“ჩრდილოეთ კაროლინას შტატის ქალაქ შარლოტში, უკრაინელ ლტოლვილ ირინა ზარუცკაიაზე განხორციელებული სასიკვდილო თავდასხმის თვითმხილველებმა 911-ში სულ მცირე ექვსი ზარი განახორციელეს,“ – ამის შესახებ ამერიკული გამოცემა ABC News-ი ადგილობრივი პოლიციაზე დაყრდნობით წერს.
პოლიციამ ახლახან გამართულ ბრიფინგზე 911-ში განხორციელებული აუდიო ჩანაწერები და ვაგონის კადრები გაასაჯაროვა, სადაც ჩანს, რომ მგზავრები გოგონას დახმარებას ცდილობდნენ. ნაწილი 23 წლის ქალისთვის დანით მიყენებული ჭრილობების შეხვევას ცდილობდა, ნაწილი რეკავდა, თუმცა როგორც ჩანს, ირინა ადგილზე გარდაიცვალა.
„ამ კაცმა უმიზეზოდ დაჭრა ეს ქალი“, – ამბობს შეძრწუნებული თვითმხილველი 911-ის ოპერატორთან საუბარში.
„ღმერთო ჩემო, მან უბრალოდ დაჭრა იგი“, – ისმის მოწმეთა ხმა გამოქვეყნებული ჩანაწერებიდან.
თვითმხილველები დეტალურად აღწერენ სხვა მგზავრების მცდელობებს, რომ დახმარებოდნენ ზარუცკას. ერთ-ერთის თქმით, დაჭრილმა “ძალიან ბევრი სისხლი დაკარგა“.
თვითმხილველები ასევე ჩანაწერში ამბობენ, რომ გარშემო მყოფი ხალხი შეშინებულია. ხოლო თავდამსხმელი არაადეკვატური იყო და ვაგონიდან გასვლის შემდეგ რამდენიმე ხანი ბაქანზე იდგა.
საზარელი მკვლელობა 2025 წლის 22 აგვისტოს მოხდა. 23 წლის უკრაინელი ლტოლვილი, რომელიც ომს აშშ-ში გაექცა, სამსახურის შემდეგ სახლში ბრუნდებოდა, როდესაც მის უკან მჯდომმა 34 წლის დეკარლოს ბრაუნმა მოულოდნელად დანა ამოიღო და ქალს 3 ჭრილობა მიაყენა.
ირინა ზარუცკა ადგილზე გარდაიცვალა.
როგორც აღმოჩნდა დეკარლოს ბრაუნი მანამდე 14-ჯერ იყო ნასამართლევი და ამასთან, მას შიზოფრენია ჰქონდა.
დონალდ ტრამპმა დამნაშავის სიკვდილით დასჯის ბრძანება გასცა.