“გოგონას ბიძაც იყო იქ, გადასარჩენად გადახტა და გაუჩინარდა” – აფხაზეთში ზღვაში ბანაობისას მე-10 კლასელი გოგონა დაიხრჩო: რას გვიყვება ადგილობრივი

მძიმე ტრაგედია მოხდა დღეს გალის სოფელ გაგიდეში. გავრცელებული ცნობით, გალის 1-ელი საჯარო სკოლის მე-10 კლასელი ელენე ჭოლარია ზღვაში დაიხრჩო.

მომხდარის შესახებ სოციალურ ქსელში გარდაცვლილის ახლობლები ოჯახს სამძიმარს უცხადებენ.

„ეს ანგელოზი გოგონა ნაადრევად წავიდა ზეცაში. თანავუგრძნობთ და გამძლეობას ვუსურვებთ ოჯახს, ნათესავებს , მთლიანად რაიონს! “მაქსიმალურად ფრთხილად ვიყოთ ზღვასთან, მდინარესთან. გავუფრთხილდეთ ერთმანეთს!”.

„დღეს საშინელება დატრიალდა აფხაზეთში  სოფელ გაგიდაში, ზღვაში დაიხრჩო ქალაქ გალის 1-ლი საშუალო სკოლის მე-10 კლასელი, ანგელოზი გოგონა ელენე ჭოლარია თანავუგრძნობთ მის ოჯახს, სკოლას, მეგობრებს…ნათელში განისვენოს ელენეს უმანკო სულმა“ – წერენ სოციალური ქსელის მომხმარებლები.

რო­გორც სო­ცი­ა­ლურ ქსელ­ში ად­გი­ლობ­რი­ვე­ბი წე­რენ, რომ ელე­ნეს გა­დარ­ჩე­ნას მისი ბიძა ცდი­ლობ­და, თუმ­ცა, სამ­წუ­ხა­როდ, ისიც გა­უ­ჩი­ნარ­და.

ამ დრომ­დე ვერ მო­ხერ­ხდა ბი­ძის პოვ­ნა და მისი ბედი უც­ნო­ბია. გავ­რცე­ლე­ბუ­ლი ინ­ფორ­მა­ცი­ით, მომ­ხდა­რი­დან დიდი დროა გა­სუ­ლი, რაც იმედს ამ­ცი­რებს, რომ ის ცო­ცხა­ლი იქ­ნე­ბა.

“ამ­ბო­ბენ იქ წყლის ხვე­უ­ლე­ბია და კი აფრ­თხი­ლე­ბენ ხალ­ხს, იქ არ იბა­ნა­ონ, მაგ­რამ მა­ინც მი­დი­ან.

არა­ნა­ი­რი ნიშ­ნუ­ლე­ბი არ დგას სამ­წუ­ხა­როდ. არ გვყავს პატ­რო­ნი. შავი ზღვაა, მაგ­რამ სო­ფელ გა­გი­დას ტე­რი­ტო­რი­ა­ზე მოხ­და, ამი­ტომ გა­გი­დას ზღვას ეძა­ხი­ან.

გო­გო­ნას ბი­ძაც იყო იქ, გა­და­სარ­ჩე­ნად გა­დახ­ტა და გა­უ­ჩი­ნარ­და. სას­წა­უ­ლი ტალ­ღე­ბი ყო­ფი­ლა“, – ამ­ბობს Ambebi.ge-სთან სა­უ­ბარ­ში ად­გი­ლობ­რი­ვი.