35 წლის ნინი მუჯირი, რომელიც 15-წუთიანიპროცედურის შედეგად დამძიმდა,გარდაიცვალა. სამწუხარო ინფორმაციას შოთო სიხარულიძე ავრცელებს. ახალგაზრდა ქალი რამდენიმე თვე კომატოზურ მდგომარეობაში იმყოფებოდა.
ცნობილია, რომ ახალგაზრდა ქალს ორგანიზმში აღმოაჩნდა ბაქტერია (ლეპტოსპიროზი), რის გამოც განუვითარდა ელვისებური სეფსისი, სეპტიკური შოკი, კომა. მისი მდგომარეობა იყო კრიტიკულად მძიმე: თავის ტვინის დაზიანებითა და დისფუნქციით გამოწვეული სპეციფიკური ფსიქიკური აშლილობით.
“უკანასკნელი ვიდეო კლინიკიდან ოპერაციამდე რამდენიმე წუთით ადრე.
ნინი კლინიკაში საკუთარი ფეხით მივიდა. ჩვეულებრივ, 15-წუთიან ოპერაციაზე. ის სულ რაღაც 35 წლის იყო. იმ 15 წუთიანი ოპერაციის შემდეგ — სეფსისი, კომა. ის სულ იწვა და დუმდა. აღარ ლაპარაკობდა, აღარ რეაგირებდა. დედას აღარ ეხუტებოდა. დედა კი ყოველდღე იხრებოდა მასთან და ჩურჩულებდა: „ჩემი შვილი…“ და ყოველდღე მხოლოდ ერთ რამეს ელოდებოდა —თუნდაც ერთადერთ სიტყვას:„დედა…“
დღეს კი დედისერთა 35 წლის ნინი მუჯირი გარდაიცვალა.
ისეთი შეგრძნება მაქვს, თითქოს პირი ცხელი ქვიშით ამომივსეს და ხორცზე ნაკვერჩხალს მაყრიან.
ვინ იცის სად ხარ?..
მენანები იმ ქარისთვის შენს საფლავზე, რომ ააშრიალებს დაღლილ ხეებს…
მენანები იმ ქარისთვის აბუჩად,რომ იგდებს და გამუდმებით აქეთ-იქით არწევს შენს საფლავზე ამოსულ გვირილებს…
მენანები მიწისთვის, ცივი მიწისთვის…მენანები სამარადისო ძილისთვის…” – წერს შოთო სიხარულიძე და ვიდეოს აქვეყნებს.
admin 