გურამ შეროზია დიდუბეში ცოლ-ქმრის მკვლელობის საქმეზე კომენტარს აკეთებს:
,,ძაან გთხოვთ, დრამას ნუ გვიდგამთ “საწყალი მკვლელის” მონაწილეობით!
ეგდება ციხეში მთელი ცხოვრება, ეგ რვა წელიც უფასოდ რომ იცხოვრა, ქირით გადასვლა რომ არ იკადრა, ვალი რომ ვეღარ დააბრუნა და მაინც ბანკი რომ იყო მისთვის დამნაშავე და მით უმეტეს ეს წყვილი, ვინც სახლი იყიდა პატიოსნად და ფული გადაიხადა!
ვინმე ვალდებულია რამე გაჩუქოს? ან მის კუთვნის სახლში გაცხივროს? ნუ დგამთ ამ საპნის ოპერებს, ცივსისხლიანი მკვლელია და მთელი სიმძიმით უნდა აგოს პასუხი”-ამბობს გურამ შეროზია.
ცნობისთვის, გამოძიებით დადგინდა, რომ ბრალდებულმა მიმდინარე წლის 11 ნოემბერს, თბილისში, ორ პირს – ცოლ-ქმარს, მათივე საცხოვრებელ კორპუსში, ავტომატური ცეცხლსასროლი იარაღიდან გასროლით მრავლობითი ჭრილობები მიაყენა, რის შემდეგაც შემთხვევის ადგილიდან მიიმალა. მიღებული დაზიანებების შედეგად ორივე მათგანი შემთხვევის ადგილზევე გარდაიცვალა.
გამოძიებით ასევე დადგინდა, რომ დანაშაულს წინ უძღოდა ქონებრივ საკითხებთან დაკავშირებული გარემოებები, კერძოდ, ბრალდებულის მიერ ფინანსური ვალდებულებების შეუსრულებლობა. სამართალდამცველებმა ჩატარებული ოპერატიული ღონისძიებებისა და საგამოძიებო მოქმედებების შედეგად ბრალდებული ცხელ კვალზე დააკავეს.
ორი პირის მიმართ დამამძიმებელ გარემოებაში ჩადენილი განზრახ მკვლელობისა და ცეცხლსასროლი იარაღის უკანონო შეძენა-შენახვა-ტარების ფაქტებზე გამოძიება საქართველოს სისხლის სამართლის კოდექსის 109-ე და 236-ე მუხლებით მიმდინარეობს, რაც 20 წლამდე ან უვადო თავისუფლების აღკვეთას ითვალისწინებს.
пользователь 