პარასკევს საღამოს ნეაპოლის პროვინციაში 4.7 მაგნიტუდის სიმძლავრის მიწისძვრა დაფიქსირდა, რაც რეგიონში ბოლო 40 წლის განმავლობაში ყველაზე ძლიერი ბიძგებია. შემთხვევის შედეგად სულ მცირე 21 მცხოვრები დაშავდა.
სეისმური აქტივობა ყველაზე მკვეთრად ქალაქ პოცუოლიში იგრძნობოდა. ძირითად ბიძგს 30-ზე მეტი განმეორებითი მიწისძვრა მოჰყვა.
ნგრევა დაფიქსირდა პოცუოლიშიც, სადაც ერთ-ერთ ქუჩაზე საცხოვრებელ კორპუსს კედლის ნაწილი ჩამოენგრა, რამაც ირგვლივ მდგარი ავტომობილები დააზიანა. სამოქალაქო დაცვის სამსახურის ცნობით, დაშავებულთაგან 2 პირის ჯანმრთელობის მდგომარეობა მძიმეა.
ნეაპოლისა და პოცუოლის რამდენიმე უბანში დროებით გაითიშა შუქი. პოცუოლიში 18-ზე მეტი ოჯახის ევაკუაცია გახდა საჭირო შენობების დაზიანების გამო. ბევრი ადგილობრივი მცხოვრები ღამით სახლში დაბრუნებას მოერიდა და ღამე ღია ცის ქვეშ ან ავტომობილებში გაათენა. ეპიცენტრის მიმდებარედ დაფიქსირდა ტუფის კლდეების ნაწილობრივი ჩამოშლა, რამაც გზებზე ქვები გადმოყარა და გაჩერებული მანქანები დააზიანა.
