რას გვირჩევენ ვარსკვლავები 17 სექტემბრისთვის ჯანმრთელობის, ბიზნესის და სიყვარულის მიმართულებით?
ვერძი
მშვიდი დღეა — უსიამოვნო სიურპრიზების ალბათობა თითქმის ნულოვანია. ხანმოკლე, მაგრამ ძალიან რომანტიკული შეხვედრა გელით, რომელიც გულში თბილ მოგონებად დარჩება. ბევრ ვერძს გაუჩნდება სურვილი, წარსულს დაუბრუნდეს და გაწყვეტილი ურთიერთობა ახალი ფურცლიდან დაიწყოს. ოჯახურ საქმეებს სწრაფად და თქვენთვის სასურველი შედეგებით დაასრულებთ. სხვის საქმეებში ჩარევას ნუ იჩქარებთ, სჯობს ყურადღება საკუთარ საქმეებზე გადაიტანოთ, მით უმეტეს, რომ საკმაოდ ბევრი რამ დაგიგროვდათ. განმარტოება ენერგიის აღდგენაში დაგეხმარებათ. ამ დღეს ლატარეას და სხვადასხვა გათამაშებაში მონაწილეობას აზრი არ აქვს, ამიტომ დრო არ დაკარგოთ. ეცადეთ ბუნებაში, სუფთა ჰაერზე მეტი დრო გაატაროთ. გირჩევთ მენიუდან გამორიცხოთ ცხიმიანი, შემწვარი და მარილიანი საკვები. თვალებს ნუ გადაღლით — ძილის წინ ნუ წაიკითხავთ და ტელევიზორს მოერიდეთ.
კურო
მარტოხელა კუროებს შეხვედრები და საინტერესო, თუმცა ხანმოკლე ნაცნობობა ელით. ბოლოს და ბოლოს პრობლემის გადაჭრას და მეუღლესთან ურთიერთობის დალაგებას შეძლებთ. სამსახურში არჩეული მიმართულებით სვლა თამამად განაგრძეთ — გაღებული ძალისხმევა მომავალში აუცილებლად დაგიფასდებათ. ფინანსური დამოუკიდებლობა და ძვირად ღირებული ნივთების შეძენა გსურთ? მაშინ მზად იყავით, პასუხისმგებლობა საკუთარ თავზე აიღოთ და აქტიურად იმოქმედოთ. ჯანმრთელობის მხრივ საშიშროება არ გემუქრებათ. შეგიძლიათ ივარჯიშოთ ან მსუბუქი დიეტა დაიცვათ. ასტროლოგები გირჩევენ, ამ პერიოდში ალკოჰოლურ სასმელებზე უარი თქვათ.
ტყუპები
საყვარელ ადამიანთან ურთიერთობაში გაჩენილი პრობლემები დროებითია — მალე ვნება ახალი ძალით იფეთქებს. მთავარია, ემოციებს არ აჰყვეთ და სიმშვიდე შეინარჩუნოთ. ახლა ყველაზე მეტად მხარდაჭერა გჭირდებათ, მაგრამ გახსოვდეთ, რომ საკუთარ თავს ყველაზე მეტად თავად დაეხმარებით. საკუთარი შეცდომების აღიარებაში ცუდი არაფერია — სწორედ ასეთ დროს ჩანს, ვინ არის თქვენი ნამდვილი მეგობარი. ეს პერიოდი ხელსაყრელია ახალი საქმის დაწყებისა და სამთავრობო უწყებებთან ურთიერთობისთვის. ეცადეთ სადავო საკითხები მშვიდობიანად, სასამართლოსა და ადვოკატების გარეშე მოაგვაროთ. ამ ეტაპზე მატერიალური ვალდებულებების აღებას უნდა მოერიდოთ. ასტროლოგები გირჩევენ, თავი შეიკავოთ საზოგადოებრივ ადგილებში წახემსებისგან, რადგან საკვებით ინტოქსიკაციის რისკი მაღალია.
კირჩხიბი
შემთხვევითმა შეხვედრამ შესაძლოა დაგანახვოთ, თუ მომავალში რა მიმართულებით უნდა განვითარდეთ. ვარსკვლავები გირჩევენ ახლობლებთან სამომავლო გეგმებზე საუბრისგან თავი შეიკავოთ – შესაძლოა, სწორად ვერ გაგიგონ. სამსახურებრივმა საქმეებმა თქვენი გონება ისე შეიპყრო, რომ მეორე ნახევარი სულ გადაგავიწყდათ, რაც შეცდომაა. დღეიდან თქვენი ავტორიტეტი საგრძნობლად განმტკიცდება, რაც კარიერულ პერსპექტივებზე დადებითად აისახება. საქმიანი განწყობის მიუხედავად, დღის განმავლობაში მცირე დაბრკოლებებთან შეჯახება მაინც მოგიწევთ. დაიცავით ზომიერება ყველაფერში და ჯანმრთელობის პრობლემები გვერდს ავლით. დღეს არც ბევრი ჭამაა სასარგებლო და არც მკაცრი დიეტა.
ლომი
ამ დღეს ჯობია, ცდუნებას აჰყვეთ და ემოციები არ დათრგუნოთ — ეს სასიამოვნო შთაბეჭდილებებს მოგიტანთ და მოდუნებაში დაგეხმარებათ. დაოჯახებულ ლომებს წინ სასიხარულო ამბები ელოდებათ. სავარაუდოდ, მატერიალური პრობლემები ან ბინის გაჭიანურებული საკითხი მოგვარდება. მიეცით თავს უფლება, რომ მომენტით ისიამოვნოთ, თუმცა მნიშვნელოვანი მოვალეობებიც არ დაივიწყოთ. ყურადღება მიაქციეთ ადამიანებს, რომლებიც პერსპექტიულ წინადადებას გთავაზობენ. სწორი მენეჯმენტის პირობებში ამან შეიძლება დამატებითი შემოსავალი მოგიტანოთ. თუ საკუთარ სიმართლეში დარწმუნებული ხართ, ოპონენტთან კამათი არ მოგერიდოთ. მიიღეთ ვიტამინები, სვით ახლად დაწურული წვენები, ჰაერზე ისეირნეთ და მსუბუქ ფიზიკურ დატვირთვას არ მოერიდოთ.
ქალწული
უსმინეთ გრძნობებს და არა გონებას — პრობლემის მოულოდნელ გამოსავალს სწორედ შინაგანი ხმა გიკარნახებთ. ახლობლებისგან დახმარებას ნუ ელოდებით, სჯობს მხოლოდ საკუთარ ძალებს დაეყრდნოთ. ნებისმიერ საქმეში თანმიმდევრულობა და მოთმინება უნდა გამოიჩინოთ. მოსალოდნელია საინტერესო საქმიანი შეთავაზება, თუმცა სანამ გადაწყვეტილებას მიიღებთ, რჩევა კომპეტენტურ ადამიანებს ჰკითხეთ. ვარსკვლავების მხარდაჭერით ამ დღეს ყველაზე რთულ საქმეებსაც კი გაუმკლავდებით. შეგიძლიათ გარისკოთ და თამამი გეგმები განახორციელოთ. დღის მეორე ნახევარში მოსალოდნელია უგუნებობა, თავის ტკივილი ან ზოგადი სისუსტე. შესაძლოა, მცირე მატერიალურმა შეფერხებამ და ყოველდღიურმა საზრუნავმაც თავი იჩინოს.
სასწორი
თუ ურთიერთობაში ბზარი გაჩნდა, დროა ყველაფერზე გულახდილად ილაპარაკოთ — პრობლემების დამალვა უსასრულოდ ვერ გაგრძელდება. ოჯახის უფროსი წევრები არ დაივიწყოთ. მათთან გატარებული დრო ორივეს დიდ სიხარულს მოგიტანთ. ახალი პროექტების დაწყება და რისკზე წასვლა ნუ შეგაშინებთ — მარსისა და მერკურის ტრინი წარმატებას გიწინასწარმეტყველებთ. ხელმძღვანელობასთან კამათს და საკუთარი სიმართლის მტკიცებას მოერიდეთ, ეს სრულიად უშედეგო და უსარგებლო იქნება. თავისუფალი დრო იმ საქმეს დაუთმეთ, რომელიც სიამოვნებას განიჭებთ. ახლა თვითგანვითარებისთვის საუკეთესო დრო არ არის, უბრალოდ დაისვენეთ.
მორიელი
ბედისწერა საინტერესო ადამიანებს შეგახვედრებთ და პირადი ცხოვრების აწყობის მშვენიერ შანსს მოგცემთ. არაკეთილმოსურნეები შეეცდებიან საყვარელ ადამიანთან წაგაჩხუბონ — თუ პროვოკაციას წამოეგებით ეს ძალიან მალე მოხდება. ვარსკვლავები ბედნიერი მოვლენების წყებას გპირდებიან, რაც ერთფეროვან ყოველდღიურობას გაგიფერადებთ. გამორიცხული არ არის, რომ მალე მივლინებაში გამგზავრება მოგიწიოთ. მოერიდეთ კრედიტების აღებას და ეცადეთ, საფულე ბოლომდე არ დაიცარიელოთ. ახლა ენერგიის მარაგის აღდგენა გჭირდებათ, ამიტომ შეგიძლიათ თავი გემრიელი კერძებით გაინებივროთ, სასიამოვნო ადამიანებს ესაუბროთ, პარკში ისეირნოთ ან შოპინგით გაერთოთ.
მშვილდოსანი
გამორიცხული არ არის, უახლოეს დღეებში რჩეულს შეხვდეთ, ასე რომ, დროა ვარცხნილობა შეცვალოთ და გარდერობი განაახლოთ. თუ საყვარელ ადამიანთან იჩხუბეთ, იცოდეთ, რომ შერიგებისთვის შესანიშნავი პერიოდია — პლანეტების განლაგება კონფლიქტების მოგვარებას ხელს უწყობს. გახსოვდეთ, რომ ბედისწერა მხოლოდ ილუზიაა. საკუთარ ცხოვრებას საკუთარი ქმედებებითა და გადაწყვეტილებებით თავად მართავთ და მსხვერპლი არ ხართ! ეცადეთ წარმატებული ადამიანების გარემოცვაში მეტი დრო გაატაროთ. მოერიდეთ ადამიანს, რომელიც გამუდმებით წუწუნებს და განწყობას გიფუჭებთ. საღამოს ყურადღება მიაქციეთ წნევის ცვალებადობასა და გულ-სისხლძარღვთა სისტემას. ასტროლოგები გირჩევენ, რომ უარყოფით ემოციებს, ნერვიულობასა და კამათს მოერიდოთ.
თხის რქა
ამ დღეს გაჩნდება შანსი, პერსპექტიული პროექტი, რომელზეც დიდხანს და დაუღალავად შრომობდით, საბოლოოდ დაასრულოთ, დარჩენილი დრო კი ახლობლებს დაუთმოთ. კოლეგებს თქვენი ნოვატორული იდეების გასაგებად დრო დასჭირდებათ, ამიტომ მეტი მოთმინება უნდა გამოიჩინოთ. ვარსკვლავები მიზანდასახულ ადამიანებს სასურველი შედეგის სწრაფად მიღწევაში დაეხმარებიან. თუ ზედმეტ კილოგრამებს ებრძვით, ყოველდღიური მენიუ ახალი ბოსტნეულითა და მწვანილით გაამდიდრეთ, ცომეულსა და ტკბილეულზე კი დროებით უარი თქვით.
მერწყული
პირად ცხოვრებაში ცვლილებებისა და გარდაქმნების დღეა. ბევრ მერწყულს სამომავლო გეგმების გადახედვა მოუწევს. მეტი ყურადღება დაუთმეთ შვილებსა და მეუღლეს — დღეს მათ თქვენი მხარდაჭერა განსაკუთრებით დასჭირდებათ. ეცადეთ მეზობლებთან და ნათესავებთან ურთიერთობაში კომპრომისი იპოვოთ. მოერიდეთ არაკეთილგანწყობილ ადამიანებთან შეხვედრებს. ეცადეთ, სიმშვიდე შეინარჩუნოთ და წვრილმანებზე არ ინერვიულოთ. დღის პირველ ნახევარში მოსალოდნელია უთანხმოება როგორც კოლეგებთან, ისე ხელმძღვანელობასთან, თუმცა საკუთარი სიმართლის დამტკიცებას მაინც შეძლებთ. თუ დიდი ხანია, სიახლეებსა და ცვლილებებზე ოცნებობთ, მოქმედების დროა! დღის მეორე ნახევარში შეიძლება ჯანმრთელობის პრობლემებმა თავი შეგახსენოთ, ამიტომ საჭირო მედიკამენტები ახლოს უნდა გქონდეთ.
თევზები
ასტროლოგები გირჩევენ, მეორე ნახევრის ერთგული დარჩეთ და მასთან ურთიერთობაში საკუთარი პოზიცია ბოლომდე დაიცვათ. მალე შეიძლება ჭორებისა და მითქმა-მოთქმის ობიექტი გახდეთ, მაგრამ ამ წვრილმანებზე არ უნდა ინერვიულოთ. გაისეირნეთ მაღაზიებში და სარემონტო მასალები დაათვალიერეთ — დროა, ბინის განახლება დაგეგმოთ. დილის საათებში მოსალოდნელია მელანქოლიური განწყობა, რაც იუპიტერისა და სატურნის კონფლიქტის შედეგია და შესაძლოა პესიმისტურმა ფიქრებმაც შეგაწუხოთ. გირჩევთ საკუთარ თავზე მეტი იზრუნოთ და თუნდაც უმნიშვნელო ჯანმრთელობის პრობლემა უყურადღებოდ არ დატოვოთ.
пользователь 