ხელჩართული დაპირისპირება მმართველი პარტიის ადგილობრივ ჩინოსნებს შორის – შსს-მ დააკავა ყვარლის მუნიციპალიტეტის ხელმძღვანელი პირები

ში­ნა­გან საქ­მე­თა სა­მი­ნის­ტრო ავ­რცე­ლებს ინ­ფორ­მა­ცი­ას, რომ ში­ნა­გან საქ­მე­თა სა­მი­ნის­ტროს კა­ხე­თის პო­ლი­ცი­ის დე­პარ­ტა­მენ­ტის თა­ნამ­შრომ­ლებ­მა, სამი პირი: 1985 წელს და­ბა­დე­ბუ­ლი ნიკა ზა­უ­ტაშ­ვი­ლი,1982 წელს და­ბა­დე­ბუ­ლი გივი ზა­უ­ტაშ­ვი­ლი და 1981 წელს და­ბა­დე­ბუ­ლი ლე­ვან გე­ლა­ძე ძა­ლა­დო­ბის ბრალ­დე­ბით და­ა­კა­ვეს.

“გა­მო­ძი­ე­ბით დად­გინ­და, რომ მიმ­დი­ნა­რე წლის 8 ნო­ემ­ბერს, ყვა­რელ­ში, ყო­ფით სა­კი­თხზე და­წყე­ბუ­ლი კონ­ფლიქ­ტი­სას, ნიკა ზა­უ­ტაშ­ვი­ლი, მისი ძმა – გივი ზა­უ­ტაშ­ვი­ლი და ლე­ვან გე­ლა­ძე, ერ­თმა­ნეთს ჯერ სი­ტყვი­ე­რად, შემ­დგომ კი ფი­ზი­კუ­რად და­უ­პი­რის­პირ­დნენ, ამა­ვე და­პი­რის­პი­რე­ბი­სას ნიკა ზა­უ­ტაშ­ვილ­მა ლე­ვან გე­ლა­ძეს ბლაგ­ვი საგ­ნის გა­მო­ყე­ნე­ბით სა­ხის არე­ში და­ზი­ა­ნე­ბა მი­ა­ყე­ნა.

პო­ლი­ცი­ამ სა­მი­ვე მათ­გა­ნი ბრალ­დე­ბუ­ლის სა­ხით და­ა­კა­ვა.

ძა­ლა­დო­ბის ფაქ­ტზე გა­მო­ძი­ე­ბა სის­ხლის სა­მარ­თლის კო­დექ­სის 126-ე მუხ­ლით მიმ­დი­ნა­რე­ობს”.

ოფი­ცი­ა­ლუ­რი ინ­ფორ­მა­ცი­ით, გივი ზა­უ­ტაშ­ვი­ლი ყვარ­ლის მუ­ნი­ცი­პა­ლი­ტე­ტის საკ­რე­ბუ­ლოს მოქ­მე­დი თავ­მჯდო­მა­რეა.

“ძვირ­ფა­სო მე­გობ­რე­ბო,დღე­ი­დან, ღრმა პა­ტი­ვის­ცე­მი­თა და დიდი პა­სუ­ხის­მგებ­ლო­ბის გან­ცდით, შე­ვუ­დე­ქი ჩვე­ნი მუ­ნი­ცი­პა­ლი­ტე­ტის საკ­რე­ბუ­ლოს თავ­მჯდო­მა­რის პო­ზი­ცი­ას.ამ გან­სა­კუთ­რე­ბულ მო­მენ­ტში, უპირ­ვე­ლეს ყოვ­ლი­სა, წარ­მა­ტე­ბებს ვუ­სურ­ვებ ახ­ლად არ­ჩე­ულ მერს, საკ­რე­ბუ­ლოს ყვე­ლა დე­პუ­ტატს, მე­რი­ი­სა და საკ­რე­ბუ­ლოს თა­ნამ­შრომ­ლებს და ყვე­ლას, ვინც ერ­თგუ­ლად ემ­სა­ხუ­რე­ბა ჩვე­ნი მუ­ნი­ცი­პა­ლი­ტე­ტის კე­თილ­დღე­ო­ბას…” – ასე მი­მარ­თა მან 30 ოქ­ტომ­ბერს სო­ცი­ა­ლურ ქსელ­ში ყვარ­ლის მო­სახ­ლე­ო­ბას.

კი­დევ ერთი და­კა­ვე­ბუ­ლი მის ძმა – ნიკა ზა­უ­ტაშ­ვი­ლია.

ლე­ვან გე­ლა­ძე კი ყვარ­ლის მუ­ნი­ცი­პა­ლი­ტე­ტის მე­რის მო­ად­გი­ლეა.

ამ და­პი­რის­პი­რე­ბის თა­ო­ბა­ზე ინ­ფორ­მა­ცია სო­ცი­ა­ლურ ქსელ­ში ყო­ფილ­მა სა­ჯა­რო მო­ხე­ლემ, ნინო ხუ­ციშ­ვილ­მა გა­ავ­რცე­ლა.

“SOS! “ქო­ცე­ბის” ქუ­ჩუ­რი გარ­ჩე­ვის ამ­ბებს გიყ­ვე­ბით ამ პოს­ტში. გუ­შინ ილი­ა­ო­ბა იყო ყვა­რელ­ში, იმ წმინ­და­ნი კა­ცის დღე, რო­მელ­მაც სა­კუ­თა­რი მი­წე­ბი გლე­ხებს უსას­ყიდ­ლოდ გა­დას­ცა და ამ ქვეყ­ნის გან­ვი­თა­რე­ბას სი­ცო­ცხლეც კი შეს­წი­რა. ჰოდა, გუ­შინ არა­ლე­გი­ტი­მუ­რი პრე­ზი­დენ­ტი მ. ყ. ეწ­ვია ყვა­რელს პა­პუ­აშ­ვილ­თან ერ­თად. იყო ნა­დი­მი ბი­უ­ჯე­ტის ხარ­ჯზე და ალ­ბათ ყვე­ლას გა­ინ­ტე­რე­სებთ რო­გორ დას­რულ­და ეს ამ­ბა­ვი. გიყ­ვე­ბით.

არ­სე­ბობს ასე­თი ყო­ფი­ლი “ნაცი” ლე­ვან გე­ლა­ძე, რო­მე­ლიც “ქო­ცე­ბის” საკ­რე­ბუ­ლო­ში სამი მოწ­ვე­ვის დე­პუ­ტა­ტი იყო და ამ­ჯე­რად ახალ მერს მო­ად­გი­ლედ და­უ­ნიშ­ნეს. ახლა სა­ა­ვად­მყო­ფო­შია გუ­შინ­დე­ლი გარ­ჩე­ვე­ბის შემ­დეგ, ის შვილ­თან ერ­თად, თავს და­ეს­ხა საკ­რე­ბუ­ლოს ახა­ლი თავ­მჯდო­მა­რის ძმას, იყო ქვე­ბის სრო­ლა, ფი­ზი­კუ­რი და­პი­რის­პი­რე­ბა, შემ­დეგ სხვა ადა­მი­ა­ნე­ბიც ჩა­ერ­თნენ ჩხუბ­ში და არი­ან და­ზა­რა­ლე­ბუ­ლე­ბიც. თუმ­ცა, ამ­ბო­ბენ, გე­ლა­ძეს ცხვი­რი და სახე აღარ აქ­ვსო. აქამ­დე სინ­დი­სი და ტვი­ნი არ ჰქონ­და და ახლა ცხვი­რიც აღარ ჰქო­ნია.

P.S. დე­ტა­ლებს ნუ მომ­თხოვთ, ვიცი, მაგ­რამ არ ვწერ!” – წერ­და ნინო ხუ­ციშ­ვი­ლი.

გავ­რცე­ლე­ბუ­ლი ინ­ფორ­მა­ცი­ით, და­პი­რის­პი­რე­ბის მი­ზე­ზი თა­ნამ­დე­ბო­ბე­ბის გა­და­ნა­წი­ლე­ბა გახ­და.