თურქეთში, ქალაქ სივასში სამგზავრო ავტობუსის გადაბრუნების შედეგად 2 ადამიანი დაიღუპა და 18 დაშავდა. ინფორმაციას თურქული მედია ავრცელებს.
მედიის ცნობით, ავტობუსი სივას-ერზინჯანის გზატკეცილზე, იმრანლის რაიონულ ცენტრში შესვლისას გადატრიალდა.
ადგილზე დიდი რაოდენობით სასწრაფო დახმარების, მეხანძრე-მაშველებისა და პოლიციის ბრიგადები იყო მობილიზებული.
დაშავებულები იმრანლის სახელმწიფო საავადმყოფოში გადაიყვანეს.
იმყოფებოდნენ თუ არა ავტობუსში საქართველოს მოქალაქეები ამ მომენტისთვის უცნობია.
ახალ ინფორმაციას დამატებით გაგაცნობთ.