თსუ-ს იურიდიული ფაკულტეტის სტუდენტური თვითმმართველობა თამარ ბერიშვილის გარდაცვალების შესახებ სამწუხარო ინფორმაციას ავრცელებს.
„თბილისის სახელმწიფო უნივერსიტეტის იურიდიული ფაკულტეტის სტუდენტური თვითმმართველობა ღრმა მწუხარებას გამოთქვამს თამარ ბერიშვილის გარდაცვალების გამო.
თამარ ბერიშვილი 2010 წლიდან აქტიურად იყო ჩართული თბილისის სახელმწიფო უნივერსიტეტის სასწავლო, სამეცნიერო და ადმინისტრაციულ საქმიანობაში. იგი ხელმძღვანელობდა ადმინისტრაციულ მეცნიერებათა ინსტიტუტს. თამუნა თავისი შრომისმოყვარეობითა და პროფესიონალიზმით თბილისის სახელმწიფო უნივერსიტეტისა და კიოლნის უნივერსიტეტის თანამშრომლობით განხორციელებული სამაგისტრო პროგრამისა და თსუ-სა და შპაიერის უნივერსიტეტის ერთობლივი სამაგისტრო პროგრამის „საჯარო მმართველობის“ მამოძრავებელი ძალა იყო. ამ პროგრამის საერთაშორისო აკრედიტაციაში შეტანილი წვლილისთვის დაჯილდოვებული იყო უნივერსიტეტის ოქროს მედლით.
ვუსამძიმრებთ მის ოჯახის წევრებსა და ახლობლებს“, – ნათქვამია გავრცელებულ ინფორმაციაში.
admin