ტაილანდში პოლიციის თვითმფრინავი ჩამოვარდა.
მედიის ცნობით, ავიაკატასტროფას, სულ მცირე, 5 ადამიანის სიცოცხლე ემსხვერპლა.
ტაილანდის პოლიციის წარმომადგენლის არჩაიონ კრაიტონგის ცნობით, ტაილანდის პოლიციის მცირე ზომის თვითმფრინავი სატესტო ფრენას ასრულებდა, რა დროსაც ზღვაში ჩავარდა.
მისივე ინფორმაციით, თვითმფრინავის ბორტზე 6 პოლიციელი იმყოფებოდა, რომელთაგან 5 დაიღუპა, ხოლო ერთი საავადმყოფოში გადაიყვანეს და მისი მდგომარეობა კრიტიკულია.
ავიაკატასტროფის მიზეზი, ამ ეტაპზე, უცნობია. მომხდართან დაკავშირებით გამოძიება დაწყებულია.
ფოტო თემატური
user