოთმინებით და მშვიდად იმოქმედებთ შეიძლება ყველაფერი თქვენს სასარგებლოდ დასრულდეს.
გამორიცხული არ არის, რომ ხელმძღვანელობისგან დაწინაურების ან პროფესიული განვითარების ახალ ეტაპზე გადასვლის წინადადება მიიღოთ. მზად იყავით სიახლეებისთვის და ყველა შეთავაზება ინტერესით განიხილეთ. სურვილი გექნებათ, რომ ყველაფერს დამოუკიდებლად გაუმკლავდეთ, მაგრამ გახსოვდეთ, რომ გუნდური მუშაობა უფრო შედეგიანია. ენერგიას წვრილმანებზე ნუ გაფლანგავთ — მალე ძალისხმევის გამოჩენა მნიშვნელოვან საკითხზე დაგჭირდებათ.
თხის რქა
წვრილმან საკითხებს ყურადღებას ნუ მიაქცევთ – ბედნიერება უფრო მნიშვნელოვან საკითხებში უნდა ეძებოთ. სიყვარულისთვის ეს დღე ნაკლებად ხელსაყრელია, ამიტომ შეგიძლიათ, ენერგია სხვა სფეროსკენ მიმართოთ. სიმყუდროვე და სიმშვიდე თითქოს გუშინ გსიამოვნებდათ, მაგრამ დღეს ახალი ემოციებისა და ვნებების სურვილი გაჩნდება.
დაგროვილი საქმეები და მოულოდნელი დაბრკოლებები სწრაფად მოქმედებას მოითხოვს. ეცადეთ, ყველაფრის მიმართ, რაც თქვენ გარშემო ხდება, პოზიტიური დამოკიდებულება გქონდეთ. სამსახურში საკუთარი შეცდომები შესაძლოა ძვირად დაგიჯდეთ, ამიტომ მუშაობის დროს ყურადღება არ მოადუნოთ.
მერწყული
თუ დიდი ხანია მარტო იყავით, იცოდეთ, რომ ეს პერიოდი სრულდება და მალე ბედნიერებას იპოვით. ყურადღება მიაქციეთ საყვარელი ადამიანების ემოციურ მდგომარეობას — შესაძლოა პრობლემები აქვთ და მხარდაჭერა სჭირდებათ.
თქვენი შრომისმოყვარეობისა და პასუხისმგებლობით სავსე დამოკიდებულების მიუხედავად, სიტუაციის თქვენ სასარგებლოდ შემობრუნებას ვერ შეძლებთ.
დღის მეორე ნახევარში მოგეცემათ შანსი, რომლითაც აუცილებლად უნდა ისარგებლოთ. გარშემო მყოფები ცდილობენ, მუშაობას მოგწყვიტონ და ყურადღებას გიფანტავენ, ამიტომ შეძლებისდაგვარად, განმარტოებით უნდა იმუშაოთ.
ზოგიერთ მერწყულს შესაძლოა კიდურების შეშუპება აღენიშნოს. არ ინერვიულოთ, ეს დროებითი მდგომარეობაა და რამდენიმე დღეში გაივლის.
თევზები
თუ მარტო ხართ, ბედი უკვე მზადაა, ცხოვრების მეგზურთან შეხვედრა მოგიწყოთ. შესაძლოა, მომავალი საბედო ახლობლების დახმარებით გაიცნოთ.
ეს დღე სიურპრიზებით იქნება სავსე, განსაკუთრებით მათთვის, ვინც შემოქმედებით საქმიანობას ეწევა. მოსალოდნელია ფინანსური შემოსავალი, რომელიც სასურველია ვალების გასტუმრებისკენ მიმართოთ.
ჯანმრთელობის პრობლემები მოსალოდნელი არ არის – მთვარე ადგილს უთმობს ენერგიულ მარსს, რაც ძალასა და სიმტკიცეს შეგმატებთ.