კარიერაში ყველაზე ძვირადღირებული ბრძოლა? – რა თანხა შეიძლება მიიღოს მერაბ დვალიშვილმა ხვალინდელ დაპირისპირებაში გამარჯვების სანაცვლოდ?

ხვალ, 8 ივნისს, UFC-ის ქართველი მებრძოლი, მერაბ დვალიშვილი შონ ომალის დაუპირისპირდება.

ამერიკული გამოცემა The Sports Rush-ის ინფორმაციით, აღნიშნული ბრძოლის მნიშვნელობის, მასშტაბისა და ინტრიგის გათვალისწინებით, არის შანსი, დვალიშვილის კარიერაში პირველად მოხდეს, გამარჯვებისთვის 1 მლნ აშშ დოლარზე მეტი მიიღოს.

როგორც ამერიკული გამოცემა წერს, მოგების შემთხვევაში, ქართველი სპორტსმენის შემოსავალი მინიმუმ 750 ათასი აშშ დოლარი იქნება, თუმცა არც ის იქნება სიურპრიზი, რომ თანხა 1 მლნ დოლარს გადააჭარბოს.

შეგახსენებთ, დვალიშვილი ომალისთან შეეცდება, სექტემბერში სწორედ მისი დამარცხებით მოპოვებული საჩემპიონო ქამარი დაიცვას.