აშშ-ს, ისრაელისა და ირანის შეიარაღებული კონფლიქტი უკვე მე-13 დღეა გრძელდება. მხარეები ერთმანეთის საწინააღმდეგო სარაკეტო დარტყმებს არ წყვეტენ. 13 მარტის მონაცემებით, აშშ-მ ირანში 6 000 სამიზნეს დაარტყა.
- აშშ-ის ცენტრალური სარდლობის მონაცემებით, ოპერაცია „ეპიკური მრისხანების“ ფარგლებში ირანში სამიზნეებს შორის იყო 60-მდე გემი და 30 დამნამღმველი ხომალდი, რომლებიც განადგურდნენ ან დაზიანდნენ.
სამიზნეებს შორის ასევე იყო სამეთაურო ცენტრები, იარაღის წარმოების ობიექტები, ბალისტიკური რაკეტების ცენტრები, წყალქვეშა ნავები და ირანის საჰაერო თავდაცვის სისტემები.
- ირანმა ისრაელის მიმართულებით რაკეტები გაუშვა. როგორც The Times of Israel-ი წერს, ჩრდილოეთ ისრაელში, არაბულ ქალაქ ზარზირში შეტევის შედეგად 60-მდე ადამიანი დაშავდა.
გამოცემის ცნობით, ერთი ადამიანის მდგომარეობა საშუალო სიმძიმისაა, დანარჩენები კი მსუბუქად არიან დაშავებულებიახლო აღმოსავლეთის ომში საფრანგეთს პირველი მსხვერპლი ჰყავს, ირანის მოკავშირე დაჯგუფებამ აშშ-ის თვითმფრინავი ჩამოაგდო, ისრაელზე შეტევა გრძელდება – უახლესი ცნობები
ისრაელის თავდაცვის ძალების განცხადებით, ზარზირში ირანის ბალისტიკური რაკეტის ჩამოვარდნის გარემოებებს იძიებენ. შიდა ფრონტის სარდლობა ადგილზე სამძებრო-სამაშველო სამუშაოებს ახორციელებს.
აშშ-ის სამხედრო ძალების ცნობით, 13 მარტს, ღამის საათებში დასავლეთ ერაყში აშშ-ის KC-135 ტიპის საწვავის შემავსებელი სამხედრო თვითმფრინავი ჩამოვარდა. აშშ-ის ცენტრალური სარდლობის ინფორმაციით, ინციდენტში ორი თვითმფრინავი მონაწილეობდა და მეორე უსაფრთხოდ დაეშვა.
აშშ-ის ცენტრალური სარდლობის განცხადებით, ინციდენტი „არ მომხდარა მტრული ან მეგობრული ცეცხლის გამო“.
მომხდარზე პასუხისმგებლობა ირანის მიერ მხარდაჭერილმა შეიარაღებულმა დაჯგუფებამ – „ერაყის ისლამურმა წინააღმდეგობამ“ აიღო. დაჯგუფების განცხადებაში აღნიშნულია, რომ KC-135 ტიპის თვითმფრინავი „ქვეყნის სუვერენიტეტისა და საჰაერო სივრცის დასაცავად“ ჩამოაგდეს.
- საპასუხოდ, ისრაელმა ირანის მიმართულებით საჰაერო შეტევა განახორციელა. თავდაცვის ძალების ინფორმაციით, ერთ დღეში დასავლეთ და ცენტრალურ ირანში 200-ზე მეტ სამიზნე დაიბომბა.
სამიზნეებს შორის იყო ბალისტიკური რაკეტების გამშვები მოწყობილობები, საჰაერო თავდაცვის სისტემები და იარაღის წარმოების ობიექტები.
თავდაცვის ძალებში აცხადებენ, რომ ისრაელის საჰაერო ძალების ათობით თვითმფრინავმა სამიზნეების თავზე უამრავი ბომბი ჩამოაგდო. ასევე ცნობილი ხდება, რომ ისრაელმა ახალი დარტყმები განახორციელა ბეირუთის მიმართულებითაც.
- საფრანგეთის პრეზიდენტის, ემანუელ მაკრონის და საფრანგეთის არმიის ცნობით, ერაყის ქურთისტანში ერთობლივ ბაზაზე თავდასხმის დროს ფრანგი ჯარისკაცი დაიღუპა. 5 სამხედრო მოსამსახურე დაიჭრა.
შტაბ-ბინაზე – რომელსაც საფრანგეთი ქურთისტანის პეშმერგას ძალებთან ერთად იზიარებს – დარტყმა ორი დრონით განხორციელდა.
შეგახსენებთ, გუშინ ირანის ახალმა უზენაესმა ლიდერმა მოჯთაბა ხამენეიმ განაცხადა, რომ თეირანი გააგრძელებს ჰორმუზის სრუტის ბლოკირებას. ხოლო, ის და მისი თანამოაზრეები შურს იძიებენ მტრების წინააღმდეგ და გააგრძელებენ მეზობელ ქვეყნებში მდებარე ამერიკულ ბაზებზე თავდასხმას.
დასავლეთ ერაყში საწვავის შემავსებელი თვითმფრინავის ჩამოვარდნის შედეგად ეკიპაჟის ოთხი წევრი დაიღუპა, – ამის შესახებ აშშ-ის ცენტრალური სარდლობის განცხადებაშია აღნიშნული.
„თვითმფრინავის ბორტზე მყოფი ეკიპაჟის ექვსი წევრიდან ოთხის გარდაცვალება დადასტურებულია“, – აღნიშნულია ცენტრალური სარდლობის განცხადებაში.
მათი ინფორმაციით, სამაშველო სამუშაოები გრძელდება.
ცენტრალური სარდლობა აცხადებს, რომ ინციდენტის გარემოებები ჯერ კიდევ გამოძიების პროცესშია.
„თვითმფრინავის დაკარგვა არც მტრის და არც მეგობრული ცეცხლის შედეგი არ ყოფილა“, – ნათქვამია განცხადებაში.
ცნობისთვის, დასავლეთ ერაყში ამერიკული KC-135 ტიპის საწვავის შემავსებელი სამხედრო თვითმფრინავი ჩამოვარდა. Reuters-ის ინფორმაციით, ჩამოგდებაზე პასუხისმგებლობა ირანის მიერ მხარდაჭერილმა შეიარაღებულმა დაჯგუფებამ – „ერაყის ისლამურმა წინააღმდეგობამ“ აიღო. დაჯგუფების განცხადებაში აღნიშნულია, რომ KC-135 ტიპის თვითმფრინავი „ქვეყნის სუვერენიტეტისა და საჰაერო სივრცის დასაცავად“ ჩამოაგდეს.