„კონფლიქტი მოგვივიდა მე და ნიკას, აღარ გვქონდა კარგი ურთიერთობა…” – ნოდარ მელაძემ „მთავარი არხიდან” წამოსვლის მიზეზი დაასახელა

ჟურნალისტი ნოდარ მელაძე „მთავარი არხიდან” წამოსვლას იხსენებს და ამბობს, რომ მიზეზი ნიკა გვარამიასთან კონფლიქტი გახდა.

„მთავარი არხიდან მე წამოვედი იმიტომ, რომ მოგვივიდა კონფლიქტი მე და ნიკა გვარამიას. მე არ მისაუბრია და არც ვაპირებ ამ კონფლიქტის დეტალებზე საუბარს. კვირა დღე იყო და ვთქვი, რომ ეს იყო ჩემი ბოლო სამუშაო დღეს და მე წამოვედი.

კონფლიქტი არ ყოფილა ერთ კონკრეტულ შემთხვევასთან დაკავშირებით. მანამდეც იყო გარკვეული წინ პერიოდი და აღარ გვქონდა კარგი ურთიერთობა.

შესაძლოა, მენეჯერს და მით უმეტეს დირექტორს ჰქონდეს მისი კონკრეტული საინფორმაციო დღის მიმართულებით და შეიძლება მან ჩემზე უკეთ დაინახოს ის დღე. მე ვერასდროს ვერ გავაკეთებ ვერაფერს რისიც არ მჯერა. მათ შორის, თუ ვფიქრობ, რომ დღის მთავარი საკითხი არის ირაკლი კობახიძის განცხადება, ესეიგი, ის არის მთავარი ამბავი. თუ არგუმენტით ვერ გადამარწმუნეს, ვფიქრობ, რომ ის არის მთავარი ამბავი”, – განაცხადა ნოდარ მელაძემ გადაცემა „მესამე ფურცელში”.