„გახარია საქართველოსთვის“ ლიდერი, გიორგი გახარია 2 ივლისს, დროებით საგამოძიებო კომისიაზეა დაბარებული, თუმცა, ის ქვეყანაში არ იმყოფება და უცნობია, დაბრუნდება თუ არა ამ დროისთვის საქართველოში.
გახარია კომისიას მის დისტანციურად გამოკითხვას სთავაზობს, რაზეც კომისია უარს აცხადებს.
„პრაიმტაიმს“ პარტიაში არ უკონკრეტებენ, როდის დაბრუნდება პარტიის ლიდერი ქვეყანაში.
„გახარია საქართველოსთვის“ პარტიის ლიდერი გიორგი გახარია იმყოფება ევროპაში და განაგრძობს წინასწარ დაგეგმილ შეხვედრებს ევროკავშირის წევრ ქვეყნებში“, – ამბობენ პარტიაში.