რას გვირჩევენ ვარსკვლავები 16 სექტემბრისთვის ჯანმრთელობის, ბიზნესის და სიყვარულის მიმართულებით?
ვერძი
დაგეგმეთ კულტურული დასვენება საყვარელ ადამიანთან ერთად — წადით კინოში ან რესტორანში ვახშმით ისიამოვნეთ. სკოლის მოსწავლეთა მშობლებს შესაძლოა გარკვეული სირთულეები შეექმნათ; ვარსკვლავები გირჩევენ, საკითხი უყურადღებოდ არ დატოვოთ და აუცილებლად დამრიგებელს ესაუბროთ. ხელმძღვანელობის მხრიდან გამოჩენილი ყურადღება იმაზე მიუთითებს, რომ დაწინაურება გელოდებათ, ამიტომ სამსახურებრივ მოვალეობებს ნუ უგულებელყოფთ. ახლობელი ადამიანის რჩევამ შეიძლება ფინანსური პრობლემიდან გამოსავალი გაპოვნინოთ. ფსიქოლოგიურმა და ფიზიკურმა გადაღლამ შესაძლოა, თქვენი სულიერი წონასწორობა და ჯანმრთელობის მდგომარეობა დაარღვიოს.
კურო
ამ დღეს მოსალოდნელია ემოციური რყევები, ამიტომ საკუთარ განცდებს განსაკუთრებული ყურადღება უნდა მიაქციოთ. თუ ძველი წყენა მოსვენებას არ გაძლევთ, ეცადეთ ყურადღება საოჯახო საქმეებზე გადაიტანოთ. ამ დღეს განსაკუთრებული კომუნიკაბელურობით და თანაგრძნობით გამოირჩევით, რაც გარშემომყოფებთან ურთიერთობაში დაგეხმარებათ. საბუთებზე ხელის მოსაწერად ხელმძღვანელთან შესვლას ნუ იჩქარებთ, დღეს ეს მცდელობა უშედეგო იქნება. სამაგიეროდ, მერკურისა და სატურნის ჰარმონიული განლაგება დაგეხმარებათ, რომ კომერციული ოპერაციები წარმატებით დაასრულოთ. ჯანმრთელობის პრობლემებმა შესაძლოა, თქვენს შრომისუნარიანობასა და ცხოვრების ხარისხზე უარყოფითად იმოქმედოს, ამიტომ ნუ გადაიღლებით.
ტყუპები
სამუშაოს დასრულების შემდეგ მაღაზიებში გასეირნება საუკეთესო გადაწყვეტილება იქნება. პლანეტების განლაგება დაქორწინებულ წყვილებს გრძნობების განახლების შანსს სთავაზობს. ჰოროსკოპი უამრავ მოულოდნელ და სასიამოვნო მოვლენას გპირდებათ, რომელიც ყოველდღიურ რუტინას გაგილამაზებთ. ამ დღეს კოლეგების უსაფუძვლო შენიშვნები ძალიან გაგაღიზიანებთ, თუმცა ეცადეთ, წვრილმანებზე არ ინერვიულოთ და სიტუაციაზე კონტროლი არ დაკარგოთ. ვარსკვლავები დროებით ფინანსურ სირთულეებზეც მიგითითებენ. შეეცადეთ, საკუთარ გრძნობებსა და ემოციებში გაერკვეთ, რადგან დღევანდელი მოვლენები თქვენს შინაგან სამყაროს ასახავენ. ყურადღება მიაქციეთ მინიშნებებს —შესაძლოა აგიხდეთ.
კირჩხიბი
საყვარელ ადამიანთან ურთიერთობისას საკუთარ ინტუიციას ენდეთ — ის სწორ მოქმედებას დაგანახვებთ. მშვენიერი დღეა განმარტოებისთვისა და პირად ურთიერთობებზე ფიქრისთვის. ამ დღეს იღბალი შემოქმედებითი პროფესიის წარმომადგენლებს გაუღიმებს — შთაგონებასა და ახალი ძალების მოზღვავებას იგრძნობთ. კოლეგებთან ურთიერთობა შესაძლოა, ცოტა გართულდეს. მოგიწევთ დაამტკიცოთ, რომ დაკავებულ თანამდებობას იმსახურებთ, რის შემდეგაც ხელმძღვანელობის კეთილგანწყობას მოიპოვებთ. აკონტროლეთ ხარჯები, რათა უსარგებლო დანაკარგები თავიდან აიცილოთ. ნუ შეშინდებით — უბრალო სურდო და მსუბუქი შეუძლოდ ყოფნა სერიოზულ ზიანს ვერ მოგაყენებთ.
ლომი
თუ ჯერ კიდევ მარტოხელა ხართ, მეგობრულ შეკრებებზე უარს ნუ იტყვით — შეიძლება სწორედ იქ შეხვდეთ თქვენზე უფროს ადამიანს, რომელიც თქვენი ცხოვრების თანამგზავრი გახდება. ბევრ ლომს ძვირად ღირებული ნივთის შესაძენად სესხის აღება დასჭირდება, თუმცა შენაძენი იმედს გაუმართლებს. საოჯახო საქმეები საკმაოდ დიდ დროსა და ენერგიას წაგართმევთ, ამიტომ დატვირთვის შესამცირებლად მოვალეობების ნაწილი ოჯახის სხვა წევრებს გაუნაწილეთ. ფინანსურ სტრატეგიას განსაკუთრებული ყურადღება მიაქციეთ. საკუთარი ხარჯები საფუძვლიანად შეისწავლეთ და გადაწყვეტილებებს ემოციების გავლენით ნუ მიიღებთ. ხელმძღვანელობა თქვენ მიმართ კეთილგანწყობილია და მცირე შეცდომებსაც გპატიობთ, თუმცა შრომის დისციპლინას მაინც ნუ დაარღვევთ. გეგმაზომიერი მოქმედება გაურკვევლობას, გადაღლილობასა და სტრესს აგაცილებთ.
ქალწული
ვენერა გმფარველობთ, ამიტომ მალე კარზე ახალი სიყვარული მოგიკაკუნებთ. გამოიყენეთ ეს დრო თვითგანვითარებისა და კოლეგებთან ურთიერთობისთვის.
სამსახურში თქვენი ინიციატივა სიხარულით იქნება მიღებული, რაც პატივისცემას და აღიარებას მოგიტანთ. ფინანსური სიტუაცია სტაბილურია, თუმცა აზარტულ თამაშებსა და დაუფიქრებელ ხარჯებს მაინც უნდა მოერიდოთ. ხელსაყრელი პერიოდია მნიშვნელოვანი საქმეების დასასრულებლად, თუმცა არც დასვენება დაივიწყოთ. უქმეები ოჯახის გარემოცვაში გაატარეთ, აგარაკს ეწვიეთ ან პარკში ისეირნეთ. იმისათვის, რომ თავის ტკივილმა განწყობა არ გაგიფუჭოთ, წინა ღამით კარგად გამოიძინეთ — თქვენს ნერვულ სისტემას აღდგენა სჭირდება.
სასწორი
პირად ცხოვრებაში არსებულ ხანმოკლე პაუზას მსუბუქი ფლირტი შეცვლის. შესაძლოა, სიყვარულს მოულოდნელ ადგილზე შეხვდეთ, ამიტომ ახალი გამოცდილებისთვის მოემზადეთ. შეგიძლიათ ამ პროცესით ისიამოვნოთ, მაგრამ სერიოზული ურთიერთობის იმედი ნუ გექნებათ. ვარსკვლავები გირჩევენ, რომ ამ დღეს ახალ საქმე არ წამოიწყოთ, რადგან შედეგი უფრო უარყოფითი იქნება, ვიდრე დადებითი. შეუსრულებელი ვალდებულებების გამო მოსალოდნელია ფინანსური დავა და პრეტენზიები — შეეცადეთ, მსგავს პრობლემებს მშვიდად შეხვდეთ. მთლიანობაში, დღე ბევრ პოზიტიურ ემოციას მოგიტანთ, მალე კი ცხოვრების წესის შეცვლასაც შეძლებთ.
მორიელი
ამ დღეს გარშემომყოფთა განწყობის მიმართ განსაკუთრებით მგრძნობიარე ხართ. შეეცადეთ, საკუთარი მოსაზრების დაცვა ისწავლოთ და სხვის ინტერესებში ნუ შეიჭრებით. საყოფაცხოვრებო პრობლემების მოგვარება ბევრ ენერგიას მოითხოვს, ამიტომ ჯერ ყველაზე პრიორიტეტული ამოცანები შეასრულეთ. ასტროლოგიური პროგნოზი ამ თვეში სამსახურებრივ ცვლილებებს არ მოელის — ხელმძღვანელობა ახალი დავალებებით დაგტვირთავთ, რაც თქვენს განრიგში გარკვეულ ქაოსს შეიტანს. ნუ ააგებთ ქვიშის კოშკებს — თქვენი ოცნებები ოცნებებად დარჩება, თუ მოქმედებაზე არ გადახვალთ. ბედის საჩუქრებს ნუ ელოდებით — ამ დღეს მხოლოდ საკუთარ თავს დაეყრდენით. აკონტროლეთ ორგანიზმში მაგნიუმის დონე და გახსოვდეთ, რომ პოზიტიური აზრები მშვიდი და ჯანსაღი ძილის გარანტია.
მშვილდოსანი
პარტნიორთან ურთიერთობაში შესაძლოა უთანხმოებამ თავი იჩინოს —მოსალოდნელია უსაფუძვლო პრეტენზიებიც კი, თუმცა ამ ყველაფერს გულთან ახლოს ნუ მიიტანთ! როგორც ჩანს, ერთმანეთისგან ცოტა დასვენება გჭირდებათ. პროფესიულ ცხოვრებაში მზად იყავით ცვლილებებისთვის და სიტუაცია ყველა კუთხიდან შეისწავლეთ. მიჰყევით საკუთარ გეგმას და ნუ იდარდებთ, თუ გარშემომყოფები მხარს არ გიჭერენ. ამ დღეს ძვირად ღირებული ნივთების შეძენას უნდა მოერიდოთ — მარსი ემოციურ ფონს გაზრდის, ასეთ მდგომარეობაში კი საფულის გაკონტროლება ჭირს. ნუ მისცემთ უსიამოვნებებს თქვენი დამორჩილების უფლებას. დარდმა და შფოთვამ შესაძლოა ორგანიზმზე უარყოფითად იმოქმედოს და კანის პრობლემებიც კი გამოიწვიოს.
თხის რქა
თუ თავად არ გამოიჩენთ ინიციატივას პირად ცხოვრებაში ცვლილებებს არ უნდა ელოდოთ. მოწყენილობა და უსიამოვნო ფიქრები რომ თავიდან აიცილოთ, შეგიძლიათ თავისუფალი დრო ძველ მეგობრებთან ურთიერთობას დაუთმოთ, რომლებიც სიამოვნებით მოსმენენ და მორალურ მხარდაჭერასაც გაგიწევენ. კონკურენტი ეცდება, რომ თქვენს გეგმებს ხელი შეუშალოს, ამიტომ სიფრთხილე და წინდახედულობა უნდა გამოიჩინოთ. ასტროლოგები ვარაუდობენ, რომ შემოსავლის დამატებითი წყაროების ძიება წარმატებით დასრულდება. უახლოესი დღეები ძალიან ხელსაყრელია ბუნების წიაღში ან აგარაკზე დასასვენებლად.
მერწყული
რომანტიკული ურთიერთობებისთვის არახელსაყრელი დროა. თუ შესაძლებელია, მცირე შვებულება აიღეთ და სამოგზაუროდ გაემგზავრეთ. ამჟამად ყურადღება საყოფაცხოვრებო საკითხების მოგვარებაზე უნდა გადაიტანოთ. მეგობრებთან შეხვედრები ერთი-ორი კვირით გადადეთ, რადგან მოსალოდნელია აზრთა სხვადასხვაობა. დღეს როგორც სამსახურებრივი, ისე საოჯახო პრობლემების მოგვარება მოგიწევთ, რაც დიდ დროსა და ენერგიას წაგართმევთ. თუ სიძუნწეს გამოიჩენთ, შესაძლოა პარტნიორი გაანაწყენოთ — ისწავლეთ ხელგაშლილობა, რათა მომავალში უფრო მეტი არ დაკარგოთ.
თევზები
იმ შემთხვევაშიც კი, თუ პირადი ცხოვრების შეცვლა გადაწყვიტეთ, მკვეთრი ნაბიჯების გადადგმას ნუ იჩქარებთ — საეჭვოა, ამ სიახლეებმა გაგახაროთ. ცუდი განწყობა მალე გაივლის, ახლა მთავარია, საყვარელ ადამიანებთან ურთიერთობა არ გაიფუჭოთ. ვარსკვლავები გეგმების სწრაფ განხორციელებას ჯერჯერობით ხელს არ უწყობენ; ასევე არახელსაყრელი დღეა მგზავრობისა და სწავლისთვის. სამაგიეროდ, კარგი პერიოდია თანამოაზრეებთან და ახლო მეგობრებთან შეხვედრისა და გართობისთვის. გამორიცხული არ არის, რომ დღის მეორე ნახევარში არასასიამოვნო ამბავს გაიგოთ და მატერიალურმა პრობლემებმა შეგაწუხოთ. გულდასმით გარეცხეთ ბოსტნეული და პროდუქტების ვარგისობის ვადა შეამოწმეთ — სატურნი მარსთან კვინკონსს ქმნის, რის გამოც საკვებით მოწამვლის საფრთხე იმატებს.
