ირკუტსკის ოლქის ქალაქ ბაიკალსკში, კერძო სახლში მომხდარი თავდასხმის შედეგად ოთხი მოზარდი დაიღუპა და ოთხი დაშავდა. მედიის ცნობით, მოზარდებმა წვეულება გამართეს, რომლის დროსაც მათ შორის კონფლიქტი მოხდა.
რუსეთის საგამოძიებო კომიტეტის (ICR) ცნობით, არასრულწლოვნების ჯგუფი „გორნი ბაიკალის“ კერძო სახლში შეიკრიბა. „რაღაც მომენტში, ერთ-ერთi მათგანi დანით დაესხა თავს დამსწრეებს“, – ნათქვამია რუსეთის ფედერაციის საგამოძიებო კომიტეტის განცხადებაში.
თავდასხმის შედეგად, ოთხი მოზარდი ადგილზე გარდაიცვალა, ხოლო კიდევ ოთხი სხვადასხვა დაზიანებებით სამედიცინო დაწესებულებაში გადაიყვანეს.
გამომძიებლების თქმით, თავდამსხმელმა შემდეგ სახლს ცეცხლი წაუკიდა და ხანძრის შედეგად გარდაიცვალა.
Baza Telegram არხის ცნობით, ერთ-ერთი მოზარდი, რომელიც კისრის არეში დაიჭრა, ამჟამად საავადმყოფოში მძიმე მდგომარეობაშია.
ირკუტსკის ოლქის განათლების მინისტრმა განაცხადა, რომ სკოლის მოსწავლეები „მე-7-დან მე-10 კლასამდე ჯერ კიდევ გაურკვეველი თემით იყვნენ გაერთიანებული“, წერს ტასი.
გამოცემის ცნობით, წვეულებაზე სულ 14 არასრულწლოვანი იმყოფებოდა. ხუთი მათგანი, როგორც გაზეთი წერს, სახლში წავიდა ღამის გასათევად, დანარჩენები კი დარჩნენ.
გაზეთის ცნობით, სკოლის მოსწავლეებს შორის კონფლიქტი იმის გამო წარმოიშვა, რომ ერთ-ერთმა მოზარდმა (რომელიც 17 წლის იყო) ღამით 14 წლის გოგონას შევიწროება დაიწყო: გოგონამ წინააღმდეგობა გაუწია, დანარჩენები კი მის დაცვას ცდილობდნენ.
ერთ-ერთმა გოგონამ გაქცევა მოახერხა, ხოლო ერთ-ერთი ბიჭი თავის გადასარჩენად ფანჯრიდან გადახტა.
Telegram-ის არხი Baza წერს, რომ გოგონამ, რომელმაც გაქცევა მოახერხა, თავდამსხმელის მიერ დანით დაჭრის შემდეგ თავი მოიმკვდარუნა.
საგამოძიებო კომიტეტმა სისხლის სამართლის საქმე აღძრა ორზე მეტი ადამიანის მკვლელობისა და მკვლელობის მცდელობის ფაქტზე. – წერს BBC