უკრაინაში ქართველი მებრძოლი ვანო ნადირაძე დაიღუპა.
ინფორმაციას სოციალურ ქსელში მისი თანამებრძოლები ავრცელებენენ.
დაუზუსტებელი ინფორმაციით, ის გულისშეტევით გარდაიცვალა. როგორც მისი თანამებრძოლი წერს, ვანომ მას შეატყობინა, რომ ცუდად იყო, რომლის ამსახველ “სქინსაც” ავრცელებს:
“ძაან ცუდად ვარ, მომხედეთ” – წერდა ვანო ნადირაძე.
“ვერაფერი გიშველეთ ვანიჩკა დიდი ბოდიში !!! გეძახდით ყველაფერი გავაკეთეთ იმისთვის რომ გვეშველა შენთვის მაგრამ ამაოდ ! ყოველთვის გვემახსოვრები,” – წერს მებრძოლი.
ომის დაწყების პირველივე დღეებიდან უკრაინაში რამდენიმე ასეული (არაოფიციალური ინფორმაციით, 2000-მდე) ქართველი მოხალისე იბრძვის.
ისინი სხვადასხვა ბატალიონში ირიცხებიან და მონაწილეობენ საომარ მოქმედებებში, ფრონტის წინა ხაზზე. ომის დაწყებიდან (2022 წლის 24 თებერვლიდან) დღემდე, უკრაინაში 81-ზე მეტი ქართველი მებრძოლი დაიღუპა.
user