ერთა ლიგის ჯგუფური ეტაპის პირველ ტურში ნორვეგიის ნაკრები ყაზახეთის ეროვნულ გუნდს ესტუმრა და შინ ერთი ქულის ამარა დაბრუნდა. 90 წუთის განმავლობაში გუნდებმა გოლი ვერ გაიტანეს.
სკანდინავიელებს ბურთის ფლობის 70%-იანი მაჩვენებელი და მეტოქის კარის აღების 19 მცდელობა (მხოლოდ 2 ზუსტი) ჰქონდათ, თუმცა მიზანს ერთხელაც ვერ უწიეს. ყაზახეთის ნაკრების 5-მა მცველმა მეტოქის 23 წლის მეგავარსკვლავის, ერლინგ ჰოლანდის განეიტრალებას თავი წარმატებით გაართვა.
სხვათა შორის, მატჩისშემდგომ პრესკონფერენციაზე, ნორვეგიელთა მთავარმა მწვრთნელმა, რობინ ოლსენმა “მანჩესტერ სიტის” ფორვარდი გვარიანად გააკრიტიკა.
“გუნდში მსოფლიო დონის ორი ფეხბურთელი გვყავს. დღეს ერლინგ ჰოლანდი თავის სტანდარტებზე გაცილებით ქვემოთ იდგა. ამაზე ცუდი ჰოლანდისგან ბევრი არაფერი მინახავს.
მარტინ ოდეგორი ეპიზოდებში გაიბრწყინებდა ხოლმე, მაგრამ მე მისგანაც მეტს ველი. ამ მატჩში 1 ქულის აღება ცუდი შედეგია.
ჯგუფის სხვა გუნდები ყაზახეთთან ქულებს არ დაკარგავენ,” – თქვა ოლსენმა.
ერთა ლიგის B დივიზიონის მე-3 ჯგუფში ავსტრია და სლოვენიაც არიან. გუშინ ერთმანეთში ამ გუნდებმაც ითამაშეს და ის მატჩიც ფრედ, ოღონდ 1:1 დასრულდა. 9 სექტემბერს ნორვეგია ავსტრიას, ხოლო სლოვენია ყაზახეთს უმასპინძლებს.