რუსეთის პრეზიდენტმა ვლადიმერ პუტინმა განაცხადა, რომ რუსულ ფრთოსან რაკეტა „ბურევესტნიკში“ დამონტაჟებული ბირთვული რეაქტორის გაშვება წუთებსა და წამებშია შესაძლებელი.
„ყველაზე მნიშვნელოვანი ის არის, რომ მაშინ, როდესაც ჩვეულებრივი ბირთვული რეაქტორის გაშვებას საათები და დღეებში სჭირდება, ამ ბირთვული რეაქტორის ამოქმედება წუთებსა და წამებშია შესაძლებელი – ეს უდიდესი მიღწევაა“, – განაცხადა კრემლის ლიდერმა ცენტრალურ სამხედრო კლინიკურ ჰოსპიტალში, სადაც ის რუს ჯარისკაცებს შეხვდა.
ინფორმაციისთვის, რუსეთმა წარმატებით გამოცადა ბირთვული ძრავით აღჭურვილი ფრთოსანი რაკეტა „ბურევესტნიკი“.
„ეს უნიკალური იარაღია, რომელიც მსოფლიოში სხვას არავის აქვს“, – განაცხადა პუტინმა.