ტემპერატურა დაიკლებს – ნახეთ, უქმეების ამინდის პროგნოზი

უახლოეს უქმეებზე, 3-4 ოქტომბერს, თბილისში შედარებით გრილი და უმეტესად მოღრუბლული ამინდია მოსალოდნელი.

გარემოს ეროვნული სააგენტოს პროგნოზით, შაბათს, 3 ოქტომბერს, ჰაერი დღისით დაახლოებით 20 გრადუსამდე, ღამით კი 13 გრადუსამდე გათბება. იქროლებს ჩრდილო-დასავლეთის ქარი, რომლის სიჩქარეც ზოგიერთ მონაკვეთში 17-22 მ/წმ-ს მიაღწევს.

კვირას, 4 ოქტომბერს, ტემპერატურა კიდევ მცირედ დაიკლებს – დღის განმავლობაში დაახლოებით 18 გრადუსია მოსალოდნელი, ღამით კი 13 გრადუსამდე. პროგნოზის მიხედვით, ქარი კვლავ იქნება, თუმცა მიმართულება დღის განმავლობაში შეიცვლება. 

თბილისის სხვა ამინდის პროგნოზებიც უქმეებზე ძირითადად ღრუბლიან ამინდზე მიუთითებს. შაბათ-კვირას დღის მაქსიმალური ტემპერატურა დაახლოებით 18-19 გრადუსი იქნება.