აშშ-ის პრეზიდენტის განცხადებით, ომი ირანში პრაქტიკულად დასრულებულია.
ტრამპის თქმით, “მათ აღარ ჰყავთ ფლოტი, აღარ აქვთ კავშირგაბმულობა და აღარ ფლობენ სამხედრო-საჰაერო ძალებს”. მისივე განმარტებით, ნაოსნობისთვის სტრატეგიულად მნიშვნელოვანი ჰორმუზის სრუტე ამჟამად გახსნილია და აკვატორიაში გემების მიმოსვლა შეუფერხებლად მიმდინარეობს. იმ შემთხვევაში, თუ ჰორმუზის სრუტეში ნავთობის მიწოდება შეფერხდება, ტრამპი ოცჯერ უფრო ძლიერი დარტყმით იმუქრება.
ცნობილია, რომ რამდენიმე დღის წინ თეირანმა ამ სრუტეზე სრული კონტროლის შესახებ გამოაცხადა.
“ისლამური რევოლუციის გუშაგთა კორპუსმა” კი განაცხადა, რომ ომის დასრულების პირობებს თავად ირანი განსაზღვრავს. სახელმწიფო მედიაში გამოქვეყნებულ განცხადებაში, რომელიც ტრამპის პოზიციის საპასუხოდ გაკეთდა, აღნიშნულია, რომ: “მხოლოდ ირანი გადაწყვეტს, თუ როდის დასრულდება ეს ომი”.