რა დევს 8 ოპოზიციონერის საქმეში? – “შაბათის ეთერმა” მოიპოვა მასალები, რომელიც სახელმწიფო უსაფრთხოების სამსახურმა 8 ოპოზიციონერი პოლიტიკოსის წინააღმდეგ 36 ტომიან საქმეში ჩადო.
- მოპოვებული მტკიცებულბების შედეგად, დგინდება ისიც, რომ საქმე 8 ოპოზიციონერის წინააღმდეგ, ცალკე წარმოებად მას შემდეგ გამოიყო, რაც პროკურატურას „ერთიანი ნეიტრალური საქართველოს” ლიდერებმა, გელა ნიკოლაიშვილმა, ვატო შაქარიშვილმა და ნანა კაკაბაძემ მიმართეს.
ამომრჩეველთან შეხვედრა დედა ენის ბაღში
- საქმეში ჩადებული ვიდეო-მტკიცებულებიდან ირკვევა, რომ აქციებზე სუს-ის თანამშრომლები, პოლიტიკოსებს ფარულად იწერდნენ. ვიდეოში ზურა გირჩი ჯაფარიძე მიკროფონით მიმართავს მოსახლეობას. ეს შეხვედრა საჯაროა და ადგილზე სხვადასხვა მედიის წარმომადგენლებიც იმყოფებიან.
შეხვედრა ბრიუსელიდან დაბრუნების შემდეგ
- 2022 წელს დათარიღებულ აუდიო-ჩანაწერში ბრიუსელიდან დაბრუნებული ზურა [გირჩი] ჯაფარიძე, ადამიანებს აცნობს ევროკავშირში ვიზიტის დეტალებს.
ელენე ხოშტარიას ვიზიტი უკრაინაში
- ჩანაწერში ელენე ხოშტარია ყვება, რომ უცხოეთში დაინტერესებულები არიან, ხომ არ უნთებს მწვანე შუქს “ქართული ოცნების” ხელისუფლება სანქცირებულ რუსეთის მოქალაქეებს ბიზნების კეთებაში.
საქმეში დევს კიდევ ერთი ვიდეო-ჩანაწერი, აქაც ხოშტარია-ჯაფარიძე ამომრჩევლებს ღია ცის ქვეშ ხვდებიან.
“დროას” ლიდერი ღიად ამბობს, რომ ის ყოველგვარი ძალადობის წინააღმდეგია, თუმცა არ აპირებს “ქართული ოცნების” კანონებს დაემორჩილოს.
admin