საპატრიარქოს უწყებანი სოციალურ ქსელში სამძიმრის წერილს ავრცელებს.
„ამა წლის 16 სექტემბერს გარდაიცვალა ზუგდიდისა და ცაიშის ეპარქიის ბერი ელისე (გულორდავა).
ბერი ელისე დაიკრძალება შაბათს, 20 სექტემბერს ზუგდიდის კვირაცხოვლის სახელობის ტაძრის ტერიტორიაზე არსებულ სასაფლაოზე.
მწუხარებას გამოვთქვამთ ბერ ელისეს გარდაცვალების გამო და თანავუგრძნობთ ზუგდიდისა და ცაიშის ეპარქიას, განსვენებულის ოჯახსა და ახლობლებს.
უფალმა სავანესა მართალთასა დაამკვიდროს მისი უკვდავი სული.
გთხოვთ, ლოცვებში მოიხსენიოთ ახლად შესვენებული ბერი ელისე.“, – ნათქვამია სამძიმრის ტექსტში.