აშშ-ში, ტაჰოს ტბაზე ძლიერი ქარიშხლის დროს ნავის ჩაძირვის შედეგად 6 ადამიანი დაიღუპა და 2 ამ დრომდე უგზო-უკვლოდ დაკარგულად ითვლება. ინფორმაციას New York Post-ი ავრცელებს.
აშშ-ის სანაპირო დაცვის ინფორმაციით, მაშველებმა შემთხვევის შესახებ შეტყობინება ადგილობრივი დროით დაახლოებით ღამის 3 საათზე მიიღეს. მათ შეატყობინეს, რომ ძლიერი ტალღის შედეგად ტბაზე ნავი ჩაიძირა და წყალში 10 ადამიანი იყოფებოდა. მაშველებმა 2 ადამიანის გადარჩენა შეძლეს, 6 ადამიანის გარდაცვალება დაადასტურეს, ხოლო 2-ს ამ დრომდე ეძებენ.
გადარჩენილები საავადმყოფოში არიან გადაყვანილები.
ადგილობრივების განმარტებით, ტბაზე დაახლოებით 2-3 მეტრიანი ტალღები იყო, რაც ძლიერმა ქარმა გამოიწვია.