კაცი, რომელმაც 4 თვის ჩვი­ლის გვერ­დით მძი­ნა­რე ცოლს დანა 19-ჯერ ჩა­არ­ტყა და მოკ­ლა, პირველად ალაპარაკდა – რა თქვა 14-თვი­ა­ნი დუ­მი­ლის შემდეგ გი­ორ­გი კავ­ლე­ლაშ­ვილ­მა?

ბრალ­დე­ბულ­მა გი­ორ­გი კავ­ლე­ლაშ­ვილ­მა, რო­მელ­მაც 4 თვის ჩვი­ლის გვერ­დით მძი­ნა­რე ცოლს დანა 19-ჯერ ჩა­არ­ტყა და მოკ­ლა, 14-თვი­ა­ნი დუ­მი­ლი და­არ­ღვია.

უმ­ძი­მე­სი შემ­თხვე­ვა 2024 წლის 9 იან­ვარს მოხ­და. გი­ორ­გი კავ­ლე­ლაშ­ვილ­მა მძი­ნა­რე ცოლი მოკ­ლა, შემ­დეგ კი თვით­და­ზი­ა­ნე­ბე­ბი მი­ი­ყე­ნა. ქეთი ედი­ბე­რი­ძე გარ­და­იც­ვა­ლა, ხოლო გი­ორ­გი კავ­ლე­ლაშ­ვი­ლი და­ა­კა­ვეს. მას 20 წლი­ა­ნი პა­ტიმ­რო­ბა აქვს მის­ჯი­ლი, თუმ­ცა პრო­კუ­რა­ტუ­რა აღ­კვე­თის ღო­ნის­ძი­ე­ბის შეც­ვლას და სა­მუ­და­მოს მის­ჯას ითხოვს.

“და­ნა­შა­უ­ლი ფსი­ქი­კუ­რი და ემო­ცი­უ­რი აშ­ლი­ლო­ბის ფონ­ზე ჩა­ვი­დი­ნე. სა­სა­მარ­თლომ სა­მარ­თლი­ა­ნი გა­და­წყვე­ტი­ლე­ბა მი­ი­ღო. სა­მარ­თლი­ა­ნად მო­მი­სა­ჯა 20 წლით თა­ვი­სუფ­ლე­ბის აღ­კვე­თა,“ – გა­ნა­ცხა­და მან, თუმ­ცა აღ­ნიშ­ნა, რომ მკვლე­ლო­ბა გენ­დე­რის ნიშ­ნით არ ჩა­უ­დე­ნია.

მოკ­ლუ­ლი ქეთი ედი­ბე­რი­ძის ოჯა­ხი გი­ორ­გი კავ­ლე­ლაშ­ვი­ლის­თვის უვა­დო პა­ტიმ­რო­ბას მო­ი­თხოვს.

ქეთი ედი­ბე­რი­ძე და გი­ორ­გი კავ­ლე­ლაშ­ვი­ლი დმა­ნის­ში ცხოვ­რობ­დნენ. ისი­ნი 4 თვის მა­რი­ამს ზრდიდ­ნენ. 9 იან­ვარს, ბავ­შვთან ერ­თად თბი­ლის­ში, ვარ­კე­თილ­ში ჩა­მო­ვიდ­ნენ და გი­ორ­გი კავ­ლე­ლაშ­ვი­ლის სახ­ლში დარ­ჩნენ, რად­გან ჩვი­ლი ექიმ­თან უნდა მი­ეყ­ვა­ნათ.

შემ­ზა­რა­ვი შემ­თხვე­ვა სწო­რედ იმ ღა­მეს მოხ­და. გამ­თე­ნი­ი­სას გი­ორ­გი კავ­ლე­ლაშ­ვილ­მა დანა აიღო და სა­წოლ­ში მყოფ ცოლს დანა 19-ჯერ და­არ­ტყა.

მოკ­ლუ­ლის ოჯა­ხი ვა­რა­უ­დობს, რომ მას მკვლე­ლო­ბა წი­ნას­წარ ჰქონ­და გან­ზრა­ხუ­ლი.

სისხლისგან დაცლილ ქალთან ერთად, კლინიკაში გადაიყვანეს გიორგი კავლელაშვილიც – გაირკვა, რომ დანაშაულის ჩადენის შემდეგ მან თვითდაზიანება მიიყენა. ქეთი ედიბერიძე კლინიკაში მიყვანისთანავე გარდაიცვალა, დამნაშავე კაცი კი, გადარჩა. ცოლის მკვლელობის უმძიმესი ბრალდება მას კლინიკაში გააცნეს. აქედან კი, პირდაპირ ციხეში მოხვდა.

რუსთავი 2