“იქნება უფასო, არც ერთი თეთრის გადახდა არ მოგიწევთ” – რას ჰპირდება კახა კალაძე მოსახლეობას?

კახა კალაძემ აღნიშნა, რომ გასული რვა წლის განმავლობაში, ყველაზე მეტი ყურადღება დაეთმო და ბიუჯეტის უდიდესი ნაწილი დაიხარჯა ჯანდაცვისა და სოციალური პოლიტიკის მიმართულებით.

„ყველაფერს, რასაც ვაკეთებთ, ვაკეთებთ ამ ქალაქში მცხოვრები ადამიანებისთვის, მათი ჯანმრთელობისა და კეთილდღეობისთვის. სწორედ ამიტომ, 2026-2029 წლებში, ამოქმედდება ორი ახალი პროგრამა. ესენია: „ადრეულ ეტაპზე კიბოს სადიაგნოსტიკო კვლევების დაფინანსების“ პროგრამა და „ფილტვის კიბოს სკრინინგის დაფინანსების“ პროგრამა, რომლის საშუალებითაც, კიბოს ადრეულ სტადიაზე გამოსავლენად, კვლევები 100%-ით დაფინანსდება; გაფართოვდება ჯანდაცვის მიმართულებით მიმდინარე ექვსი მნიშვნელოვანი პროგრამა; გაგრძელდება რაიონულ გამგეობებში არსებული სოციალური და ჯანდაცვის ყველა პროგრამა“, – განაცხადა თბილისის მერმა.