რას გვირჩევენ ვარსკვლავები 9 მარტისთვის ჯანმრთელობის, ბიზნესის და სიყვარულის მიმართულებით?
ვერძი
პირად ცხოვრებაში ცვლილებები თქვენ აქტიურობის გარეშე არ მოხდება. სახლის რემონტი ან ახალი ავეჯის ოჯახში სიმყუდროვესა და ჰარმონიას შემოიტანს. ეცადეთ, მოთმინება გამოიჩინოთ და ოჯახის წევრებს ახალ წამოწყებაში მხარი დაუჭირეთ. ფინანსური მდგომარეობა სტაბილურია, თუმცა საჩუქრებზე მთელი თვის ხელფასის დახარჯვა მაინც გაუმართლებელია.
განსაკუთრებული პრობლემები მოსალოდნელი არ არის, თუმცა სამსახურში ზოგი საკითხის მოსაგვარებლად დამატებითი დრო დაგჭირდებათ. მივლინება ნაყოფიერი იქნება და უცხოელ პარტნიორებთან მყარ კავშირებს უზრუნველყოფს.
ნერვულმა დაძაბულობამ და გადაღლამ შესაძლოა ქრონიკული დაავადებების გამწვავება და დეპრესიული განწყობა გამოიწვიოს.
კურო
ეს დღე შესაძლებლობას გაძლევთ, რომ სასიყვარულო საქმეებში დაშვებული შეცდომები გამოასწოროთ. შუადღეს მოსალოდნელია ძველ მეგობრებთან შეხვედრა და წარსულის გახსენება. გახსოვდეთ, რომ უნაკლო არავინაა და შეცდომებს ყველა უშვებს, ამიტომ ოჯახის წევრებისა და ახლობლების კრიტიკა უნდა შეარბილოთ.
შესაძლოა, კოლეგებს თქვენი შურთ და ინტრიგებით ცდილობენ დაგაზიანონ, თუმცა მათი მცდელობა უშედეგო იქნება. ამ დღეს გარიგებების დადებასა და მნიშვნელოვან საბუთებზე ხელის მოწერას მოერიდეთ. თქვენი გონების ძალას სასწაულების მოხდენა შეუძლია. ყველაფერი გააკეთეთ პოზიტიური განწყობის შესანარჩუნებლად და დღევანდელი დღით დატკბით!
ტყუპები
პირად ცხოვრებაში რთული არჩევანის გაკეთება მოგიწევთ. არახელსაყრელი გარემოებები შესაძლებლობას მოგცემთ, რომ თქვენი საუკეთესო თვისებები გამოავლინოთ და საკუთარ თავში დაფარული ნიჭი აღმოაჩინოთ. წინ მნიშვნელოვანი ხარჯები გელით, სამაგიეროდ რემონტის შემდეგ თქვენი ოჯახური ბუდე გაცილებით მყუდრო და მოხერხებული გახდება.
სამსახურში, ხელმძღვანელობასთან მნიშვნელოვანი საუბრისთვის მოემზადეთ. შესაძლოა, დადგა დრო, რომ ხელფასის მომატება ითხოვოთ. რეტროგრადული იუპიტერის გავლენა დაუფიქრებელი ნაბიჯებისკენ გიბიძგებთ. გახსოვდეთ, რომ აგრესიასა და მტრობას “ბუმერანგის ეფექტი” ექნება, ამიტომ ეცადეთ მშვიდობა დაამყაროთ მათთან, ვისთანაც ადრე კონფლიქტი გქონდათ.
კირჩხიბი
ვარსკვლავები ვარაუდობენ, რომ უახლოესი 24 საათის განმავლობაში პირადი ცხოვრებისთვის დრო აღარ დაგრჩებათ. ამ დღეს თქვენს პირად და ოჯახურ ცხოვრებაში მოსალოდნელია მნიშვნელოვანი მოვლენები. კარიერული წინსვლის სურვილმა შესაძლოა ამ ნიშნის ზოგიერთ წარმომადგენელს უჩვეულო ნაბიჯებისკენ უბიძგოს. უახლოესი პერიოდი ფინანსური თვალსაზრისით გაგახარებთ – ფული სხვადასხვა წყაროდან, რეგულარულად შემოვა, რაც ოჯახურ ბიუჯეტზე დადებითად აისახება.
შეუძლოდ ყოფნა ნუ შეგაშინებთ – ჩვეულებრივი სურდო სერიოზულად ვერ დაგაზიანებთ. საღამოს მტკივნეული თემების განხილვას მოერიდეთ და ეცადეთ საყვარელ ადამიანთან ერთად სეირნობისთვის დრო გამონახოთ.
ლომი
თქვენს თითოეულ გადაწყვეტილებას შედეგი მოჰყვება, განსაკუთრებით მომდევნო დღეების განმავლობაში, როდესაც თქვენს ენერგეტიკას იუპიტერი გააძლიერებს. სახლის ძირფესვიანი დალაგება, რომელიც დღეისთვის გქონდათ დაგეგმილი, სჯობს გადადოთ – ხვალ ამისთვის მეტი ძალა და სურვილი გექნებათ.
თავდაჯერება და პასუხისმგებლობის აღების უნარი წარმატების მიღწევაში დაგეხმარებათ. ამჟამად ფორტუნა თქვენს მხარესაა! თქვენი შფოთვა და ფარული შიშები უსაფუძვლოა – დასახული მიზნისკენ თავდაჯერებულად იარეთ. ნეგატიური ემოციების ფონზე მოსალოდნელია ჯანმრთელობასთან დაკავშირებული პრობლემები. იმედი არ დაკარგოთ მაშინაც კი, თუ ცხოვრება უსიამოვნო სიურპრიზებს გიმზადებთ.
ქალწული
მარტოხელა თუ ხართ, ამ დღეს ცხოვრების სიყვარულს შეიძლება ნებისმიერ ადგილზე შეხვდეთ: ინტერნეტში, ქუჩაში, სამსახურში თუ სავაჭრო ცენტრში. ოჯახის წევრებთან შესაძლოა დაძაბული ურთიერთობა შეიქმნას, რომელიც დიპლომატიური გზით უნდა მოაგვაროთ. ეცადეთ ემოციები აკონტროლოთ, რათა სერიოზული სკანდალი თავიდან აიცილოთ.
შესანიშნავი დღეა ხანგრძლივი მოგზაურობისა და საინტერესო ადამიანებთან ურთიერთობისთვის. ახალი ემოციები დაღლილობას დაგავიწყებთ, სამყაროს პოზიტიურად დაგანახვებთ და ოპტიმიზმით აგავსებთ. შეცვლილი გარემოებების გამო მატერიალურ კეთილდღეობას შეიძლება საფრთხე დაემუქროს, თუმცა მდგომარეობის გამოსასწორებელ გზას აუცილებლად იპოვით. თამამად ჩაატარეთ ექსპერიმენტები – ეს სარგებელს მოგიტანთ.
სასწორი
შესაძლოა, ახლობელი ადამიანის მიმართ გარკვეული პრეტენზიები გაგიჩნდათ, თუმცა გირჩევთ, ძველი წყენა დაივიწყოთ და მომავალზე იფიქროთ. ურთიერთობებში განსაკუთრებული პერიოდი გეწყებათ. თქვენ და თქვენი მეორე ნახევარი სიყვარულით ხართ სავსე, ამიტომ ეცადეთ, განმარტოებისა და დასვენების დრო გამონახოთ. ახლა მთავარია, კამათსა და სკანდალებს მოერიდოთ, შინაგანი საყრდენი იპოვოთ და საკუთარ სურვილებში გაერკვიოთ — ეს გადაღლისგან დაგიცავთ და ურთიერთობებს გააუმჯობესებს.
გახსოვდეთ, რომ დროებითი წარმატება პრობლემებისგან საბოლოოდ არ გაგათავისუფლებთ. მალე ფულის დაზოგვის შანსი გაგიჩნდებათ და ხელიდან ნუ გაუშვებთ!
მორიელი
საყვარელ ადამიანთან ურთიერთობაში სასურველია მეტი ფანტაზია და ინიციატივა გამოიჩინოთ. ენერგიის ნაკლებობა ურთიერთობას მოსაწყენს გახდის, ამიტომ ძალების აღდგენაზე იზრუნეთ. იღბალი თქვენს მხარესაა, რაც იმას ნიშნავს, რომ შანსი გაქვთ, ცხოვრება უკეთესობისკენ შეცვალოთ.
ემოციებს ნუ მისცემთ თქვენი მართვის უფლებას, წინააღმდეგ შემთხვევაში, გაცხარებულ გულზე შეიძლება ახლობლებს აწყენინოთ. ვარსკვლავები ხანმოკლე საექსკურსიო ტურს გირჩევენ – მცირე მოგზაურობა უამრავ პოზიტიურ შთაბეჭდილებასა და სასიამოვნო ამბავს მოგიტანთ.
მშვილდოსანი
მარტოხელა მშვილდოსნების სასიყვარულო ურთიერთობაში მოსალოდნელია სასიამოვნო ცვლილებები – შესაძლოა, ერთად ცხოვრება გადაწყვიტოთ. ახლობელი ადამიანი რჩევას გკითხავთ, თუმცა შესაძლოა რჩევაზე მეტად, ადამიანი სჭირდება, რომელიც პასუხისმგებლობას მასთან ერთად გაიზიარებს.
საქმეები უკეთესობისკენ მიდის, თუმცა ჯერჯერობით ძვირად ღირებული ნივთების შეძენისგან თავის შეკავება ჯობს. ზოგ შვილდოსანს სამსახურის შეცვლის ან საკუთარი საქმის წამოწყების სურვილი გაუჩნდება. ამ დღეს განწყობა შეიძლება შეუძლოდ ყოფნამ გაგიფუჭოთ, თუმცა ეს ხელს არ შეგიშლით, რომ დაწყებული საქმე დროულად დაასრულოთ. ეცადეთ, მნიშვნელოვანი საქმეები სხვა დროისთვის გადადოთ.
თხის რქა
თუ გულწრფელად და ბუნებრივად მოიქცევით, შანსი გაქვთ, რომ კარგ ადამიანთან სერიოზული ურთიერთობა დაიწყოთ. გირჩევთ, ახლობლების მიმართ მადლიერება გამოხატოთ და ძალისხმევისთვის ხშირად შეაქოთ. ნუ გადაიტვირთებით, დღეს ზომიერება საუკეთესო გამოსავალია.
ეცადეთ, მაღაზიებსა და სავაჭრო ცენტრებში სიარულისგან თავი შეიკავოთ. ამ დღეს შეძენილი ნივთი სავარაუდოდ, იმედს გაგიცრუებთ. შესაძლოა ენერგიის ნაკლებობა იგრძნოთ, რაც სატურნისა და იუპიტერის გავლენითაა გამოწვეული. ფრთხილად იყავით – დაუფიქრებელმა ნაბიჯმა შეიძლება თქვენთვის ძვირფასი ურთიერთობა დააზიანოს.
მერწყული
გირჩევთ საყვარელი ადამიანების მიმართ მეტი ზრუნვა და ყურადღება გამოიჩინოთ. კარგი იქნება თუ ოჯახის წევრებს თუნდაც სიმბოლური საჩუქრით გაახარებთ. ზოგიერთ მერწყულს სასიამოვნო მგზავრობა და საინტერესო ადამიანებთან ურთიერთობა ელის. სამსახურში მეგობრების დახმარებით დაწყებული პროექტების წარმატებით დასრულებას შეძლებთ.
შეზღუდეთ ურთიერთობა მათთან, ვინც პატივს არ გცემთ და თქვენს დროს არ აფასებს. ეცადეთ ყურადღება სასიამოვნო მოვლენებზე გაამახვილოთ და კარგი განწყობა მთელი დღის განმავლობაში გაგყვებათ. ამ კვირაში განსაკუთრებული ყურადღება მხედველობას მიაქციეთ — მიირთვით სტაფილო, მოცვი ან ვიტამინი A მიიღეთ.
თევზები
ვარსკვლავები გირჩევენ, რომ საყვარელ ადამიანს მეტი ყურადღება დაუთმოთ, ახლობლებსა და ნათესავებს მხარდაჭერა აღმოუჩინოთ. უახლოეს დღეებში შესაძლებელია მატერიალური მდგომარეობის გაუმჯობესება ან დაწყებული საქმის წარმატებით დასრულება. დღის მეორე ნახევარში შესაძლოა გეგმების გადახედვა ან პარტნიორებთან ურთიერთობის შეცვლა მოგიხდეთ.
ასაკში შესულმა თევზებმა შეიძლება სახსრების ტკივილი ან კუნთების დაჭიმულობა იგრძნოს. ამჟამად ფიზიკური დატვირთვა არასასურველია, თუმცა ხანმოკლე სეირნობა ნამდვილად წაგადგებათ. ამ დღეს ვიზაჟისტებთან, კოსმეტოლოგებთან და სხვა სპეციალისტებთან ვიზიტს მოერიდეთ, რადგან შესაძლოა, შედეგი თქვენს მოლოდინს არ დაემთხვეს.