16 ივლისის ასტროლოგიური პროგნოზი

რას გვირჩევენ ვარსკვლავები 16 ივლისისთვის ჯანმრთელობის, ბიზნესის და სიყვარულის მიმართულებით?

ვერძი

ამ დღეს შანსი გექნებათ, ერთი პატარა ოცნება აისრულოთ – აუცილებლად გამოიყენეთ ეს შესაძლებლობა. იმ სირთულის და მოცულობის სამუშაოს, რომელსაც დღეს გეგმავთ, მარტო ვერ გაუმკლავდებით, ამიტომ მოკავშირეები უნდა იპოვოთ. დღევანდელი დღე ნებისმიერ შემთხვევაში გარდამტეხი აღმოჩნდება – მიიღეთ ეს როგორც ნიშანი და ჯილდო. თავი შეიკავეთ დაუგეგმავი ხარჯებისგან და ეცადეთ მთელი დღე სახლში გაატაროთ.

კურო

საკუთარ თავსა და სურვილებში გაურკვევლობა ეჭვებს გააჩენს და ირგვლივ მყოფებთან ურთიერთობას დაძაბავს. ამ დღეს ყველა საქმე, რომელიც სამთავრობო ორგანიზაციებს უკავშირდება, წარუმატებლად დასრულდება, ან ძალიან გაჭიანურდება. ასტროლოგები გირჩევენ, ყურადღება იმ საქმეებზე გაამახვილოთ, რაც დაიწყეთ, მაგრამ ბოლომდე არ მიგიყვანიათ. სავარაუდოდ, გაიცნობთ ადამიანს, თქვენი დამხმარე და ერთგული მეგობარი გახდება.

ტყუპები

დღეს მოსალოდნელია ჯანმრთელობის გაუარესება. ენერგეტიკული რესურსები შესუსტებულია, რაც ქრონიკულ დაავადებებს გაააქტიურებს. შესაძლოა, მსუბუქი თავბრუსხვევა და საერთო სისუსტე იგრძნოთ. სავარაუდოდ, ვიღაც დახმარებას გთხოვთ, მაგრამ ფრთხილად უნდა იყოთ – შეიძლება უსიამოვნო ვითარებაში აღმოჩნდეთ. უმჯობესია, მივლინებებსა და შორეულ მგზავრობას ერიდოთ და ეცადეთ საღამო მშვიდ გარემოში, საყვარელ ადამიანებთან ერთად გაატაროთ.

კირჩხიბი

კირჩხიბებს, რომლებიც ბავშვებთან ან ზოგადად, განათლების სფეროში მუშაობენ, წარმატებული დღე ელით. ყურადღება მიაქციეთ ემოციების გამოხატვას, განსაკუთრებით — საჯაროდ. დღეს თქვენი ყოველი სიტყვა შეიძლება სხვადასხვა მნიშვნელობით იყოს აღქმული და არასწორად გაგიგონ.

ლომი

ეს დღე შინაგან სიმშვიდეს და ჰარმონიას გპირდებათ და ამაში საკუთარ ფიქრებთან განმარტოება ძალიან დაგეხმარებათ. დღეს სირთულეები უკანა პლანზე გადაინაცვლებს, მაგრამ მალე ყველა პრობლემა თავს ერთად შეგახსენებთ. ეცადეთ, ერთი დღით მაინც, გარე სამყაროსთან კონტაქტი მინიმუმამდე შეამციროთ. მალე საშუალება გექნებათ საინტერესო ადამიანები გაიცნოთ, რომლებიც გამოცდილებას გაგიზიარებენ და სირთულეებთან გამკლავებაში დაგეხმარებიან.

ქალწული

სასიამოვნო ცვლილებების ეტაპი დგება. ახალი, საინტერესო ნაცნობობა გელით, რომელიც შეგიძლიათ საქმიანი მიზნებისთვის გამოიყენოთ. თუ გონივრულად იმოქმედებთ, კოლეგებისგან აღიარება, მენეჯმენტისგან კი დაწინაურებაა მოსალოდნელი. თქვენს საქმიან თვისებებს შენიშნავენ და დააფასებენ. პირად ცხოვრებაშიც სიახლეებია – ახალ ამბავს გაიგებთ ან ვიღაც გაგახარებთ. მალე შესაძლოა, თქვენი პატარა ოცნება ახდეს.

სასწორი

სამსახურში მოულოდნელობები გელით. შესაძლოა, უფროსობამ დაწინაურება შემოგთავაზოთ, თუმცა საკითხავია სანაცვლოდ რას მოგთხოვენ და რისი გაწირვა მოგიწევთ. ეცადეთ რაციონალური და გაწონასწორებული გადაწყვეტილება მიიღოთ, თორემ დროს ფუჭად დაკარგავთ. მათ, ვინც გარემოს შეცვლას აპირებს, ვარსკვლავები დროულ მოქმედებას ურჩევენ – ახლა მოკლე დროში ბევრი რამ უნდა მოასწროთ. იღბალი თქვენს მხარესაა.

მორიელი

ფასეულობების, მიზნებისა და გარშემომყოფების გადაფასება შინაგანი წონასწორობის დაბრუნებაში დაგეხმარებათ. ბოლო დღეების მოვლენები ძალიან ემოციური იყო, რაც თქვენს განწყობასაც დაეტყო. მოიცილეთ ყველაფერი ზედმეტი – მათ შორის ადამიანებიც, რომლებიც გამუდმებით თქვენს გამოყენებას ცდილობენ. დღის მეორე ნახევარში მეგობრების რჩევა ხიფათს აგარიდებთ.

მშვილდოსანი

ამ დღეს საკუთარი პოზიციების შენარჩუნებისთვის დიდი ენერგიის დახარჯვა მოგიწევთ. მიზანს აუცილებლად მიაღწევთ, მაგრამ შესაძლოა, გადაღლილობამ შეგაწუხოთ. გირჩევთ დასვენების დრო გამონახოთ, თორემ დაწყებულის დასრულება გაგიჭირდებათ. უმჯობესია ამ დღის ამოცანებს ცივი გონებით მიუდგეთ და ახალი სტრატეგია შედეგს აუცილებლად მოიტანს. თუ მათთან ურთიერთობას უფრთხილდებით გარშემო მყოფთა კრიტიკას უნდა მოერიდოთ.

თხის რქა

ამ დღეს თქვენი ინტუიცია განსაკუთრებით გამძაფრებულია – ყურადღებით უსმინეთ საკუთარ შინაგან ხმას, დაიმახსოვრეთ სიზმრები და შეიძლება მნიშვნელოვან კითხვაზე პასუხი იპოვოთ. მოერიდეთ კონფლიქტებს მეზობლებთან ან ახლო გარემოცვასთან – მათ შეუძლიათ მომავალში თქვენი სიმშვიდე დაარღვიონ.

მერწყული

წინ საინტერესო მოვლენების ჯაჭვი გელით, რაც ნებისყოფას და სიძლიერეს მოითხოვს. გამორიცხული არ არის, რომ წვეულებაზე ყოფნის დროს მნიშვნელოვან ადამიანს შეხვდეთ და სერიოზული ურთიერთობა დაიწყოთ. შეთავაზებებზე ან მოწვევებზე უარს ნუ იტყვით – ამან შეიძლება თქვენი ცხოვრება უკეთესობისკენ შეცვალოს. მიიღეთ ყველაფერი როგორც მოცემულობა და ენთუზიაზმით გამოიყენეთ ნებისმიერი შესაძლებლობა.

თევზები

ეს დღე ხელსაყრელია ხელოვნებასა და შემოქმედებით სფეროში დასაქმებული თევზებისთვის. შესაძლოა, ახალი გატაცება იპოვოთ, რომელიც მომავალში დამატებით შემოსავალს მოგიტანთ. მოერიდეთ დიდ კომპანიაში დროსტარებას – შესაძლოა, რაღაც დაკარგოთ. ძალების აღდგენაში მშვიდი გარემო და ახლობლებთან ყოფნა დაგეხმარებათ. ეცადეთ, ემოციები აკონტროლოთ, რათა სწორი გადაწყვეტილების მიღებაში ხელი არ შეგეშალოთ.