„უკარგესი ადამიანი დავკარგეთ…“ – ყოფილი ფეხბურთელი გარდაიცვალა

გარდაიცვალა ყოფილი ფეხბურთელი და ვარკეთილის ბავშვთა საფეხბურთო გუნდის “ზეკარის” მწვრთნელი გიორგი ტუხაშვილი. სამწუხარო ინფორმაციას სოციალურ ქსელში ავრცელებენ და გარდაცვლილ ახალგაზრდა მწვრთნელს ემშვიდობებიან.

„არ ვიცი რა ვთქვა. სიტყვებით ვერ გადმოვცემთ, ჩვენთვის რა იყავით. ნათელი თქვენს სულს, ზეკარი ჩვენი დიდი ოჯახია“;

„ვისაც კი გიორგი მასწავლებელთან ჰქონია შეხება, ყველას მოგვიკლა გული, რადგან თავისი ადამიანობით ყველას შეაყვარა თავი…“;

„გიო მას, როგორ გული მტკივა. როგორ გვჯეროდა რომ ყველაფერი კარგად იქნებოდა და დაგვიბრუნდებოდი მარტო ფეხბურთს არ ასწავლიდი… ბავშვებს ადამიანობას და ერთმანეთის სიყვარულს ასწავლიდი. დიდი უსამართლობაა, ასე ადრე დაგვტოვე“ – წერენ „ზეკარის“ გუნდის წევრების მშობლები.