„ნამდვილად სწორად გავიგე, თუ როგორ ახსენებდა რუსეთის ყოფილი პრეზიდენტი დიმიტრი მედვედევი სიტყვა „ბირთვულს“?“, – ამის შესახებ აშშ-ის პრეზიდენტი დონალდ ტრამპი სოციალურ ქსელ Truth Social-ზე წერს და აღნიშნავს, რომ თუ ფაქტი მისი ფანტაზიის ნაყოფი არ არის, აუცილებლად შეატყობინონ.
„მედვედევმა ახსენა, რომ ის და სხვა ქვეყნები ირანს ბირთვულ ქობინებს მიაწვდიან? მართლა თქვა ეს თუ ჩემი ფანტაზიის ნაყოფია? თუ ასე თქვა და დადასტურდა, გთხოვთ, აუცილებლად შემატყობინოთ! არ შეიძლება სიტყვის „ბირთვული“ ასე გამოყენება, ამიტომაც არის პრეზიდენტი პუტინი „ბოსი“!“, – წერს ტრამპი.
აშშ-ის პრეზიდენტი, ასევე, ამერიკის ბირთვული წყალქვეშა ნავების მუშაობას გამოეხმაურა და აღნიშნა, რომ „ეს არის ყველაზე ძლიერი და სასიკვდილო იარაღი, რაც კი ოდესმე აგებულა“.
„ჩვენი შესანიშნავი გამანადგურებელი პილოტების გარდა, მადლობა კაპიტანს და ეკიპაჟს“, – თქვა ტრამპმა.
შეგახსენებთ, რუსეთის ყოფილი პრეზიდენტი დიმიტრი მედვედევი აშშ-ის მიერ ირანის ბირთვულ ობიექტებზე იერიშს ტელეგრამზე გამოეხმაურა და განაცხადა, რომ „ირანზე ამერიკის მიერ განხორციელებული დარტყმების შემდეგ, ზოგიერთი ქვეყანა მზადაა, თეირანს ბირთვული იარაღი გადასცეს“.