“საათები კი არა, მანქანა ძლივს გამოვცვალე, ბავშვები რომ ვატარო… გიორგის საერთოდ არ აქვს, გაფუჭებულია მისი მანქანა, მოტორს ელოდება” – რას ამბობს ყოფილი პირველი ლედი

“ყველამ ვიცოდით ღარიბა“ყველამ ვიცოდით ღარიბაშვილების თუნდაც ძალიან ძვირად ღირებულ საათებზე, საიდან იყო ეს? მე მანქანა ძლივს გამოვცვალე, ბავშვები რომ ვატარო, გიორგისი კი საერთოდ გაფუჭებულია, მოტორს ელოდება…
დუშეთში, ჩვენი ეზოს ღობეს ჭიშკარი არ აქვს, ძროხები შემოდიან, მე და გიორგი დავდევთ. ღამე კარს არც კი ვკეტავ, აზრი არ აქვს, ერთი ფეხის მორტყმა უნდა და ვისაც შემოსვლა სურს, თავისუფლად შემოვა… ამიტომ, სჯობს მოვიდნენ და შეგვხედონ, როგორ ვცხოვრობთ… რამდენიმე თვეა დამხმარეც აღარ გვყავს, ამხელა სახლში ორ ბავშვთან ერთად ყველა საქმეს თავად ვაკეთებთ” – ამის შესახებ საქართველოს ყოფილმა პირველი ლედიმ, მაკა ჩიჩუამ “კვირის პალიტრასთან” ინტერვიუში განაცხადა.
– ქალბატონო მაკა, ბოლო დღეებში ვნახეთ, რომ თვით ქვეყნის ორგზის პრემიერზე აღიძრა საქმე, მილიონობით უკანონო შემოსავალთან დაკავშირებით. ხომ არ ყოფილა კითხვის ნიშნები თქვენს ოჯახთან მიმართებაშიც?
– ჯერ არ მახსენდება, ვინმეს კითხვები ჰქონოდა, მაგრამ ახლა თუ ექნებათ, ჯობია, მოვიდნენ და შეგვხედონ, როგორ ვცხოვრობთ. კითხვის ნიშნებს იქვე, სასწრაფოდ დაამთავრებენ. ყველას ემჩნევა გარეგნულადაც, ვინ როგორ ცხოვრობს. დუშეთში ეზოს ღობეს ჭიშკარი არ აქვს, ძროხები შემოდიან, მე და გიორგი დავდევთ.
– როგორი ურთიერთობა გქონდათ ოჯახებს, როცა ხელისუფლებაში ერთდროულად იყავით?
– ესენი ხომ ერთმანეთზე სულ კომპრომატებს აგროვებენ და როცა ხედავენ, შენ მაგათთან არაფერი გესაქმება, მერე ბრაზობენ. იქიდან სულ ბრაზი იყო, გიორგი არასოდეს ყოფილა გაბრაზებული. ერთადერთი ჩემთვისაც მიუღებელია – რომ ვხედავ, ადამიანი საჯარო სამსახურში ქვეყანას რომ ემსახუროს, ამის ნაცვლად საკუთარ კეთილდღეობაზე ფიქრობს.
– ეს მაშინაც იგრძნობოდა?
– ასეთი რამეები აუცილებლად იგრძნობა. ყველამ ვიცოდით თუნდაც მის ძალიან ძვირად ღირებულ საათებზე და საიდან იყო ეს? საათები კი არა, მანქანა ძლივს გამოვცვალე, ბავშვები რომ ვატარო. ცოტა მე მოვაგროვე, დანარჩენად ჩემი უფროსი შვილი დამეხმარა. გიორგის საერთოდ არ აქვს, გაფუჭებულია მისი მანქანა, მოტორს ელოდება…