რაც შეხება მამას … რას ამბობს გურამ დადიანიძის ოჯახის ადვოკატი, ტარიელ კაკაბაძე

„რაც შეხება მამას, საზოგადოებას ნამდვილად აინტერესებს, თუ რატომ არ იღებს მამა ხმას და ძალიან საეჭვოა ზოგადად ის, რომ ამდენი ადამიანი – მამა, მამიდა და სხვები არიან ჩუმად ან ისე იქცევიან, თითქოს არაფერი მომხდარა“ – ამის შესახებ გადაცემაში „შენი ამბავი თაიასთან“ 12 წლის წინ, მლეთაში გაუჩინარებული გურამ დადიანიძის ოჯახის ადვოკატმა, ტარიელ კაკაბაძემ განაცხადა.

ადვოკატის განმარტებით, მისი მცდელობის მიუხედავად მასთან კომუნიკაციის სურვილი გურამ დადიანიძის მამიდას და მამას არ გამოუთქვამთ:

„რაც შეხება მამას, საზოგადოებას ნამდვილად აინტერესებს, თუ რატომ არ იღებს მამა ხმას და ძალიან საეჭვოა ზოგადად ის, რომ ამდენი ადამიანი – მამა, მამიდა და სხვები არიან ჩუმად ან ისე იქცევიან, თითქოს არაფერი მომხდარა, ისე იქცევიან, თითქოს გურამი არის სადმე დასასვენებლად წასული და ძალიან მალე დაბრუნდება უკან. ხანდახან როდესაც მე ამ ადამიანებს ვუსმენ, მექმნება შთაბეჭდილება, რომ გურამ დადიანიძე ჩვენთან ერთად არის და ჩვენ ყველა ერთად გავგიჟდით და არ ვიცით რას ვაკეთებთ და ვის ვეძებთ – როგორ შეძლება ასე მშვიდად იყო ადამიანი, რომლის ოჯახის წევრი, 17 წლის ბავშვი 12 წელია დაკარგულია და არ ვიცით სად არის, გაუჩინარებულია. კიდევ ერთხელ ვიმეორებ, რომ მე თავად მქონდა მამიდასთან შეხვედრის მცდელობა და ამ ადამიანმა არ ისურვა ჩემთან შეხვედრა, არ დაურეკავს, არ მოუწერია, არც მამას ჩემთვის არ დაურეკავს, არ მოუწერია და არავის გამოუთქვამს სურვილი, რომ შემხვედროდა…“ – ამბობს ტარიელ კაკაბაძე.