ნინო ჩხეიძის ქალიშვილი თხოვდება – ვინაა მისი რჩეული (ფოტოები)

ნინო ჩხეიძის ქალიშვილი, 21 წლის მარიამ კორახაშვილი სოციალურ ქსელში ფოტოს აქვეყნებს ნიშნობის ბეჭდით და წერს: „მე ვთქვი, კი“

„ინსტაგრამზე“ მარიამს ბევრი ფოტო აქვს თავის რჩეულთან – ჯერემი ელენორთან ერთად.

მარიამი ნინო ჩხეიძისა და მისი მეუღლის – გიორგი კორახაშვილის ერთადერთი ქალიშვილია.

ბიზნესმენ გიორგი კორახაშვილსა და მომღერალ ნინო ჩხეიძეს ერთი შვილი, მარიამი ჰყავთ, რომელიც 21 წლისაა. მარიამის რჩეული ჯერემი ელენორია.

ნინო ჩხეიძისა და გიორგი კორახაშვილის ოჯახი 

ნინო ჩხეიძე დაიბადა 1981 წლის 6 ივნისს, ქალაქ თბილისში, პროფესიით ეკონომისტის — გია ჩხეიძისა და მათემატიკოსის — ქეთინო ქოჩიაშვილის ოჯახში. ბავშვობიდან დადიოდა პიონერთა სასახლეში. 1999 წელს დაამთავრა მეხუთე მუსიკალური სკოლა. 1999-2002 წლებში სწავლობდა თბილისის სახელმწიფო უნივერსიტეტში ტელე-ჟურნალისტიკის ფაკულტეტზე, რის შემდეგაც სწავლა გააგრძელა მაგისტრატურაში იგივე განხრით. მისი პირველი სიმღერაა მაცაცო სებისკვერაძის „ჩემი გული შენია“. 2005 წელს ნინო ჩხეიძემ დაიწყო ქალაქური სიმღერების ჩაწერა, სადაც ჩაწერა ძველი ქალაქური სიმღერა „ჩემი გმირი გიწოდე“. შემდეგ ჩაწერა მარეხ გოძიაშვილის „წაღვერი და თბილისი“.

მომღერალ ნინო ჩხეიძეს საქართველოში ბევრი იცნობს. ის ხშირად სტუმრობს სხვადასხვა სატელევიზიო გადაცემას და სოციალურ ქსელში თავადაც აქტიურია. ნინო ჩხეიძის მეუღლე პროდიუსერი გიორგი კორახაშვილია. ის ხელისუფლების ცვლილების შემდეგ საქართველოდან წავიდა და ახლა უკრაინაში ცხოვრობს. როგორც ნინო ამბობს ინტერვიუში, ქმართან ვირტუალური ურთიერთობა აქვს და ისინი ერთმანეთს ძირითადად ქვეყნის საზღვრებს გარეთ ხვდებიან.

“მე და გიორგი ცოლ-ქმარი ვართ 25 წელია. ყველა ჩემი წარმატების დასაწყისი, ყველა ჩემი ცხოვრების საკვანძო ეტაპზე გიორგი ყოველთვის იყო საყრდენი ძალა, თუნდაც სიმღერას რომ ვიწყებდი, იყო ძალიან ბევრი კრიტიკა და დღემდე გვერდში მიდგას. პირად ურთიერთობაზე არ მინდა საუბარი, “გაშორდი?”, “არ გაშორდი?”, მაგრამ გიორგი დღემდე ჩემს ცხოვრებაში არის ძალიან მნიშვნელოვანი ადამიანი. ყოველდღიური ურთიერთობა გვაქვს, ყოველდღიური კონტაქტი გვაქვს და ყველაფერი კარგად არის”, – ამბობდა ნინო “დღის პოსტში” სტუმრობისას

გიორგიმ და ნინომ ერთმანეთი 21 წლის ასაკში გაიცნეს და ურთიერთობა მალევე გადაიზარდა სიყვარულში. წყვილს ერთი საერთო შვილი, მარიამ კორახაშვილი ჰყავს.

“2 წლის ვიყავი, როდესაც მარიკო დაიბადა. მაშინ ვფიქრობდი, რომ დედობისთვის მზად ვიყავი და სულ არ ვიყავი პატარა. იმ დროს ჩემზე უმცროსი გოგონები თხოვდებოდნენ და შვილებსაც აჩენდნენ.ახლა 39 წლის ვარ და ამ გადმოსახედიდან რომ ვუყურებ, ვხვდები, რომ საერთოდ არ ვყოფილვარ მზად. ახლა რომ მყავდეს შვილი, უფრო სხვანაირი დედა ვიქნებოდი და ვფიქრობ, ეს ბუნებრივია. მარიკო რომ დაიბადა, მეორე დღეს გავიღვიძე და შინაგანად წარმოუდგენელი პასუხისმგებლობა ვიგრძენი. ცოტა შემეშინდა, მაგრამ არ მინდოდა დეპრესიაში ჩავვარდნილიყავი. ძალიან დამეხმარნენ დედა და ბებია, მათ გადაინაწილეს პასუხისმგებლობა.

მარიკო ჩემი საუკეთესო მეგობარია, ძალიან კარგად აზროვნებს, როგორც დიდ ადამიანს, ისე ვეკითხები რჩევას. პატარა რომ იყო და ხალხში ყოფნა დისკომფორტს უქმნიდა, არასოდეს ვძალადობდი მასზე და ამის გამო ნაკლებად ვჩანდით ერთად. რაც გაიზარდა, უფრო ხშირად ვართ ერთად და ყველგან ერთად დავდივართ”, – ამბობდა ნინო ჩხეიძე.