„6 თვე­ აპა­რატ­ზე იყო შე­ერ­თე­ბუ­ლი ან­დრი­ა­ნო, დედამისი იმ სა­ბე­დის­წე­რო დღეს ჩა­მო­ვი­და ემიგრაციიდან …“ – როგორ დაიღუპა ახალგაზრდა ცოლ-ქმარი?

22 წლის ან­დრია ბა­უ­ჟა­ძე 6 თვე უშე­დე­გოდ ებ­რძო­და კლი­ნი­კა­ში სიკ­ვდილს, სამ­წუ­ხა­როდ, ექი­მე­ბის ბევ­რი მცდე­ლო­ბის მი­უ­ხე­და­ვად, ახალ­გაზ­რდის გა­დარ­ჩე­ნა ვე­ღარ მო­ხერ­ხდა. რამ­დე­ნი­მე თვი­ა­ნი ბრძო­ლის შემ­დეგ, 4 აპ­რილს ან­დრია კლი­ნი­კა­ში გარ­და­იც­ვა­ლა.

ახალ­შე­უღ­ლე­ბულ წყვილს 2024 წლის 14 ოქ­ტომ­ბერს უმ­ძი­მე­სი ავ­ტო­ა­ვა­რია მოხ­და. მან­ქა­ნა ხეს შე­ე­ჯა­ხა და სამ­წუ­ხა­როდ ად­გილ­ზე და­ი­ღუ­პა ან­დრი­ას ულა­მა­ზე­სი მე­უღ­ლე, 18 წლის ანა­ნო ხურ­ცი­ძე, ხოლო უმ­ძი­მეს მდგო­მა­რე­ო­ბა­ში მყო­ფი ან­დრია, კლი­ნი­კა­ში გა­და­იყ­ვა­ნეს.

არა­და ცოტა ხნით ადრე შე­უღლდნენ ისი­ნი, ამ ლა­მაზ წყვილს ბედ­ნი­ე­რე­ბას ულო­ცავ­დნენ. ახალ­გაზ­რდებს ბედ­ნი­ე­რად უნდა ეცხოვ­რათ, ანა­ნო 6 თვის ფეხ­მძი­მე იყო, წყვი­ლი გო­გო­ნას და­ბა­დე­ბის­თვის ემ­ზა­დე­ბო­და, მაგ­რამ მომ­ხდარ­მა ავა­რი­ამ ორი ოჯა­ხის ცხოვ­რე­ბა მთლი­ა­ნად შეც­ვა­ლა.

„ახა­ლი შე­უღ­ლე­ბუ­ლე­ბი იყ­ვნენ ეს თავ­ზარ­დამ­ცე­მი ტრა­გე­დია რომ დატ­რი­ალ­და. 5 თვის ორ­სუ­ლი იყო ანა­ნო, წყვი­ლი გო­გო­ნას ელო­დე­ბო­და და ეს იყო სა­ში­ნე­ლე­ბა. ავ­ტო­ა­ვა­რია ხუ­ცუ­ბან­ში მოხ­და, ხეს შე­ე­ჯახ­ნენ და იმ­დე­ნად ძლი­ე­რად, რომ ანა­ნო ხურ­ცი­ძე ად­გილ­ზე და­ი­ღუ­პა. ბავ­შვი ამო­უყ­ვა­ნეს ფეხ­მძი­მე გო­გო­ნას, სამ­წუ­ხა­როდ ნა­ყო­ფი ვერ გა­დარ­ჩე­ბო­და და როცა დაკ­რძა­ლეს, ნა­ყო­ფი გულ­ზე ეს­ვე­ნა.

6 თვე­ზე მე­ტია გა­სუ­ლი ამ ამ­ბი­დან და ამ დრომ­დე აპა­რატ­ზე იყო ან­დრი­ა­ნო შე­ერ­თე­ბუ­ლი. ყვე­ლა­ნი ვლო­ცუ­ლობ­დით რომ გა­დარ­ჩე­ნი­ლი­ყო. მის დე­დას რომ ვნა­ხავ­დი შე­ვე­კი­თხე­ბო­დი რო­გორ არის-მეთ­ქი, მე­ტყო­და, ხელს რომ და­ვა­დებ შუბ­ლზე, რომ მო­ვე­ფე­რე­ბი თვა­ლებს გა­ა­ხელს და შე­მომ­ხე­დავ­სო. ვერ ლა­პა­რა­კობ­და, ასე იყო მი­ჯაჭ­ვუ­ლი სა­წოლ­ზე ამ­დე­ნი ხანი დე­დი­სერ­თა ან­დრი­ა­ნო და ეს ან­გე­ლო­ზი ბავ­შვი დად­ნა ფაქ­ტობ­რი­ვად. სამ­წუ­ხა­როდ პა­რას­კევს გარ­და­იც­ვა­ლა და სამ­შა­ბათს დაკ­რძა­ლეს თა­ვი­სი ულა­მა­ზე­სი მე­უღ­ლის გვერ­დით. ეს გო­გო­ნა ჩემი თვა­ლე­ბი­დან არ ამომ­დის, ისე­თი ლა­მა­ზი იყო. ძა­ლი­ან დიდი ტრა­გე­დი­აა, ტრა­გე­დია, როცა დე­დას, რო­მელ­საც გარ­და­ეც­ვა­ლა ერ­თა­დერ­თი შვი­ლი სა­ნუ­გე­შოს ვე­რა­ფერს ეუბ­ნე­ბი ადა­მი­ა­ნი. იმ შემ­ზა­რა­ვი ავა­რი­ის დროს მან­ქა­ნა­ში იჯდა ან­დრი­ა­ნოს დედა მა­ი­კოც მათ­თან ერ­თად. ის გა­დარ­ჩა, არა­ნა­ი­რი და­ზი­ა­ნე­ბა არ მი­უ­ღია, ამ ავა­რი­ის შემ­დეგ შოკ­ში იყო. მა­ი­კო უკ­რა­ი­ნა­ში მუ­შა­ობ­და და იმ სა­ბე­დის­წე­რო დღეს ჩა­მო­ვი­და უკ­რა­ი­ნი­დან. ახალ­მოყ­ვა­ნი­ლი რძა­ლი და შვი­ლი მან­ქა­ნით შეხ­ვდნენ სარ­ფის სა­ბა­ჟო­ზე, ჩა­ის­ვეს მა­ი­კო მან­ქა­ნა­ში და სა­მი­ვე ერ­თად წა­მო­ვიდ­ნენ. გზად გა­მო­ი­ა­რეს გე­ლა­ურ­ში, სა­დაც ცხოვ­რობს ან­დრი­ა­ნოს დე­ი­და და იქი­დან მო­დი­ოდ­ნენ სახ­ლში, როცა ეს სა­ში­ნე­ლი ტრა­გე­დია მოხ­და.

რო­გორც ამ­ბო­ბენ, ცოტა ლუდი ჰქო­ნია და­ლე­უ­ლი და ეს არ იმოქ­მე­დებ­დაო. ამ­ბო­ბენ, რომ სიჩ­ქა­რე იყო ავა­რი­ის მი­ზე­ზი სამ­წუ­ხა­როდ, ხუ­ცუბ­ნის­კენ მო­დი­ოდ­ნენ და ამ დროს შესკდნენ ხეს. დიდი სა­ცო­და­ო­ბა, ყვე­ლას გვტკი­ვა მათი ტკი­ვი­ლი. სა­ნუ­გე­შო სი­ტყვე­ბი არ არის ამ დროს. დე­დას ბოლი წუ­თამ­დე ჰქონ­და იმე­დი რომ გა­დარ­ჩე­ბო­და, რომ იცო­ცხლებ­და, მაგ­რამ მდგო­მა­რე­ო­ბა იმ­დე­ნად მძი­მე იყო, ექი­მე­ბი და­მა­ი­მე­დე­ბელს ვე­რა­ფერს ამ­ბობ­დნენ. იმა­საც ამ­ბობ­დნენ, რომ გა­დარ­ჩეს ვერ გა­ივ­ლის და ვერც ილა­პა­რა­კებ­სო”, – განუცხადა “ამბებს” გარდაცვლილის კლა­სის დამ­რი­გე­ბელმა პე­და­გოგმა ია ბა­ჯე­ლი­ძემ.

ambebi.ge