“ერთი სული მაქვს როდის დაღამდება ხოლმე…” – რას ყვება რამაზ დავლაძე, რომელმაც კორპუსის ჩამონგრევის შედეგად ოჯახის 5 წევრი დაკარგა

რამაზ დავლაძე, რომელმაც 2021 წლის 8 ოქტომბერს ბათუმში კორპუსის ჩამონგრევის დროს ოჯახის ოთხი წევრი დაკარგა, (ნანგრევებმა მისი ორი შვილი, მეუღლე და ძმა მოიყოლა), სტუმრად გადაცემაში „პრაიმშოუ“ იმყოფებოდა, სადაც საკუთარი ტრაგედია კიდევ ერთხელ გაიხსენა. შეგახსენებთ, რომ ტრაგედიას რამაზ დავლაძის მხოლოდ ერთი შვილი, დემეტრე გადაურჩა.

„ყველა ოჯახში მშვიდობა უნდა იყოს. მართალი გითხრათ ყოველდღიურობა რთულია, მით უმეტეს როცა მარტო ხარ. ვცდილობ, რომ გამომივიდეს გაზრდა და აღზრდა გამომივიდეს. ისეთი შვილი მყავს ხვალინდელი დღე მისთვის მართლა მიღირს. ძალიან მაგარი ბიჭია, ცეკვაზეც დადის ფეხბურთზეც, ძალიან კარგად სწავლობს. ერთი სული მაქვს როდის დაღამდება ხოლმე. ყველას თავისი საქმე აქვს, საბოლოო ჯამში გიწევს და ყველაფერთან შეგუება და რეალურად უნდა შევხედოთ. ეს მძიმე ჯვარი, რომელიც ღმერთმა მარგუნა არის ჩემი გასაკეთებელი. ჩემ შვილს რომ შეხედავთ სკოლაშიც თუნდაც, ვერ იფიქრებს ადამიანი, რომ მას დედა არ ჰყავდა. მოვიყვანე დამხმარე, რომელიც ძალიან კარგი ქალბატონი იყო, მაგრამ არაპროდუქტიულად ვიგრძენი თავი. მე ვარ მისთვის ძმაც, დაც, ბიძიაც და მთელი სამყარო. თავი ხელში მყავს აყვანილი. გამოსული ვარ სხეულიდან და გვერდიდან ვუყურებ ჩემ თავს, რამე არ შემეშალოს“, – ჰყვება რამაზ დავლაძე.