გამოცემა „მედუზას“ ცნობით, პარიზის ერთ-ერთ გალერეაში, სადაც ანტისაომარი ნამუშევრებია გამოფენილი, სავარაუდოდ, რუსეთის პრეზიდენტის ვლადიმერ პუტინის შვილი ელიზავეტა კრივანოგიხი, იგივე ელიზავეტა რუდნოვა, ელიზავეტა როზავა მუშაობს. როგორც სტატიაში ვკითხულობთ, გოგონა გალერეის მენეჯერია.
4 ივნისს მწერალმა ნასტია როდიონოვამ სოციალურ ქსელში გამოაქვეყნა პოსტი, სადაც აღნიშნავდა, რომ პარიზში L Galerie-ში პუტინის შვილი ელიზავეტა კრივანოგიხი მუშაობს. ის რუსეთის პრეზიდენტისა და ბანკ „Россия“-ს აქციონერის, სვეტლანა კრივანოგიხის შვილია. გალერეაში სხვა მხვატვრების ნამუშევრებთან ერთად, იმ რუსი და უკრაინელი მხატვრების ნამუშევრებია წარმოდგენილია, რომლებიც ომის წინააღმდეგ არიან განწობილნი. როგორც მწერალმა „მედუზასთან“ საუბრისას აღნიშნა, მისი წყაროს ცნობით, გალერეაში ელიზავეტა რუდნოვას სახელით, დასაქმებულია გოგონა. აღსანიშნავია, რომ სწორედ ამ სახელით სარგებლობს პუტინის შვილი, ელიზავეტა კრივანოგიხი. გოგონას შესახებ ინფორმაცია კი უკრაინულმა ტელეგრამ არხმა 2024 წელს გამოაქვეყნა.
ტელეგრამ არხების ცნობით, გოგონა პარიზში ცხოვრობს და კერძო სკოლაში, ხელოვნების მენეჯმენტის ფაკულტეტზე სწავლობს. 2024 წლის იანვარში პუტინის საიდუმლო შვილი კერძო გალერეა Julie Caredd-ში სადიპლომო გამოფენას ხელმძღვანელობდა.
“მედუზას” ცნობით, ამ ამბის შეტყობის შემდეგ როდიონოვა Lʼassociation-ის დირექტორს, დმიტრი დოლინსკის შეხვდა, სწორედ ამ ასოციაციაში შედის გალერეაც. როდიონოვას თქმით, დოლინსკიმ დაადასტურა, რომ მის გალერეაში მართლაც მუშაობს გოგონა, ელიზავეტა რუდნოვას სახელით, თუმცა ის თანამშრომლებს ნათესავების შესახებ არ ეკითხება. მოგვიანებით “მედუზაც” დაუკავშირდა გალერეის ხელმძღვანელს, რომელმაც დაადასტურა, რომ რუდნოვა გალერეაში ნამდვილად მუშაობს.
როგორც მან აღნიშნა, რუდნოვა პარიზში ცხოვრობს და სწავლობს. ის გალერეაში სტაჟირებას გადის.
როგორც მწერალმა ნასტია როდიონოვამ თქვა, გოგონა არ იკავებს მაღალ თანამდებობას, ის გალერეას ვიდეო გადაღებებში და სავარაუდოდ, ახალი მხატვრების მოძიებაში ეხმარება. ,
როგორც გამოცემას პარიზში კულტურის სფეროდან რამდენიმე წყარომ უთხრა, რუდნოვა „ინტელექტუალი ადამიანია, ის კარგი თანამშრომელი და კარგი გოგონაა, რომელსაც ყველაფერი მშვენივრად ესმის“ – ვკითხულობთ „მედუზას“ სტატიაში.
“მედუზასთან” საუბრისას ერთ-ერთმა ხელოვანმა აღნიშნა, რომ პარიზში ყველასთვის ცნობილია, ვინ არის ლუიზა რუდნოვა, მაგრამ ამ საკითხზე არავინ საუბრობს. გალერეის ხელმძღვანელმა კი 2024 წელს ამ საკითხზე კომენტარიც გააკეთა:
“ვფიქრობ, შვილი არ არის პასუხისმგებელი მამის საქციელზე. ჰიპოტეტურად რომ დავუშვათ, რომ ელიზავეტა ნამდვილად პუტინის შვილია, თუმცა ამის დამადასტურებელი საბუთი არავის აქვს, ყველა უნდა დავხვრიტოთ როგროც რომანოვების ოჯახი? რა უნდა მეთქვა მისთვის? იმის გამო როგორი დედაც გყავთ, ვერ აგიყვანთ სამსახურში? ჩვენ სამსახურში დედები არ აგვყავს” – აღნიშნა გალერეის დირექტორმა.
უცხოურ მედიაში ელიზავეტა კრივანოგიხს, იმავე ლუიზა როზავას, ლუიზა რუდნოვას პუტინის „საიდუმლო შვილისა“ და „საყვარელი შვილის“ სახელით მოიხსენიებენ. გოგონა მართლაც ძალიან ჰგავს რუსეთის პრეზიდენტს.
როგორც უცხოურ მედიაში ვკითხულობთ, საზოგადოებამ ლუიზას არსებობის შესახებ 2021 წელს შეიტყო, მას შემდეგ, რაც ცნობილი გახდა დედამისისა და პუტინის სავარაუდო რომანის შესახებ.
სვეტლანა მოულოდნელად დიდძალი ქონების პატრონი გახდა, მათ შორის – მონაკოში უძრავი ქონების სახით, ლუიზა კი რუსეთიდან მონაკოს მიმართულებით კერძო ბიზნესჯეტით დაფრინავდა.
/kvirispalitra.ge/
user1