13 მაისის ასტროლოგიური პროგნოზი – რას გვირჩევენ ვარსკვლავები

რას გვირჩევენ ვარსკვლავები 13 მაისისთვის ჯანმრთელობის, ბიზნესის და სიყვარულის მიმართულებით?

ვერძი

ამ დღეს გამორიცხული არ არის, რომ უსიამოვნო ამბავი გაიგოთ. მოერიდეთ არაკეთილგანწყობილ და შურიან ადამიანებთან ურთიერთობას. სირთულეების მიუხედავად, იმედს ნუ დაკარგავთ და ნუ ეცდებით, შური იძიოთ ადამიანზე, რომელმაც გაწყენინათ. სულგრძელობა და მოთმინება გარშემომყოფთა თვალში აგამაღლებთ და თქვენს იმიჯზე დადებითად აისახება. გირჩევთ, წარსულის შეცდომები გააანალიზოთ და მომავალი მიღებული გამოცდილების მიხედვით დაგეგმოთ.

კურო

რთული და ქაოსური დღეა. დიდი მცდელობის მიუხედავად, უსიამოვნო საუბრების თავიდან აცილებას ვერ მოახერხებთ. მზად იყავით, რომ დღის განმავლობაში გაუთვალისწინებელი პრობლემები წარმოიქმნება, რომლებიც დაუყოვნებლივ გადაჭრას მოითხოვს. შესაძლოა, იმ ადამიანებშიც კი დაეჭვდეთ, ვინც სანდოდ მიგაჩნდათ. ამიტომ, უმჯობესია, ყველა მნიშვნელოვანი შეხვედრა სამომავლოდ გადადოთ.

ტყუპები

იდეალური დღეა ფიზიკური აქტივობისა და გამაჯანსაღებელი პროცედურების დაწყებისთვის, სუფთა ჰაერზე სეირნობისა და პოზიტიურ აქტივობებში ჩართვისთვის. ეს არა მარტო ჯანმრთელობისთვისაა სასარგებლო, არამედ ხასიათსაც საგრძნობლად გაგიუმჯობესებთ. გირჩევთ, სეზონური ვირუსებისთვის მოემზადოთ და იმუნიტეტის ამაღლებისთვის იზრუნოთ. შეეცადეთ, წვრილმანებზე არ ინერვიულოთ და ცხოვრების მიმართ დადებითი განწყობა შეინარჩუნოთ.

კირჩხიბი

ურთიერთობისთვის არახელსაყრელი დღეა. მოერიდეთ ახლობელ ადამიანებთან ურთიერთობების გარკვევას და სადავო საკითხების განხილვას – ეს კმაყოფილებას არ მოგიტანთ და გულში მხოლოდ უარყოფითი ემოციები და წყენა დარჩება. საუკეთესო გადაწყვეტილება იქნება, თუ ყურადღებას პირად საქმეებსა და მიმდინარე პრობლემების გადაჭრაზე გადაიტანთ. თავი შეიკავეთ გარშემომყოფების კრიტიკისა და მკვეთრი გამონათქვამებისგან. გახსოვდეთ, რომ ცუდი მშვიდობა კარგ ომს ჯობია.

ლომი

საკმაოდ წარმატებული დღეა. დილას სასიამოვნო სიახლე, სიურპრიზი ან ნანატრი შეხვედრა გელით. მოერიდეთ უკიდურესობებს — ამ დღეს არც განმარტოებისკენ სწრაფვა გამოგადგებათ და არც უკონტროლო კომუნიკაცია და ენერგიის ფლანგვა. თავი შეიკავეთ მგზავრობის ან მოგზაურობისგან — გამორიცხული არ არის, რომ ყველაფერი იმედგაცრუებით დასრულდეს.

ქალწული

ილუზიებისა და იმპულსური, მცდარი გადაწყვეტილებების დღეა. შესაძლოა, ასეთმა ქმედებებმა ცხოვრებაზე შეხედულება შეგაცვლევინოთ და სამყაროში საკუთარ როლზე დაგაფიქროთ. მოერიდეთ აურზაურს და სიმართლის ძებნას იქ, სადაც ის არ არის. ეცადეთ, არარეალურ ოცნებებზე უარი თქვათ და საკუთარ თავთან გულწრფელი იყოთ. შესანიშნავი დროა, რომ საკუთარ თავში ახალი ნიჭი აღმოაჩინოთ და ახალი გატაცება იპოვოთ.

სასწორი

შესაძლოა, დღის განმავლობაში ენერგიის ნაკლებობა და დაღლილობა იგრძნოთ. ამ შემთხვევაში ახალი საქმეების დაწყებას უნდა მოერიდოთ – ამისთვის არც ძალა გექნებათ და არც განწყობა. შეეცადეთ, ეს დღე მაქსიმალურად მოდუნებულად გაატაროთ და გარშემომყოფებისგან მხარდაჭერა მიიღოთ. მოერიდეთ ინფიცირებულ ადამიანებთან ურთიერთობას და იმუნიტეტის გაძლიერებაზე იზრუნეთ.

მორიელი

ამ დღეს ვარსკვლავები გირჩევენ, რომ ცხოვრებით ისიამოვნოთ! მნიშვნელობა არ აქვს, სიამოვნებას სამსახურში მიიღებთ თუ ოჯახში — მთავარია, საკუთარ თავს უარი არაფერზე უთხრათ. ამ დღეს ხასიათს ვერავინ და ვერაფერი გაგიფუჭებთ. ეცადეთ, მოქმედებისთვის საჭირო დრო სწორად შეარჩიოთ და საკუთარ სიმართლეში სხვების დარწმუნება შეძლოთ.

მშვილდოსნები

სამსახურში აქტიურობისთვის არახელსაყრელი დროა. შეიძლება, თქვენი ძალისხმევა შეუმჩნეველი დარჩეს ან ხელმძღვანელობამ უარყოფითად შეაფასოს. უმჯობესია, ენერგია უშედეგოდ არ დახარჯოთ. ეცადეთ, ოჯახსა და საყვარელ ადამიანებს მეტი დრო დაუთმოთ და საღამო მათთან ერთად გაატაროთ. წვრილმანებზე ნუ იჩხუბებთ და ახალი საქმეები არ დაიწყოთ — ამისთვის არახელსაყრელი დღეა.

თხის რქები

თხის რქებისთვის საკმაოდ წინააღმდეგობრივი დღეა — ყურადღების კონცენტრაცია გიჭირთ. მოერიდეთ შურიან და არაკეთილგანწყობილ ადამიანებთან ურთიერთობას და ეცადეთ, პროვოკაციებს არ აჰყვეთ. სიტყვიერი უთანხმოება და კამათი დიდ დროს და ძალას წაგართმევთ და საბოლოოდ უშედეგოდ დასრულდება. დღის მეორე ნახევარი უფრო მშვიდად ჩაივლის — თუ არ იზარმაცებთ, ყურადღების მოკრებას და მნიშვნელოვანი დოკუმენტების მომზადებას შეძლებთ.

მერწყული

სპონტანური გადაწყვეტილებებისა და ნაჩქარევი ნაბიჯებისთვის არახელსაყრელი დღეა. უმჯობესია, წინასწარ შედგენილი გეგმით იხელმძღვანელოთ. შოპინგისთვის არახელსაყრელი დღეა — შესაძლოა, ფული უაზროდ დახარჯოთ. დილა მსუბუქი ვარჯიშით ან გასეირნებით დაიწყეთ, რათა მთელი დღის სამყოფი ენერგიით დაიმუხტოთ. ოჯახურ ურთიერთობებს განსაკუთრებული ყურადღება მიაქციეთ და ეცადეთ, სამომავლოდ გადადებული საქმეები დროულად დაასრულოთ.

თევზები

ვარსკვლავები ყველაზე სანუკვარი სურვილის ასრულებას გპირდებიან. იზრუნეთ კუჭ-ნაწლავის სისტემაზე — მოერიდეთ ზედმეტად ცხარესა და მარილიან საკვებს. იდეალური პერიოდია ბიზნესის დაწყების ან სამსახურის შეცვლისთვის. ოჯახი პატარა წარმატებებით გაგახარებთ და საყვარელი ადამიანებით იამაყებთ.