“მანქანა მდინარეში არ ჩაიძირა, ვიღაცამ ნახა დილით და ასე იპოვეს ცხედარი…”- რას ჰყვებიან მოკლულ ბიჭზე

ხელ­ვა­ჩა­უ­რის მუ­ნი­ცი­პა­ლი­ტე­ტის სო­ფელ აჭა­რის­წყალ­თან 30 წლის ბესო ბოლ­ქვა­ძე სა­კუ­თარ ავ­ტო­მო­ბილ­ში ჩა­ცხრი­ლეს. შემ­თხვე­ვა წუ­ხელ, გვი­ან ღა­მით მოხ­და. რო­გორც ჩვენ­თვის გახ­და ცნო­ბი­ლი, მოკ­ლუ­ლი ხელ­ვა­ჩა­უ­რის სო­ფელ ერ­გე­დან იყო.

ახ­ლობ­ლებს მომ­ხდარ­ზე სა­უ­ბა­რი ჯერ­ჯე­რო­ბით უჭირთ და მთა­ვარ კი­თხვა­ზე პა­სუ­ხი არ აქვთ – თუ რა გახ­და მკვლე­ლო­ბის მი­ზე­ზი. რო­გორც ად­გი­ლობ­რი­ვე­ბი ამ­ბო­ბენ, მოკ­ლულს ჰქონ­და კა­ტე­რი, რი­თაც ტუ­რის­ტებს მდი­ნა­რე­ში ასე­ირ­ნებ­და და ლა­მაზ ბუ­ნე­ბას ათ­ვა­ლი­ე­რე­ბი­ნებ­და.

თურ­მე, ღა­მით იქვე, მან­ქა­ნა­ში ეძი­ნა, რად­გან ღა­მი­თაც ასე­ირ­ნებ­და ხოლ­მე. რო­გორც ჩანს, წუ­ხე­ლაც იქ დარ­ჩა და გვი­ან მოკ­ლეს… რა­ი­მე კონ­ფლიქ­ტი მო­უხ­და თუ არა და უძღო­და თუ არა ამ ფაქტს შე­ლა­პა­რა­კე­ბა, ამა­ზე ჯერ­ჯე­რო­ბით არა­ვინ სა­უბ­რობს.

“ჰე­სის­თვის არის წყა­ლი და­გუ­ბე­ბუ­ლი და აქ ად­გი­ლობ­რი­ვებს მდი­ნა­რე­ში სა­სე­ირ­ნო აქვთ გა­კე­თე­ბუ­ლი. სწო­რედ ამ საქ­მით იყო ბესო და­კა­ვე­ბუ­ლი, თა­ვი­სი კა­ტე­რი ჰყავ­და და მსურ­ვე­ლებს ასე­ირ­ნებ­და. მერე, ღა­მეც იქ რჩე­ბო­და. წუ­ხელ არის მოკ­ლუ­ლი და რა­ტომ მოკ­ლეს, არა­ფე­რი ვი­ცით.

ახლა გავიგე ამ უბედურების შესახებ და ძალიან განვიცდი. ბესო შესანიშნავი ადამიანი იყო, შრომობდა პატიოსნად, კონფლიქტური არ იყო და ვინ გაიმეტა სასიკვდილოდ, არ ვიცი. არც ის ვიცი, ერთია დამნაშავე, თუ რამდენიმე. ამბობენ, რომ მანქანაში ჩაცხრილეს, ნატყვიარები ეტყობაო და მერე მდინარე აჭარისწყალში გადაუგდიათ, მაგრამ მანქანა არ ჩაიძირა, ვიღაცამ ნახა დილით და ასე იპოვეს ცხედარი.

მდინარიდან მაშველებმა ამოიყვანეს ავტომობილი და ნახე, რომ შიგნით მოკლული ბიჭი იყო.

როგორი საფრთხის შემცველი გახდა ცხოვრება, როგორ შეუძლიათ ასე გაიმეტონ ადამიანი?, – ამბობს ადგილობრივი.

ჯერჯერობით, სამართალდამცავებს მომხდარზე კომენტარი არ გაუკეთებიათ. არც დამნაშავის დაკავებაზე გავრცელებულა ინფორმაცია. უწყების ცნობით, გამოძიება „სისხლის სამართლის კოდექსის“ ორი მუხლით – 108-ე და 236-ე მუხლებით მიმდინარეობს, რაც განზრახ მკვლელობას და ცეცხლსასროლი იარაღის, საბრძოლო მასალის, მართლსაწინააღმდეგო შეძენა, შენახვა, ტარებას გულისხმობს.

ადგილობრივების თქმით, მანქანა ბოლომდე არ იყო ჩაძირული წყალში, ამიტომ გამვლელებმა ნახეს და აცნობეს 112-ს. რის შემდეგაც, მაშველებმა სპეცტექნიკით ამოიყვანეს მანქანა წყლიდან და იქ ცხედარი დახვდათ.

შემთხვევის ადგილზე მიმდინარეობს საგამოძიებო მოქმედებები.

წყარო: kvirispalitra.ge