მერაბ დვალიშვილი ეხმიანება თბილისში წარსულში მომხდარ ინციდენტს, აღნიშნავს, რომ ადგილზე სიტუაცია ამოწურეს და ხელი ჩამოართვეს ერთმანეთს, თუმცა მოგვიანებით გავრცელებული ვიდეოს გამო საჯაროდ იხდის ბოდიშს ოჯახის შეურაცხყოფისთვის და მზაობას გამოთქვამს საკითხის საბოლოოდ დასასრულებლად:
“ახმედ, ორივემ ვიცით, რა მოხდა ჩვენი ინციდენტის შემდეგ, ხელი ჩამოვართვით ერთმანეთს და დავასრულეთ. მაგრამ ამის შემდეგ ვიდეო გავრცელდა და ორივე ვხედავთ ამ ვიდეოში, რომ შენს ოჯახს შეურაცხყოფა მივაყენე. უბრალოდ მინდა ამის გამო ბოდიში მოვიხადო. ეს ჩემი განზრახვა არ ყოფილა. წარმოდგენაც არ მქონდა, ვინ იყავი, როცა მოვარდი, ხელი დამტაცე და სხვა ენაზე მიყვიროდი. ეს უნდა დავასრულოთ. ბევრი საერთო მეგობარი გვყავს. თუ შეხვედრა გინდა, პირდაპირ მომწერე.”
