ტელეწამყვანი მაია ასათიანი გარდაცვლილი შვილის ემოციურ კადრებს ხშირად გვიზიარებს სოცქსელში. 18 წლის ნუცა მახვილაძე, რომელიც საფრანგეთში სასწავლებლად იმყოფებოდა, 2017 წელს საავადმყოფოში მენინგოკოკური ინფექციით გარდაიცვალა. ახლახან მაია ასათიანმა ვიდეომიმართვა გაავრცელა, რომლის მიზანიც იმ ადამიანების დახმარებაა, რომლებიც ტრაგედიაში იმყოფებიან:
„ბოლო პერიოდში ხშირად მომდის წერილები – შენი სამოტივაციო ვიდეოები მოგვენატრაო და მინდა ჩავწერო ასეთი ვიდეო. ეს თემა დიდი ხანია მაწუხებს, ხშირად ვიღებ ჩემს მდგომარეობაში მყოფი ადამიანების მესიჯებს, ვგულისხმობ ვინც ტრაგედიაშია, გამოიარა ან ახლა გადის. 100-იდან 100 შემთხვევაში მეკითხებიან, როგორ შევძელი? ამიტომაც ვწერ ამ ვიდეოს, როგორია ცხოვრება ტრაგედიის შემდეგ, ან საერთოდ არსებობს ცხოვრება? თუ ეს თემა თქვენთვის მძიმეა, ჯობს ახლავე გამორთოთ ვიდეო, უბრალოდ მინდა დავეხმარო ადამიანებს, ვინც ჩემს გზას გადიან, პირველ ნაბიჯებს დგამს ამ მდგომარეობაში. განგებ მაცვია წითელი ფერი, ზოგადად არ მიყვარს შავის გარდა სხვა ფერი, თუმცა მე ორმოცი დღის შემდეგ შავები გავიხადე“, – ამბობს მაია ასათიანი.
user 
admin