იტალიის საპორტო ქალაქ ბარიში მცხოვრები ქართველი ემიგრანტი, ნინო ბოლაშვილი გარდაიცვალა. სამწუხარო ინფორმაციას სოციალურ ქსელში მაია ლომიძე ავრცელებს. სამძიმრის წერილში ბარიში მცხოვრები ქართველი ემიგრანტი, მაია ლომიძე გარდაცვლილი ახალგაზრდა ქალის დედას მიმართავს და წერს, რომ ასეთი
ტრაგედიის დროს როდესაც დედას შვილი უკვდება სიტყვა, ნუგეში და თანაგრძნობა არაფრის მთქმელია:
„დილიდან, ამ თავზარდამცემი ამბის შემდეგ, რასაც შენი გარდაცვალება ჰქვია, ისეთივე გაოგნებული და განადგურებული დავდივარ, როგორც მთელი ბარის ემიგრანტები. დაგვამუნჯე და გული ამოგვგლიჯე, ჩვენო უთბილესო ნინო.
დილიდან ვეძებ სიტყვებს და ვერ ვპოულობ. ყველა სიტყვა, ყველა ნუგეში, ყველა თანაგრძნობა, ძალიან უბრალო, არაფრის მთქმელი და ბანალურია, როდესაც დედას შვილი უკვდება.
ჩვენი ჯგუფის სახელით, ჩემი და ჩემი მეგობრების სახელით, მთელი გულით თანაგიგრძნობ Khato Bolashvili უფალმა მოგცეს გამძლეობა ამ დიდ ტკივილთან გასამკლავებლად. ჩვენი სამძიმარი Centro servizi Geo House, სადაც ყოველთვის ასეთი ღიმილით გვეგებებოდი. უფალმა დაგიმკვიდროს ცათა სასუფეველი, ნინო“ –
წერს მაია ლომიძე სოციალურ ქსელში.