მარიამ კოხრეიძის სახლის აშენება და რემონტი დასრულდა.
როგორც დავით ოქროპილაშვილი სოციალურ ქსელში წერს, სახლში ყველა საჭირო ავეჯი კომპანია „ემბავუდმა“ შეიტანა.
„მარიამის ახალ სახლში „ემბავუდი • Embawood-მა“ სრულიად უფასოდ შეიტანა ყველანაირი ავეჯი, რაც საჭირო იყო“, – წერს დავით ოქროპილაშვილი.
შეგახსენებთ, მარიამ კოხრეიძე, მთელმა საქართველომ მას შემდეგ გაიცნო, რაც გოგონამ საზოგადოების დახმარებით, ყბა-სახის ურთულესი ოპერაცია თურქეთში გაიკეთა. მარიამს ყბის სახსრის ანკილოზის დიაგნოზი დაუდგინდა.
ყველაფერი კი მაშინ დაიწყო, როცა ფოტოგრაფმა, დავით ოქროპილაშვილმა სოციალურ ქსელში მარიამის შესახებ დაწერა. მისი ფოტო მედეა იობაშვილმა, რომელიც სტამბოლის კლინიკაში თარჯიმნად მუშაობს, შემთხვევით ნახა და თურქ ექიმს დაუკავშირდა. მარიამის დასახმარებლად, ყველა გაერთიანდა და საჭირო თანხაც მალე შეგროვდა.