რას გვირჩევენ ვარსკვლავები 29 აპრილს ჯანმრთელობის, ბიზნესის და სიყვარულის მიმართულებით?
ვერძი
ამ დღეს თავშეკავება და სიფრთხილე გმართებთ. მოერიდეთ იმპულსური გადაწყვეტილებების მიღებას. დღის პირველ ნახევარში შესაძლებელია მოულოდნელი ვითარება შეიქმნას, რომელიც სწრაფ რეაგირებას მოითხოვს. ეცადეთ სიმშვიდე შეინარჩუნოთ და ყოველი ნაბიჯი კარგად აწონ-დაწონოთ. დღის მეორე ნახევარი ხელსაყრელია დაწყებული საქმეების დასრულებისა და მომავალი პროექტების დაგეგმვისთვის. ჯობს საღამო ოჯახთან ან ახლო მეგობრებთან ერთად გაატაროთ.
კურო
ამ დღეს მთელი ყურადღება ფინანსურ საკითხებზე უნდა გადაიტანოთ. მოსალოდნელია მოგებიანი შეთავაზება ან დაუგეგმავი შემოსავლები, თუმცა სიფრთხილე გმართებთ — ფულს დაუფიქრებლად ნუ დახარჯავთ. უმჯობესია, თანხის ნაწილი მომავლისთვის შეინახოთ. პირად ცხოვრებაში ყველაფერი მშვენივრადაა, მაგრამ ეცადეთ, საყვარელ ადამიანს მეტი ყურადღება მიაქციოთ. საღამოს სასიამოვნო სიახლე გელით.
ტყუპები
სამშაბათს ჯანმრთელობას განსაკუთრებული ყურადღება უნდა მიაქციოთ. შესაძლებელია თავი შეუძლოდ იგრძნოთ, ამიტომ ეცადეთ არ გადაიღალოთ და კარგად გამოიძინოთ. პროფესიულ სფეროში გეგმების განხორციელებას შეძლებთ. ნუ დაგავიწყდებათ დახმარებისთვის კოლეგებს მადლობა გადაუხადოთ. შესაძლოა, ახალი საქმე დაიწყოთ, ან ახალი ადამიანები გაიცნოთ. კვების პროდუქტებში უპირატესობა რძის პროდუქტებს მიანიჭეთ.
კირჩხიბი
ამ დღეს ინიციატივის გამოჩენა და პასუხისმგებლობის საკუთარ თავზე აღება დაგჭირდებათ. თქვენი ძალისხმევა დაფასდება და პროფესიულ სფეროში მნიშვნელოვან წარმატებებს მიაღწევთ. პირად ცხოვრებაში სასიამოვნო სიურპრიზებია მოსალოდნელი. გამოიყენეთ ეს შანსი და მომენტით დატკბით. საღამოს მეგობრებთან ან ნათესავებთან ურთიერთობაში თავშეკავება გამოიჩინოთ და ბოლომდე გულახდილი ნუ იქნებით.
ლომი
ამ დღეს გარშემომყოფების მიმართ მეტი მოთმინება უნდა გამოიჩინოთ. მოსალოდნელია კონფლიქტი და აზრთა სხვადასხვაობა, ამიტომ მტკივნეულ თემებზე კამათს მოერიდეთ და ეცადეთ, შეთანხმებას მიაღწიოთ. პროფესიულ სფეროში სიმშვიდეა, მაგრამ ნუ მოდუნდებით, მიზნებისკენ სვლა განაგრძეთ და მიღწეულზე ნუ შეჩერდებით. საღამოს სპორტული ვარჯიში ან სუფთა ჰაერზე გასეირნება სასარგებლო იქნება.
ქალწული
ამ დღეს მთელი ყურადღება თვითგანვითარებაზე უნდა გადაიტანოთ. თუ თავისუფალი დრო გაქვთ, უცხო ენების კურსებზე ან საოფისე პროგრამების შესწავლაზე ჩაეწეროთ. გარდა იმისა, რომ ახალი ცოდნა ახალ შესაძლებლობებს გაგიხსნით, შესაძლებელია, საინტერესო ადამიანები გაიცნოთ, რომლებიც თქვენი საუკეთესო მეგობრები გახდებიან. პირად ცხოვრებაში მშვიდი და უღრუბლო განწყობაა, თუმცა ახლობლებზეც ზრუნვა არ უნდა დაივიწყოთ. გახსოვდეთ, რომ ისინი თქვენგან სიყვარულსა და გაგებას ელიან.
სასწორი
ამ დღეს მთელი ყურადღება სახლის მოწესრიგებაზე და ოჯახის წევრების კეთილდღეობაზე უნდა გადაიტანოთ. შესაძლოა, საყოფაცხოვრებო საკითხების სასწრაფოდ მოგვარება ან ახლობლების დახმარება დაგჭირდეთ. პროფესიულ სფეროში მოულოდნელი ცვლილებებისთვის და ახალ გარემოებებთან ადაპტირებისთვის უნდა მოემზადოთ. საღამო სასურველია სახლში ოჯახის წევრებთან ერთად გაატაროთ.
მორიელი
ამ დღეს ფულის მართვაში სიფრთხილე უნდა გამოიჩინოთ. ეცადეთ, სარისკო ინვესტიციებს და დაუფიქრებელ ხარჯვას მოერიდოთ. პროფესიულ საქმიანობაში შეიძლება ვითარება დაიძაბოს, მაგრამ პროვოკაციებს არ აჰყვეთ და სიმშვიდე შეინარჩუნეთ. შესაძლოა, ისეთი ადამიანების მხარდაჭერა მოიპოვოთ, რომლებსაც ადრე მოკავშირეებად არ მიიჩნევდით. პირად ცხოვრებაში სტაბილურობაა, მაგრამ პარტნიორის მიმართ მეტი ყურადღების უნდა გამოიჩინოთ.
მშვილდოსანი
ამ დღეს კომფორტის ზონიდან გამოსვლა და ძალების ახალ საქმეში მოსინჯვა ნუ შეგაშინებთ. პროფესიულ სფეროში მოსალოდნელია საინტერესო წინადადებები, რაც კარიერულ წინსვლაში დაგეხმარებათ. პირად ცხოვრებაში მოსალოდნელია რომანტიკული თავგადასავლები – მოვლენები არ უნდა დააჩქაროთ, შეიძლება ბოლო წუთს ყველაფერი შეიცვალოს.
თხის რქა
ამ დღეს ყურადღება საკუთარ მიზნებსა და პრიორიტეტებზე უნდა გაამახვილოთ. ეცადეთ განსაზღვროთ, რა არის თქვენთვის მართლაც მნიშვნელოვანი და ენერგია სწორედ ამისკენ მიმართეთ. პროფესიულ საქმიანობაში მოთმინება გამოიჩინეთ და სირთულეებს არ დანებდეთ. პირად ცხოვრებაში სტაბილურობაა, შეგიძლიათ საღამოს სამომავლო გეგმების შედგენაზე იზრუნოთ. ახალი საქმის დაწყებამდე, ეცადეთ, ძველი დაასრულოთ. თავი შეიკავეთ ახალი ნივთების შეძენისგან, თორემ შეიძლება იმედგაცრუებული დარჩეთ
მერწყული
ამ დღეს პრობლემების გადასაჭრელად შემოქმედებითი აზროვნება და არასტანდარტული მიდგომა უნდა გამოიჩინოთ. ექსპერიმენტების და ახალი გზების ძიების ნუ შეგეშინდებათ. პროფესიულ სფეროში მოულოდნელი აღმოჩენები გელით. შესანიშნავი ინტუიცია საშუალებას მოგცემთ, სწორი დასკვნა გამოიტანოთ, სიფრთხილე და წინდახედულობა კი შეცდომებისგან დაგიცავთ.
თევზები
ენდეთ შინაგან ხმას და საკუთარ გადაწყვეტილებებში ნუ დაეჭვდებით. პროფესიულ სფეროში შესაძლოა რთული სიტუაცია წარმოიშვას, თუმცა მნიშვნელოვანია, სიმშვიდე შეინარჩუნოთ. ეცადეთ, თქვენი დრო სამუშაოსა და საოჯახო საქმეებს შორის ისე გაანაწილოთ, რათა ოჯახური ურთიერთობები არ დააზიანოთ.