პოლონეთში ავტოსაგზაო შემთხვევას ორი ქართველი ემიგრანტი ემსხვერპლა. დაღუპულთაგან ერთ-ერთი 29 წლის ნიკა ნაპოვნიშევი, წარმოშობით დედოფლისწყაროდან არის – ინფორმაციას ადგილობრივი მედია მთავარი ამბები კახეთიდან ავრცელებს. ავტოსაგზაო შემთხვევა 2 დღის წინ მოხდა. პოლონური მედიის ცნობით, მეორე დაღუპული, ასევე 35 წლის ქართველი კაცია.
ნათესავების ინფორმაციით, ახალგაზრდა კაცი მეგობართან ერთად იმყოფებოდა, რომელიც მსუბუქ ავტომობილს მართავდა.
მათი მანქანა ცენტრალურ მაგისტრალზე ტრაილერს შეეჯახა. შეჯახება იმდენად ძლიერი აღმოჩნდა, რომ ორივე მათგანი ადგილზე დაიღუპა.
ნიკა ნაპოვნიშევის ოჯახის წევრების თქმით, ისინი ამჟამად პოლონეთში საქართველოს საკონსულოსთან ერთად, გარდაცვლილების გადმოსვენების პროცედურების მოგვარებას ცდილობენ.