გია ბაღაშვილი სამწუხარო ინფორმაციას ავრცელებს

გია ბაღაშვილი სამწუხარო ინფორმაციას ავრცელებს:

დიდებული პიროვნება გარდაიცვალა – ბატონი ელდარ მდინარაძე!..

ღირსებით სავსე, შესანიშნავი შემოქმედი, ყოველივე ქართულის გვერდში მდგომი და მოჭირნახულე, კაცური კაცი!.. უღალატო, პირში მთქმელი და პრინციპული, ჩემი უფროსი მეგობარი, ქართული ფოლკლორის მოჭირნახულე, ამაგდარი პიროვნება!..

მიუხედავად იმისა, ბატონი ელდარის უკერნებელი სენის შესახებ დიდი ხანია ვიცოდი, ძალიან მტკივნეულია მისი წასვლა იმიტომ, რომ ასეთი ხალხი არ უნდა მიდიოდნენ ასე ადრე!.. ის ჭირდებოდა ქვეყანას, სამეგობროს, საყვარელ საქმეს, მის შესანიშნავ ოჯახს!.. რამდენი საინტერესო ჩანაფიქრი დარჩა მას, როგორც რეჟისორს, განუხორციელებელი… ერთი ის მახარებს, რომ მოვასწარი და ერთი კვირის წინათ, ვაჩვენე ჩემი ახალი ინგლისურენოვანი გადაცემა ქართულ ფოლკლორზე… დამლოცა, როგორც იცოდა, ისეთი სიტყვებით, გულს რომ გაგითბობდა, ძალას მოგცემდა და შენი თავის რწმენას განგიმტკიცებდა!..

ღმერთმა გზა მართალს გამყოფოთ ბატონო ელდარ! ჩამწყვიტეთ გული მეც და უამრავ ადამიანს, ვინც გიცნობდათ და ვისაც თქვენთან მეგობრობის პატივი ჰქონდა! თქვენ თქვენი უამრავი სიკეთე და უანგარო, კაცურად ნაკეთები საქმეები გაგინათებთ გზას იქ, “სადაც მართალნი განისვენებენ”!