“კოალიცია ცვლილებისთვის” ერთ-ერთ ლიდერის ზურაბ გირჩი ჯაფარიძის დედა გარდაიცვალა.
ამის შესახებ ინფორმაცია სოციალურ ქსელში ვრცელდება.
“ჯაფარას დედა გარდაეცვალა…. უკვე მეოთხე ტყვემ დაკარგა მშობელი. მკვლელები.
დღეს დედაჩემი გარდაცვალების დღეა. 5 წელი გასულა. ბოლო ერთი წლის მანძილზე ყოველ დღე მაქვს გაფიქრება, ნეტავ, ახლა ცოცხალი იყო დაჯიკო. ზურასთან ამ თარიღმა კიდევ უფრო მეტად დამაახლოვა” – წერს ნანუკა ჟორჟოლიანი.
ცნობისთვის, 2025 წლის 23 ივნისს ზურაბ გირჩი ჯაფარიძეს 7-თვიანი პატიმრობა მიესაჯა და 2 წლით საჯარო სამსახურში თანამდებობის დაკავება აეკრძალა. დაკავებამდე რამდენიმე საათით ადრე ჯაფარიძემ თქვა, რომ 80 წლის დედაზე ნერვიულობდა, რადგან ლოგინად იყო ჩავარდნილი.
“ნერვიულობა არასდროს მეტყობა, ბევრი წელია ასეა. ვნერვიულობ ბავშვებზე, დედაჩემზე ვნერვიულობ, რომელიც პრაქტიკულად ლოგინად არის ჩავარდნილი – ძალიან მძიმედ არის.
ვნეხე დედა, დავემშვიდობე – ცოტა ხანი არ ვიქნები-მეთქი. მას ეს ტელევიზიით უკვე გაგებული ჰქონდა. ნერვიულობს ჩემზეც და საკუთარ თავზეც – მე რომ არ ვიქნები, რამე არ დაემართოს”- ამის შესახებ ზურაბ ჯაფარიძემ “შაბათის ეთერს” ციხეში გაშვებამდე რამდენიმე საათით ადრე მიცემულ ინტერვიუში განუცხადა.
user1 
admin